ЯҢАЛЫКЛАР
Бүген "Түбән Кама нефть химиясе" ААҖдә акционерларының еллык гомуми җыелышы узды. Анда Татарстан Республикасы Президенты Рөстәм Миңнеханов катнашты. "Түбән Кама нефть химиясе" ААҖ генераль директоры Олег Нестеров финанс-икътисадый эшчәнлек турында нотык белән чыгыш ясады.
Бүген Казанның тарихи үзәгендә яңа төзелеш мәсьәләлре буенча Татарстан Республикасы Хөкүмәте Йортында киңәшмә узды. Киңәшмәне Татарстан Республикасы Президенты Рөстәм Миңнеханов уздырды. Аның эшендә ТР Президенты Аппараты җитәкчесе Әсгать Сәфәров, ТР Президенты ярдәмчесе Олеся Балтусова, ТР төзелеш, архитектура һәм ТКХ министры Ирек Фәйзуллин, Татарстан Республикасы прокуроры Илдус Нәфыйков, Казан мэры Илсур Метшин, Казанның баш архитекторы Татьяна Прокофьева һәм башкалар катнашты. Казанның баш архитекторы Татьяна Прокофьева раслауны таләп итүче тарихи үзәктә төзү проектларын тәкъдир итте.
Бүген Татарстан Республикасы Президенты Рөстәм Миңнеханов Казанның тарихи өлешендә төзекләндерү һәм төзелеш объктларын карап чыкты. Рөстәм Миңнехановны ТР Президенты Аппараты җитәкчесе Әсгать Сәфәров, ТР Президенты ярдәмчесе Олеся Балтусова, ТР төзелеш, архитектура һәм ТКХ министры Ирек Фәйзуллин, Татарстан Республикасы прокуроры Илдус Нәфыйков, Казан мэры Илсур Метшин, Казанның баш архитекторы Татьяна Прокофьева һәм башкалар озата йөрделәр. 2012-2013 еллардагы мәдәни мирасны саклау кысаларындагы эш нәтиҗәләре буенча объектларны карау Бауман һәм Астрономическая урамнары киселешеннән башланды.
Кулланучылар кооперациясе эшчәнлеген саклау һәм үстерү мәсьәләсе Татарстан өчен бик мөһим. Бу хакта бүген Татарстан Республикасы Президенты Рөстәм Миңнеханов ТР Хөкүмәте Йортындагы республика киңәшмәсендә белдерде. Киңәшмәне республиканың бөтен муниципаль районнары белән видеоконференцэлемтә режимында Татарстан Президенты Рөстәм Миңнеханов уздырда. Чарада Татарстан республикасы Премьер-министры Илдар Халиков катнашты. 2014 нче елның 1 нче кварталында эшчәнлек нәтиҗәләре турында доклад белән “Татпотребсоюз” идарәсе рәисе Мәхмүт Фәттахов чыгыш ясады.
11 нче апрельгә Татарстан Республикасында 753 мең кв. м торак сафка бастырылган, бу еллык биремнең 31,4 процентын тәшкил итә. Шул исәптән соңгы 2 атнада 132 мең кв.м торак тапшырылган. Бу хакта бүген ТР Хөкүмәте Йортындагы республика киңәшмәсендә ТР төзелеш, архитектура һәм торак-коммуналь хуҗалык министры Ирек Фәйзуллин хәбәр итте. Киңәшмәне республиканың бөтен муниципаль районнары белән видеоконференцэлемтә режимында Татарстан Президенты Рөстәм Миңнеханов уздырда. Чарада Татарстан республикасы Премьер-министры Илдар Халиков катнашты.
Татарстан Республикасында Дәүләт хезмәт инспекциясенең 2014 нче елның 11 нче апреленә булган мәгълүматы буенча, 2014 нче елның 1 нче кварталында төзелеш тармагында 11 гадәттән тыш хәл теркәлгән, аның 7се эшчеләр командировкага барганда юл-транспорт һәлакәте нәтиҗәсендә килеп чыккан. Калган 7сенең 5се биеклектән егылу һәм 2се предметлар җимерелү нәтиҗәсендә булган. Бу хакта ТР төзелеш, архитектура һәм торак-коммуналь хуҗалык министры Ирек Фәйзуллин ТР Хөкүмәте Йортында узган республика киңәшмәсендә хәбәр итте.
Бүген Татарстан Республикасы Президенты Рөстәм Миңнеханов Мәскәүдә берничә очрашу үткәрде. Аерым алганда, Россия Хөкүмәте Рәисенең беренче урынбасары Игорь Шувалов белән очрашу кысаларында социаль-мәдәни һәм спорт инфраструктурасы объектлары мәсьәләләре турында сүз барды.