ЯҢАЛЫКЛАР

Бүген Россиянең 72 зур шәһәрендә традицион  “Россия чаңгы юлы-2016” массакүләм чаңгы ярышлары узды. Быел Казанда зур кышкы спорт ярышы берьюлы өч мәйданчыкта башланды. Иң күп узышлар Залесный поселогының “Солнечный” лагеры территориясендә булды.

Чаңгы ярышларының тантаналы ачылышында РФ ФҖ Дәүләт Думасы депутаты Илдар Гыйльметдинов, ТР Президенты Аппараты җитәкчесе Әсгать Сәфәров, ТР яшьләр эшләре һәм спорт министры Владимир Леонов, Казанның Киров һәм Мәскәү районнары хакимияте башлыгы Дамир Фәттахов катнашты.

Бүген кич Татарстан Республикасы Президенты Рөстәм Миңнеханов Яшьләр  хоккей лигасының «Кубок Вызова» матчын ачу тантанасында катнашты. 

Чара Түбән Кама шәһәренең «Нефтехим арена» боз сараенда узды.  

Бу «Кубок Вызова» матчының сигезенчесе, анда Көнчыгышның һәм Көнбатышның МХЛ чемпионатының иң яхшы уенчыларыннан оешкан командалары көч сынаша.

Уенга мәртәбәле кунаклар – Россия Хоккей федерациясе президенты Владислав Третьяк, МХЛ идарәче директоры Алексей Морозов, Татарстан Республикасы яшьләр эшләре һәм спорт министрының беренче урынбасары Хәлил Шәйхетдинов, шулай ук «Молодежка» сериалы геройлары чакырылган иде. Кунакларны Түбән Кама мунициципаль районы башлыгы һәм Түбән Кама шәһәре мэры Айдар Метшин кабул итте.

Бүген Казанда Бадминтон үзәге ачылды.

Үзәк ачылу тантанасында Татарстан Республикасы Президенты Рөстәм Миңнеханов, Бөтендөнья бадминтон федерациясе президенты Поуль-Эрик Хейер Ларсен, Россия Илкүләм бадминтон федерациясе президенты Сергей Шахрай, Татарстан Республикасы яшьләр эшләре һәм спорт министры Владимир Леонов, Казан мэры Илсур Метшин һәм башкалар катнашты.

Бадминтон үзәге 2015 нче елның 22 сентябрендә төзелә башлаган.

Бүген ТР Хөкүмәте Йортындагы киңәшмәдә 2016 ел гыйнвары нәтиҗәләре буенча Татарстанда җитештерелгән ит һәм сөт турында ТР Премьер-министры урынбасары - авыл хуҗалыгы һәм азык-төлек министры Марат Әхмәтов хәбәр итте. 

Киңәшмәне бөтен муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов үткәрде. 

Ел башыннан Татарстан Республикасында 94,5 мең тонна сөт савылган, диде Марат Әхмәтов, 2015 елга караганда үсеш бар.

2016 елда Татарстан Республикасында капиталь ремонт программасы буенча 830 күп фатирлы йортка ремонт ясалачак. Ремонтланган торак фондының  гомуми мәйданы 4,7 млн. кв. метр тәшкил итәчәк.

Бүген бу хакта Татарстан Республикасы Хөкүмәте Йортында уздырылган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. 

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.

Бүген Россия Президенты Владимир Путин һәм Татарстан Республикасы Президенты Рөстәм Миңнеханов Чаллыдагы "Кванториум" балалар технопаркында булдылар.

Технопарк холлында РФ элемтә һәм массакүләм коммуникацияләр министры Николай Никифоров махсус презентация барышында Россия Президентына илдә соңгы җиде елда югары технологияләр өлкәсендәге казанышлар турында сөйләде. 

Аммиак, метанол һәм гранулаланган карбамид җитештерү буенча «Аммоний» комплексын Менделеевскта эксплуатациягә кертергә әзерләделәр.

Бүген кич аны Чаллы шәһәреннән Россия Президенты Владимир Путин эшләтеп җибәрде.

«Аммоний» АҖ Директорлар советы рәисе Ринат Ханбиков, комплекс эшләтеп җибәрүгә әзер, дип хәбәр итте.

Владимир Путин команда бирде: «Эшләтеп җибәрергә рөхсәт бирәм!». Комплекс проект куәтенә чыгу өчен эшләтеп җибәрелде.

Чарада Татарстан Республикасы Президенты Рөстәм Миңнеханов катнашты.

Бүген Чаллыга эш визиты кысаларында Россия Президенты Владимир Путин "КАМАЗ" заводында беренче авыр йөк машинасын чыгару көненә 40 ел тулуга багышланган тантаналы чарада катнашты. Дәүләт башлыгын Татарстан Республикасы Президенты Рөстәм Миңнеханов, федераль һәм  республика министрлыклары, ведомстволары җитәкчеләре озата йөрде. Бәйрәмнең төп чаралары заводның автоҗыю мәйданчыгында үтте. 

Бүген Татарстан Республикасы Премьер-министры Илдар Халиков РФ Федераль Җыены Дәүләт Думасында (Мәскәү) парламент тыңлауларында катнашты.

Парламент тыңлаулары РФ ФҖ, РФ Хөкүмәте һәм Россия Банкының икътисади үсешне тәэмин итү буенча беренче чираттагы чараларына багышланган иде.

Парламент тыңлауларын Россия ФҖ Дәүләт Думасы рәисе Сергей Нарышкин уздырды.

Бүген Чаллы шәһәренә Россия Федерациясе Президенты Владимир Путин эш сәфәренә килде. «Бигеш» халыкара аэропортында дәүләт башлыгын Татарстан Республикасы Президенты Рөстәм Миңнеханов каршы алды.   

Визиты барышында Россия Президенты «КАМАЗ» заводы мәйданчыгында Хәрби-сәнәгать комиссиясе утырышын уздырачак.