ЯҢАЛЫКЛАР

Авыл хуҗалыгында хезмәт хакы түләнеше турында бүген Татарстан Республикасы Хөкүмәте йортында узган республика киңәшмәсендә ТР  Премьер-министры урынбасары –ТР  авыл хуҗалыгы һәм азык-төлек министры Марат Әхмәтов хәбәр итте.

Киңәшмәне барлык муниципаль берәмлекләр белән видеоконференцэлемтә режимында Татарстан Республикасы Премьер-министры Илдар Халиков уздырды.

Татарстан Республикасында 2016 елның 9 декабренә булган мәгълүматлар буенча  төзелеш өлешендә 6 республика программасы тулы күләмдә төгәлләнгән. Шул исәптән авыл клублары төзелеше, ТРда беренчел медицина-санитар ярдәм күрсәтү объектларын яңарту, ветеринария пунктлары төзелеше һәм ветеринария берләшмәләрне һәм авыл хуҗалыгы идарәләрен төзекләндерү, универсаль спорт мәйданнарын, участок полиция хезмәткәрләре өчен административ-торак комплексларын төзү, шулай ук арендага торак төзелеше буенча программа үтәлгән.

Бу хакта бүген ТР Хөкүмәте йортында узган республика киңәшмәсендә ТРның төзелеш, архитектура һәм ТКХ министры Ирек Фәйзуллин хәбәр итте. 

Бүген Татарстан Республикасында истәлекле көн - Ватан Геройлары көнен билгеләп үттеләр. Бу көнгә багышланган тантаналы чара С.Сәйдәшев исемендәге Зур концерт залында узды.

Татарстан Республикасы Премьер-министры Илдар Халиков үзенең сәламләү чыгышында, бу көнне ил өчен башларын салган геройларны искә алу белән бергә, үз иленә һәм халкына тугрылыклы булуны хезмәтләре белән күрсәтүчеләрне дә хөрмәтлиләр, дип билгеләде. 

Бүген Татарстан Премьер-министры урынбасары Васил Шәйхразиев Казанда “Эссен” гипермаркетын ачу тантанасында катнашты.

Беренче зур гипермаркет “Эссен” Татарстан башкаласының 10 микрорайонында ачылды, аның мәйданы 6,5 мең кв. метр, ул тәүлек буе эшләячәк.

Тантанада чыгыш ясап, Васил Шәйхразиев, халык күп яшәгән микрорайонда гипермаркет ачылуны яхшы вакыйга, дип атады.

Бүген Казан Кремлендә Татарстан Президенты Аппараты җитәкчесе Әсгать Сәфәров рәислегендә Татарстан Республикасында татар телен үстерү һәм эшләтү мәсьәләләре буенча эшче төркем утырышы узды.

Эшче төркем составына республика дәүләт органнары, югары уку йортлары, иҗтимагый оешма, фәнни һәм эксперт берлеге вәкилләре керә.

Бүген Казанда “ИТ-парк” югары технологияләр өлкәсендәге технопарк мәйданчыгында коррупциягә каршы дискуссия клубының III утырышы узды. Анда Татарстан Республикасы  Премьер-министры Илдар Халиков, ТР Иҗтимагый палата рәисе Анатолий Фомин, дәүләт хакимиятенең башкарма органнары җитәкчеләре, ТР Дәүләт советы депутатлары, яшьләр һәм иҗтимагый оешмалар вәкилләре катнашты.

Бүген Татарстан Республикасы Президенты Рөстәм Миңнеханов Мәскәүгә эш сәфәре кысаларында «Яңа проектларны алга сөрү буенча стратегик инициативалар агентлыгы» автономияле коммерциячел булмаган оешмасының (АСИ) Күзәтүчеләр советы утырышында катнашты.

Утырышны Россия Федерациясе Президенты Владимир Путин алып барды.

Ул, аерым алганда, искәрткәнчә, быел июль аенда Стратегик инициативалар форумында яңа проектлар буенча фикер алышу уздырылган. Шуңа бәйле рәвештә киләсе елда конкрет, сизелерлек нәтиҗәләргә килү принципиаль мөһим, беренче чиратта, төбәкләрдә эшлекле климатны яхшырту, һөнәри белемне үстерү һәм социаль өлкәдәге инициативаларга ярдәм күрсәтү мәсьәләләрендә.   

Татарстан Республикасында 2016 ел нәтиҗәләре буенча “Эколидер” конкурсында В.Д. Шашин исемендәге “Татнефть” ГАҖ абсолют җиңүче булды. Бу хакта бүген ел саен уздырыла торган “Эколидер” һәм “Кеше һәм табигать” республика конкурсларында җиңүчеләрне бүләкләү тантанасында билгеле булды.

Бу чара “Пирамида” комплексында (Казан) узды.

Бүген Казан районара табигатьне саклау прокуратурасының яңа бинасын ачу тантанасы узды (Нурсолтан Назарбаев ур., 15).

Бу чарада ТР Премьер-министры Илдар Халиков, РФ Генераль прокуроры урынбасары Сергей Зайцев, Идел буе төбәкара табигатьне саклау прокуроры Вениамин Селифанов, ТР прокуроры Илдүс Нафиков катнашты.

Бүген Татарстан Премьер-министры Илдар Халиков Россия Федерациясе һәм Татарстан Республикасы дәүләт бүләкләрен тапшырды.

Тантаналы чара Казан Кремлендә узды.