ЯҢАЛЫКЛАР
Бүген кич Татарстан Республикасы Президенты вазыйфаларын вакытлыча башкаручы Рөстәм Миңнеханов эш сәфәре белән Санкт-Петербургка килде.
Сәфәренең төп максаты – XIX Петербург халыкара икътисадый форумында катнашу.
Санкт-Петербург булу кысаларында Рөстәм Миңнеханов берничә эшлекле очрашу һәм сөйләшү уздырачак, шулай ук хезмәттәшлек турында килешүләргә имза салу чарасында катнашачак.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Россия Федерациясе Генераль прокуратурасы академиясе ректоры Оксана Капинус белән очрашты. Очрашу ТР Хөкүмәте Йортында узды, анда шулай ук РФ Генераль прокуратурасының органнары һәм оешмалары эшчәнлеген тәэмин итүнең баш идарәсе башлыгы Сергей Сергеев, Татарстан Республикасы Иминлек советының секретаре Айрат Шәфигуллин, Татарстан Республикасы Премьер-министры урынбасары – мәгариф һәм фән министры Энгель Фәттахов, Татарстан Республикасы прокуроры Илдус Нәфыйков һәм Казан шәһәре мэры Илсур Метшин катнаштылар.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Кытай Халык Республикасының Синьцзян-Уйгур автономияле районы (СУАР) делегациясе белән очрашты. Очрашу Татарстан Республикасы Хөкүмәте Йортында узды, анда шулай ук КХРның СУАР Коммерция департаменты башлыгы Ся Гуантай, Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов, Татарстан Республикасы юллар хуҗалыгы һәм транспорт министры Ленар, Татарстан Республикасы Инвестицион үсеш агентлыгы җитәкчесе Талия Миңнуллина һәм башкалар катнашты.
Очрашу барышында яклар Синьцзян-Уйгур автономияле районы белән, Россия регионы буларак, Татарстан Республикасы арасындагы региональара хезмәттәшлек перспективалары буенча фикер алышты.
Бүген Балтач шәһәр тибындагы поселогында Хөкем йорты тантаналы рәвештә ачылды. Чарада ТР Президенты вазыйфаларын вакытлыча башкаручы Рөстәм Миңнеханов катнашты. Сәламләү чыгышында ТР Президенты вазыйфаларын вакытлыча башкаручы билгеләп узганча, район үзәгендә мөһим объект пәйда булды, анда федераль һәм җәмәгать судьялары, шулай ук суд приставлары эшләячәк.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Татарстан Республикасы Зеленодольск муниципаль районына эш сәфәре кысаларында Осиново поселогында яңа балалар бакчасы ачу тантанасында катнашты.
"Звездочка" балалар бакчасы "Радужный" микрорайоны белән янәшә урнашкан һәм 260 балага исәпләнә. Яңа объект бер ел эчендә төзелгән. Проектның гомуми хакы 142 млн. сумнан артык. Бинада музыка һәм физкультура заллары, методика кабинеты, татар телен өйрәнү кабинеты һәм медицина бүлмәсе бар.
Бүген ТР Куркынычсызлык советы утырышында 2015-2020 елларга Татарстанның нефть-газ-химия комплексын үстерү программасы каралды һәм хупланды. Чара Казан Кремлендә ТР Президенты вазифаларын вакытлыча башкаручы Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советы Рәисе Фәрит Мөхәммәтшин, Куркынычсызлык советының даими әгъзалары, республика министрлыклары һәм ведомстволары, федераль структураларның территориаль органнары, Татарстанның эре предприятиеләре җитәкчеләре катнашында узды.
Бүген Казан Кремлендo "Динамо-Казан" чирәмдә хоккей командасын котладылар. Тантаналы чарада Татарстан Республикасы Президенты вазыйфаларын вакытлыча башкаручы Рөстәм Миңнеханов, Татарстан Республикасы Президенты Аппараты җитәкчесе Әсгать Сәфәров, Татарстан Республикасы буенча эчке
эшләр министры Артем Хохорин һәм башкалар катнашты.
Искәртәбез, үткән атнада "Динамо-Казань" командасы чирәмдә хоккей буенча Россия чемпионы титулын 12 мәртәбә яулады. Шулай ук быел беренче мәртәбә БДБ Кубогына чемпионат уздырылды, Казани спортчылары анда да җиңү яулады.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Мәскәүдә Террорчылыкка каршы милли комитет (ТМК) һәм Федераль оператив штаб утырышында катнашты. Утырышны РФ Федераль иминлек хезмәте директоры Александр Бортников уздырды. Утырышта шулай ук ТМК әгъзалары, Россия Федерациясе Президентының федераль округлардагы тулы вәкаләтле вәкилләре, Башкортостан һәм Чувашия башлыклары, федераль башкарма органнары һәм махсус хезмәтләрнең җаваплы вәкилләре катнашты.