ЯҢАЛЫКЛАР
Яңа ел каникулларында мәктәп яны лагерьларында 13 меңнән артык бала ял итә ала. Бу хакта бүген ТР Министрлар Кабинетында брифингта ТР мәгариф һәм фән министры урынбасары Илдар Мөхәмәтов сөйләде.
“Безнең төп бурыч – бәйрәмнәрдә балаларның ялын файдалы оештыру”, - дип ассызыклады ул.
1-4 гыйнварда Татарстан музейларында 45 меңнән артык кеше булды. Бу хакта ТР Хөкүмәте йортында брифингта республика мәдәният министры Айрат Сибагатуллин сөйләде.
1-10 гыйнварда Татарстанның дәүләт театр-тамаша учреждениеләрендә Яңа елга багышланган балалар тамашалары һәм спектакльләр уза, дип сөйләде ул. Яңа ел бәйрәмнәре тәмамланганчы, барлыгы 314 чара планлаштырылган, шул исәптә балалар өчен – 241.
Бүген Казанда Татарстанның танылган хәйриячесе, 80нче яшендә мәрхүм булган Әсгать ага Галимҗанов белән хушлаштылар. Бу хушлашу чарасы 4 гыйнварда Татарстан Республикасы буенча Эчке эшләр министрлыгының Мәдәният үзәгендә узды.
Әсгать Галимҗановны соңгы юлга озатырга Татарстан Дәүләт Киңәшчесе Минтимер Шәймиев, ТР Премьер-министрының беренче урынбасары Алексей Песошин, Республика Хөкүмәте әгъзалары, ТР Президенты Аппараты, ТР Дәүләт Советы, Казан шәһәре Думасы вәкилләре, иҗтимагый оешмалар, мәгариф һәм социаль өлкә учреждениеләре вәкилләре килгән иде.
Хөрмәтле татарстанлылар!
Өйләребезгә яраткан Яңа ел бәйрәме керә. Гадәттәгечә, без аңа нәтиҗә ясыйбыз һәм киләчәккә күз салабыз.
Үтеп баручы ел зур вакыйгалары һәм казанышлары белән истә калыр.
Илебез белән бергә барыбыз өчен әхлакый ориентир булып калучы Бөек Җиңүнең 70 еллыгын билгеләп үттек.
Республика Президентын һәм муниципаль депутатларны сайлаулар нәтиҗәләре җәмгыять бердәмлегенең югары дәрәҗәдә булуын күрсәтте.
Бүген Берләшкән Гарәп Әмирлекләренә эш сәфәре кысаларында Татарстан Республикасы Президенты Рөстәм Миңнеханов SPEC компанияләр төркеменең яңа заводы эшчәнлеге белән танышты.
Аны заводка SPEC комапнияләр төркеме хуҗасы Зәфәр Әль Шәйх әфәнде чакырган иде.
Яңа производство Дубайдагы «Җәбәл Али» ирекле икътисадый зонасы территориясендә урнашкан.
Казанның Идел буе районындагы М-14 микрайонында социаль ипотека республика программасы буенча төзелгән 89 фатирга исәпләнгән беренче йорт файдалануга тапшырылды.
Анда яшәүчеләрне өй туе белән бүген ТР Премьер-министры Илдар Халиков һәм Казан мэры Илсур Метшин котлады. Алар шулай ук микрорайонда төзелгән беренче яңа балалар бакчасы бинасын карады.
Илдар Халиков һәм Илсур Метшинны Казан шәһәре Башкарма комитеты җитәкчесенең шәһәр төзелеше сәясәте мәсьәләләре буенча беренче урынбасары Азат Нигъмәтҗанов, Казанның Вахитов һәм Идел буе районнары хакимият башлыгы Андрей Лобов, подрядчы оешма – “Ак таш” ҖЧҖ директоры Газинур Әхмәтов озата йөрде.
Татарстан Республикасы Хөкүмәте йортында бүген “Татспиртпром” ААҖ Директорлар советының чираттагы утырышы узды.
Утырышны ТР Премьер-министры, компаниянең Директорлар советы рәисе Илдар Халиков уздырды.
Анда катнашучылар 2016 елга компаниянең бюджеты һәм “Алкоторг” компаниясенең эшчәнлеге турында фикер алыштылар.
Бүген кич Татарстан Республикасы Президенты Рөстәм Миңнеханов "Эфир" телеканалында "Тема" тапшыруы кунагы булды, туры эфирда ул 2016 елга планнар, алданган өлешләп фатир сатып алучылар мәсьәләсе һәм Татарстанның федераль үзәк белән мөнәсәбәтләре турындагы сорауларга җавап бирде.
Тапшыруны Алексей Кулешов ("Эфир" телеканалы) һәм Лира Сәхәпова ("Татарстан - Яңа гасыр" телеканалы).
Ел йомгаклары турында Рөстәм Миңнеханов билгеләгәнчә, дөньяда бүгенге вакыйгалар "әлегә безнең файдага түгел". Бу, беренче чиратта, нефтька түбән бәяләр, финанс базарларга һәм технологияләргә чикләүләргә кагыла. "Ләкин республиканың чыдамлык дәрәҗәсе җитәрлек, - диде Рөстәм Миңнеханов. - Без башкарырга җыенган барлык программалар да бюджетта язылган".
Татарстан Республикасы дәүләт заказлары агентлыгы ТР Хөкүмәте тарафыннан дәүләт һәм муниципаль милекне приватизацияләү мәйданчыгы операторы буларак расланган.
Бу хакта бүген ТР Хөкүмәте йортында уздырылган брифингта әлеге агентлык генераль директоры Яков Геллер хәбәр итте. Ул китергән мәгълүматларга караганда, РФ Хөкүмәтенең шул турыдагы карары 4 декабрьдә кабул ителгән.
Бүген Татарстан Республикасы Президенты, компаниянең Директорлар советы рәисе Рөстәм Миңнеханов Әлмәт шәһәрендә (Татарстан Республикасы) «Татнефть» ГАҖ Директорлар советының чираттагы утырышын уздырды.
Директорлар советы 2015 елның 11 ае эчендә компаниянең бюджет үтәлешен карады һәм 2016 елның гыйнварына һәм беренче кварталына бюджетын раслады.