ЯҢАЛЫКЛАР
Бүген Казанда инженер белгечлегенә укыту буенча халыкара симпозиум кысаларында нефть, газ, химия комплексы предприятиеләре өчен инженер кадрлары әзерләү проблемаларына багышланган түгәрәк өстәл утырышы узды. Утырышта Россия Мәгариф һәм фән министрлыгы вәкилләре, илкүләм тикшеренү университеты ректорлары, Татарстан министрлыклары һәм әйдәп баручы предприятиеләр җитәкчеләре, халыкара һәм Россия иҗтимагый оешмалар вәкилләре катнашты. Казан илкүләм тикшеренү технология университеты ректоры Герман Дьяконов утырышның модераторы булды. Түгәрәк өстәлдә катнашучы Татарстан Президенты Рөстәм Миңнеханов республика предприятиеләрендә югары квалификацияле инженерларга ихтыяҗ артуын белдерде.
Казанның алдынгы дәвалау учреждениеләренең берсендә - Нуриевлар Клиникасында - бүген Татарстан Республикасы Президенты Рөстәм Миңнеханов булды. ТР Президентын Казан мэры Илсур Метшин һәм ТР сәламәтлек саклау министры Адель Вафин озата йөрделәр.
Бүген Татарстан Республикасы Президенты Рөстәм Миңнеханов "СО ЕЭС" ААҖ Идарәсе рәисе Борис Аюев белән очрашты. ТР Хөкүмәте Йортында узган очрашуда шулай ук Татарстан Республикасы Премьер-министры Илдар Халиков, ТР сәнәгать һәм сәүдә министры урынбасары Хәмзә Баһманов, "Генерирующая компания" ААҖ генераль директоры Рәүзил Хаҗиев, "Сетевая компания" ААҖ генераль директоры Илшат Фәрдиев катнаштылар.
Иртәгә, 26 сентябрь көнне, Казанда Татарстан Республикасы Дәүләт Советының 43 нче утырышы уздырылачак. Утырышның көн тәртибендәге бердәнбер мәсьәлә республиканың эчке һәм тышкы хәле турында Татарстан Республикасы Президентының Татарстан Республикасы Дәүләт Советына юлламасы булачак.
Сингапурга эш визиты белән барган Рөстәм Миңнеханов бүген Сингапурның ике мәгариф учреждениесе – Фән һәм технологияләр мәктәбе, шулай ук Сингапур политехник колледжы эше белән танышты.
Бүген Татарстан Республикасы Президенты Рөстәм Миңнеханов Европа реконструкция һәм үсеш банкы Президенты Сума Чакрабарти белән очрашты. Очрашу Татарстан Республикасы Президентының Россия-Сингапур эшлекле форумында катнашуы кысаларында узды.
Чын күңелдән республикабызның күп меңләгән хезмәтчәннәрен һәм профессионалларын Татарстан Республикасы Профсоюзлары көне белән котлыйм!