ЯҢАЛЫКЛАР

ТР Президенты Рөстәм Миңнеханов бүген Казанга килгән РФ Хисап палатасы рәисе Сергей Степашин белән Универсиада авылында объектларны карап йөргәннән соң, “Буревестник” йөзү бассейнын рәсми ачтылар. Универсиада авылы яртылаш эшли, студентлар анда урнаша тора, Универсиадага дип төзелгән спорт объектлары кулланылышта, дип искәртте ТР Президенты һәм, Казанда Бөтендөнья Универсиадасын уздырырга планлаштырган вакытта аның Татарстан студентлыгына нинди йогынты-нәтиҗә ясаячагын күз алдына да китермәгән идек, дип таныды, ил җитәкчелеге исеменә ярдәмнәре өчен рәхмәт белдерде. Универсиада авылы белән Теннис академиясе арасында урнашкан әлеге бассейн - XXVII Бөтендөнья җәйге спорт уеннарына дип төзеләсе 29 объектның 24 нчесе, һәм без шушы шатлык уңаеннан килдек, дип белдерде Казан шәһәре мэры Илсур Метшин.

Киләсе елда республика җитәкчелегенә һәм Татарстан муниципаль берәмлекләренә ТРның салым түләүче предприятиеләрен нәтиҗәле эш белән тәэмин итәргә кирәк. Бу хакта бүген Татарстан Президенты Рөстәм Миңнеханов финанс, казначейство һәм салым органнарының 2010 елның 9 айда консолидацияләнгән бюджет үтәлешенә йомгак ясау киңәшмәсендә белдерде.

Бүген Татарстан Президенты Рөстәм Миңнеханов һәм Казан мэры Илсур Метшин Казан метрополитенының икенче чираты объектлары – “Мәскәү” һәм “Завод” станцияләрендә булды. Биредә “Айсылу” һәм “Алтынчәч” комплекслары тоннель казырга кереште.

Бүген Татарстан Хөкүмәте башлыгы Илдар Халиков ТР Министрлар Кабинетында Американың «OtterBox» компаниясе вәкилләре белән очрашты. Әлеге компания кәрәзле телефоннар өчен саклагыч тышлык һәм корпуслар, шулай ук башка төрле күчерелмә җайланмалар җитештерү белән шөгыльләнә.

Бүген II чакырылыш Казан шәһәре Думасының I сессиясе бара.

Анда, Казан шәһәре муниципаль берәмлеге Уставының 33 маддәсенә ярашлы рәвештә, яшерен тавыш бирү нәтиҗәләр буенча, Казан шәһәре муниципаль берәмлеге башлыгы итеп, 46 тавыш белән, Илсур Метшин сайланды. Шул рәвешле, мэр шәһәр Думасы рәисе вазифаларына да кереште. Илгизәр Вәлиев өчен исә 3 депутат тавыш биргән иде. Искәртеп үтәбез: бүгенге сессиядә 50 депутатның 49ы катнаша.

РФ Президенты Дмитрий Медведев белән ТР Президенты Рөстәм Миңнеханов бүген РФ Президенты каршындагы Россия икътисадын модернизацияләү һәм технологик үсеш буенча комиссия утырышына кадәр Чаллыдагы торак йортларның берсендә (14нче комплекста) җылылык узелының эшләве белән якыннан танышты.

Бүген РФ Президенты Дмитрий Медведев Чаллыдагы торак йортларның берсендә (14 нче комплекста) җылылык узелының эшләве белән якыннан танышты. Аны сәфәрдә ТР Президенты Рөстәм Миңнеханов озатып йөрде.

Бүген Россия Федерациясе Президенты Дмитрий Медведев Түбән Камада “ТАНЕКО” нефть эшкәртү һәм нефть химиясе заводлары комплексында булды.

Өлкән буын турында кайгырту – ул дәүләт өстенлеге. Бу хакта РФ Президенты Дмитрий Медведев өлкән кешеләрнең социаль-икътисади хәле мәсьәләләре буенча РФ Дәүләт Советы президиумы утырышын ачканда белдерде. Утырышта Татарстан Президенты Рөстәм Миңнеханов катнаша.

Татарстанда рәсми рәвештә теркәлгән эшсезләр санының кимү тенденциясе тотрыклы дәвам итә. Аларның саны, агымдагы ел башы белән чагыштырганда, 17 меңгә кыскарган. Бүгенге көндә республиканың мәшгульлек үзәкләрендә рәсми теркәлү узган эшсезләр саны 39 мең 158 гә калган. Бу – республикада икътисади актив халыкның 1,96 проценты. Шулай да 13 муниципаль берәмлектә эшсезлек дәрәҗәсе республика буенча уртача күрсәткечне узып китә. Эшсезләр саны буенча иң югары күрсәткеч – Алабугада. Биредә алар эш көчендәге халыкның 3,64 процентын тәшкил итә. Ә менә 8 муниципалитетта эшсезлек дәрәҗәсе 1 проценттан түбәнрәк. Әлеге мәгълүматларны бүген ТР Министрлар Кабинетында Яшәү дәрәҗәсен күтәрү һәм керемнәрне легальләштерү буенча республика ведомствоара комиссиясенең Премьер-министрның беренче урынбасары Равил Моратов рәислегендә узган утырышында хезмәт, мәшгульлек һәм социаль яклау министры урынбасары Клара Таҗетдинова җиткерде. Видеоконференция режимында оештырылган утырышның төп темасы Татарстанда хезмәт базарының торышы һәм быел хезмәт базарында киеренкелекне киметү буенча төбәк программасының үтәлеше, күрелә торган өстәмә чаралар белән бәйле иде.