ЯҢАЛЫКЛАР
ТР Арбитраж суды республикада тотрыклылык һәм законлылыкны тәэмин итүгә зур өлеш кертте. Бу хакта бүген Татарстан Республикасы Президенты Рөстәм Миңнеханов 2015 елда Татарстан Республикасы Арбитраж суды эшчәнлегенең нәтиҗәләре буенча киңәйтелгән киңәшмәсендә белдерде.
Бүген ТР Дәүләт Советы утырышында “Оешмалар мөлкәтенә салым турында”гы Татарстан Республикасы законының 3 нче маддәсенә үзгәреш кертү хакында” һәм “Татарстан Республикасының монопрофильле муниципаль берәмлекләре (моношәһәрләре) территорияләрендә төзелеш социаль-икътисади үсеше алдан билгеләнә торган территорияләр резидентлары өчен оешмалар табышына салым буенча салым ставкасын билгеләү турында”гы 197-5 нче номерлы ТР закон проектлары кабул ителде. Алар, социаль-икътисади үсеше алдан билгеләнә торган территория резидентларына республика тарафыннан салым ташламалары — оешмалар мөлкәтенә салым түләүдән азат итү рәвешендә дәүләт ярдәме күрсәтү максатыннан, эшләнелгән.
Сессия эшендә Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Премьер-министры Илдар Халиков, Татарстан Республикасы Хөкүмәте әгъзалары һәм чакырылган кунаклар катнашты.
Бүген Татарстан Республикасы Хөкүмәте йортында ТР Инввестицион-венчур фонды Попечительлек советының чираттагы утырышы узды.
Утырышны ТР Инввестицион-венчур фондының Попечительлек советы рәисе ТР Премьер-министры Илдар Халиков уздырды.
Көн үзәгенә ТР Инвестицион-венчур фондының агымдагы эшчәнлеге мәсьәләләре куелган иде.
Бүген иртәнге сәгать 10да V чакырылыш Татарстан Республикасы Дәүләт Советының унбишенче утырышы үз эшен башлап җибәрде. Сессия эшендә Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Премьер-министры Илдар Халиков, Татарстан Республикасы Хөкүмәте әгъзалары һәм чакырылган кунаклар катнаша.
Президиум депутатлар каравына 37 мәсьәлә керткән иде, алар арасында 12 ТР законы проекты беренче укылышка әзерләнгән һәм 20 федераль закон проекты һәм төбәкләрнең закон чыгару инициативалары бар.
ТР Премьер-министры Илдар Халиков Бөгелмә районына эш сәфәре кысаларында район Советы сессиясендә катнашты, анда районның 2015 елдагы социаль-икътисади эшчәнлегенә йомгак ясалды һәм 2016 елга бурычлар билгеләнде.
Бүген Татарстан Республикасы Президенты Рөстәм Миңнеханов Мәскәүдә эш сәфәрендә.
Рөстәм Миңнеханов Россия Хөкүмәте Рәисе уздырган социаль-икътисадый мәсьәләләргә багышланган киңәшмәдә катнашты.
Киңәшмәдә 2016 елда Россия Федерациясендә социаль-икътисадый тотрыклылыкны тәэмин итүгә юнәлдерелгән эшләр планы проекты каралды.
Бүген Татарстан Республикасы Премьер-министры Илдар Халиков Минзәлә муниципаль районында булды.
Илдар Халиков башлап "Мебелев" җиһаз фабрикасында булды, анда ул җитештерү базасын карады, чыгарыла торган продукция белән танышты.
"Мебелев" җитәкчесе Дамир Каюмов кыскача предприятиенең эшчәнлеге турында сөйләде. Кыска вакыт эчендә товар әйләнеше елына 70 млн сумга җиткән. Фабрикада 35 кеше эшли.
Бүген Татарстан Республикасы Премьер-министры Илдар Халиков Минзәлә һәм Бөгелмә муниципаль районнарына эшлекле очрашуга бара.
ТР Министрлар Кабинеты башлыгы Минзәләдә “Мебелев” мебель фабрикасының җитештерү базасы һәм продукциясе белән танышачак, «Изыскатель» сәүдә-җитештерү фирмасы производствосында яңа линияне һәм эшләп чыгарыла торган продукцияне караячак.
Бүген Татарстан Республикасы Премьер-министры Илдар Халиков Менделеев район советының алтынчы утырышында катнашты.
Бу чара С. Гассар исемендәге Мәдәният сараенда узды. Фойеда Илдар Халиковка “Менделеев районының сәнәгать мәйданчыклары” проектларын тәкъдим иттеләр.
Бүген «Иннополис» университетында «IТ-чемпион» конкурсында җиңүчеләрне бүләкләделәр. Бүләкләү тантанасында ТР Президенты Рөстәм Миңнеханов, ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов, ТР Премьер-министры урынбасары – ТР мәгариф һәм фән министры Энгель Фәттахов катнашты.
“Иң актив мәктәп” номинациясендә җиңгән биш лидер-мәктәп телевизорлар белән бүләкләнде. Бу номинациядә республика мәктәпләренең 96 проценты катнашуын да билгеләп үтәргә кирәк.