ЯҢАЛЫКЛАР
Бүген "Пирамида" мәдәни-күңел ачу комплексында ТР Экология һәм табигый ресурслар министрлыгы ел саен уздыра торган "ЭКОлидер" һәм "Кеше һәм табигать" республика конкурсларында җиңүчеләрне бүләкләү тантанасы булды.
Бүләкләү тантанасында ТР Премьер-министры Илдар Халиков, ТР Дәүләт Советы рәисе урынбасары, ТР Журналистлар берлеге рәисе Римма Ратникова, ТР экология һәм табигый ресурслар министры Фәрит Абдулганиев, ТР Президентының парклар һәм скверлар буенча ярдәмчесе Наталия Фишман һәм башкалар катнашты.
ЮХИДИ штрафларын 20 көн эчендә түләгән очракта татарстанлылар 50 процентлы ташлама алачак. Бүген бу хакта ТР Министрлар Кабинетында узган брифингта ТР буенча Эчке эшләр министрлыгының ЮХИДИ идарәсе башлагы - ТР дәүләт юл хәрәкәте куркынычсызлыгы баш дәүләт инспекторы Рифкать Миңнеханов хәбәр итте.
Аның сүзләренчә, 2016 елның 1 гыйнварыннан "Юл хәрәкәте өлкәсендә административ хокук бозулар өчен штрафлар түләтүне камилләштерү өлкәсендә административ хокук бозулар турындагы РФ кодексына үзгәрешләр кертү турында"гы 437нче Федераль закон үз көченә керә.
Бүген Доха шәһәренә рәсми эш визиты кысаларында Татарстан Республикасы Президенты Рөстәм Миңнеханов Катар Дәүләте Әмире Шәйх Тамим бән Хәмәд Әль Тани белән очрашты. Әңгәмә барышында яклар Россия-Катар мөнәсәбәтләре кысаларында Татарстан белән Катар арасында сәүдә-икътисадый һәм инвестицион багланышларны үстерү мәсьәләсе турында сөйләштеләр.
Татарстанда бурычларын түләмәүчеләрне транспорт йөртү мөмкинлегеннән мәхрүм итәчәкләр. Бу хакта бүген Татарстан Республикасы Министрлар Кабинетында узган брифингта ТР буенча Федераль суд приставлары идарәсе җитәкчесе – ТРның баш суд приставы Радик Ильясов хәбәр итте.
Татарстан Республикасы Президенты Рөстәм Миңнеханов Катар Дәүләтенең Икътисад һәм сәүдә министры Шәйх Әхмәд бән Җассим бән Мөхәммәд Әль Тани белән очрашты. Очрашу Доха шәһәренә Рөстәм Миңнехановның ике көнлек визиты кысаларында узды.
Бүген Татарстан Республикасы Президенты Рөстәм Миңнеханов көннең икенче яртысында Доха шәһәренә (Катар) эш сәфәре белән килде. Аэропортта аны Катар Яшьләр эшләре һәм спорт министры Сәлах бән Ганем Әль Гали каршы алды.
Эш сәфәре кысаларында Рөстәм Миңнеханов ил җитәкчелеге белән берничә рәсми очрашу уздырачак.
Бүген Ашхабадта Төрекмәнстан Республикасы Министрлар Кабинеты бинасында Татарстан Республикасы Президенты Рөстәм Миңнеханов Төрекмәнстан Республикасы Президенты Гурбангулы Бердымөхәммәдов белән очрашты.
Искәртәбез, Рөстәм Миңнеханов Ашхабадта бер көнлек эш сәфәрендә.
Татарстан Республикасы Президенты Рөстәм Миңнеханов Төркмәнстанга бер көнлек эш визиты белән килде. Ашхабад аэропортында Рөстәм Миңнеханов Төркмәнстан хакимиятенең рәсми вәкилләре белән Төркмәнстан Нейтралитеты Монументына юнәлде, анда ул чәчәкләр салды.
Бүген Казан Кремлендә коррупциягә каршы көрәшкә багышланган республика иҗади эшләр конкурсында җиңүчеләрне бүләкләделәр. Лаеклы бүләкләрне укучылар, студентлар һәм журналистлар алды.
Татарстан Республикасы Премьер-министры Илдар Халиков бүген Куба Республикасының Россиядәге Гадәттән тыш һәм Тулы вәкаләтле илчесе Эмилио Лосада Гарсиа белән очрашты.
Ике яктан да катнашучылар Россия-Куба мөнәсәбәтләре кысаларында киләчәктә хезмәттәшлек мәсьәләләре хакында фикер алыштылар.
Искә төшерәбез, 2015 елның 2-3 ноябрендә Илдар Халиков җитәкчелегендә Татарстан Республикасы делегациясе Кубада булды. Ул вакыттагы очрашу барышында берничә килешүгә ирешелгән иде.