ЯҢАЛЫКЛАР

Үзенең җитештерүен урнаштыру өчен 3М компаниясе «Алабуга» МИЗны сайлап алганга без горурланабыз. Бүген бу хакта Татарстан Республикасы Президенты Рөстәм Миңнеханов нефть-газ тармагы өчен сыек япмалар җитештерү буенча «3М Волга» заводын ачу тантанасында хәбәр итте.

Тантанада шулай ук 3М компаниясенең Россиядәге генераль директоры  Роберт Николс, «Алабуга» СҖТ МИЗ» ААҖ генераль директоры Тимур Шаһивәлиев, 3М комапниясенең җитештерү буенча Россиядәге директоры Евгений Мараховский, Татарстан Республикасы министрлыклары һәм ведомстволары вәкилләре катнашты.    

Россия Федерациясе Хөкүмәте рәисе Дмитрий Медведев бүген "Сколково" Мәскәү идарә мәктәбе Халыкара попечительләр советы утырышын уздырды.

Утырышта Татарстан Республикасы Премьер-министры Илдар Халиков катнашты.

Бүген Казан Кремлендә Татарстан Республикасы Дәүләт Киңәшчесе, “Яңарыш” фонды Попечительләр Советы рәисе Минтимер Шәймиев Молдавия Республикасының Гагаузия автоном-төбәк берәмлеге башлыгы Ирина Влах белән очрашты.
Очрашуда шулай ук ТР Премьер-министрының беренче урынбасары Алексей Песошин, Гагаузия делегациясе әгъзалары катнашты.

Бүген Казан Кремлендә Татарстан Республикасы Президенты Рөстәм Миңнеханов Россия сноуборд федерациясе президенты Денис Тихомиров белән очрашты. Очрашуда шулай ук Татарстан Республикасы яшьләр эшләре һәм спорт министры Владимир Леонов, Татарстан Республикасы Министрлар Кабинеты Аппаратының Сәламәтлек саклау, спорт һәм сәламәт яшәү рәвеше идарәсе башлыгы Гүзәл Шакирова һәм башкалар катнашты. 

Бүген Татарстан Республикасы Президенты Рөстәм Миңнеханов ТР Дәүләт симфония оркестрының баш дирижеры Александр Сладсковскийга "Дуслык" орденын тапшырды. Тантаналы чара Казан Кремлендә узды. Чарада шулай ук РФ халык артисты Денис Мацуев, ТР Президенты ярдәмчесе Ләйлә Фазлыева һәм ТР мәдәният министры Айрат Сибагатуллин катнаштылар. 

Без Гагаузиянең Россия регионнары белән хезмәттәшлекне үстерергә омтылуын хуплыйбыз. Бүген бу хакта Татарстан Республикасы Президенты Рөстәм Миңнеханов Гагаузия (Молдова Республикасы) автоном-территориаль берәмлеге башлыгы Ирина Влах белән очрашуда хәбәр итте. Очрашу Казан Кремлендә узды, анда шулай ук Татарстан Республикасы Премьер-министрының беренче урынбасары Алексей Песошин, Татарстан Республикасы Президентының халыкара мәсьәләләр буенча киңәшчесе Радик Гыйматдинов, Татарстан Республикасы Инвестицион үсеш агентлыгы җитәкчесе Талия Миңнуллина, Татарстан Республикасы сәнәгать һәм сәүдә министрының беренче урынбасары Руслан Кәбиров, Татарстан предприятиеләре җитәкчеләре катнашты. 

Хәзерге вакытта Япония технологик үсеш ягыннан дөньяда алдынгы урында бара һәм Татарстан өчен аның технологик үсеш тәҗрибәсе бик кызыклы. Бу хакта бүген ТР Инвестицион үсеш агентлыгы җитәкчесе Талия Миңнуллина ТР Министрлар Кабинетында узган, ТР Президенты Рөстәм Миңнеханов җитәкчелегендәге Татарстан делегациясенең Япониягә, Кытайга һәм Төркиягә эшлекле сәфәрләре йомгакларына багышланган брифингта хәбәр итте. 
Брифингта шулай ук ТР сәнәгать һәм сәүдә министры урынбасары Илдар Мингалиев һәм ТР икътисад министры урынбасары Булат Хаҗиәхмәтов катнашты.

Бүген Татарстан Республикасы Президенты Рөстәм Миңнеханов «Гемонт» Төркия компаниясе җитәкчелеге белән очрашты. Очрашу Татарстан Республикасы Хөкүмәте Йортында узды, анда «Гемонт» компаниясе Идарәсе советы рәисе – генераль директоры Садыйк Акман, Татарстан Республикасы Президентының халыкара мәсьәләләр буенча киңәшчесе Радик Гыйматдинов, «ТАИФ» ААҖ генераль директоры Альберт Шиһабетдинов, республика министрлыклары һәм ведомстволары вәкилләре катнашты.

Татарстан Республикасына Гагаузия автоном-төбәк берәмлеге (Молдавия Республикасы) башлыгы Ирина Влах җитәкчелегендә делегация килде.

“Казан” халыкара аэропортында делегация әгъзаларын ТР Премьер-министрының беренче урынбасары Алексей Песошин, ТР сәнәгать һәм сәүдә министрының беренче урынбасары Руслан Кәбиров каршы алды