ЯҢАЛЫКЛАР
2014 елда Татарстан башкарма хакимияте органнары эшчәнлеге турындагы хисап бүген ачылган бишенче чакырылыш Татарстан Республикасы Дәүләт Советының алтынчы утырышы көн тәртибендәге төп мәсьәлә булачак.
Сессия эшендә Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Премьер-министры Илдар Халиков, Татарстан Республикасы Хөкүмәте әгъзалары һәм чакырылган кунаклар катнаша. Утырышны Татарстан Республикасы Дәүләт Советы Рәисе Ф.Х. Мөхәммәтшин алып бара.
Бүген Татарстан Республикасы Президенты Рөстәм Миңнеханов, Казандагы яңа “Имәнлек” станциясе белән “Җиңү проспекты” станциясен тоташтырачак “Сөембикә” тонель казу комплексын эшләтеп җибәрү тантанасында катнашты. Әлеге чарада Казан мэры Илсур Метшин, Татарстан Республикасы төзелеш, архитектура һәм ТКХ Ирек Фәйзуллин, “Казметрострой” ААҖ генераль директоры Марат Рәхимов һәм башкалар катнашты.
Агентлык вәкилләре белән әңгәмә барышында Илдар Халиков республиканың узган елдагы социаль-икътисади үсеше турында сөйләде.
Бүген Татарстан Республикасы Президенты Рөстәм Миңнеханов Россия ДОСААФ рәисе генерал-полковник Александр Колмаков белән очрашты. Очрашу Татарстан Республикасы Хөкүмәте Йортында узды, анда Татарстан Республикасы ДОСААФ региональ иҗтимагый-дәүләт берләшмәсе идарәсе рәисе Радий Зарипов, Татарстан Республикасы Иминлек Советы секретаре Айрат Шәфыйгуллин һәм башкалар катнашты.
Рөстәм Миңнеханов һәм Александр Колмаков яшьләрне хәрби хезмәткә чакыруга әзерлекнең төп бурычлары турында, шул исәптән аларны конкрет хәрби белегечлекләргә өйрәтү буенча фикер алыштылар. Моннан тыш, сүз яшьләрне патриотик тәрбияләү турында да барды.
Бүген Татарстан Президенты Рөстәм Миңнеханов Казан хореография училищесы интернатында булды. Аның бинасы агымдагы ел башында төзелеп бетте. Кунаклар арасында ТР мәдәният министры Айрат Сибагатуллин, ТР төзелеш, архитектура һәм ТКХ министры Ирек Фәйзуллин, Казан мэры Илсур Метшин, М.Җәлил исемендәге Татар дәүләт опера һәм балет академия театры директоры Рәүфәл Мөхәммәтҗанов һәм башкалар да бар иде.
Бүген Татарстан Президенты Рөстәм Миңнехановка яшелчәлек өлкәсен үстерү өлкәсендә – Miracle экологик парник системасын - «Мир Холдинг» һәм «Дизайн Групп» Төркия команияләре җитәкчеләре тәкъдир иттеләр. Рөстәм Миңнехановка теплицалар производствосын оештыруда кулланыла торган заманча технологияләр, махсуслаштырылган оешма теплица зонасы (МОТЗ) турында сөйләделәр.
Татарстан Республикасы Голландия бизнесының үз инновацион мәйданчыкларында булуы яклы, шул исәптән “Алабуга” махсус икътисадый зонасы территориясендә, Иннополис проекты мәйданчыгында. Бу хакта бүген Татарстан Республикасы Президенты Рөстәм Миңнеханов Нидерланд Корольлегенең Россиядәге Гадәттән тыш һәм Тулы вәкаләтле Илчесе Рон Ван Дартел белән очрашуда белдерде. Чара Татарстан Республикасы Хөкүмәте Йортында узды, Татарстан ягыннан анда ТР Премьер-министры урынбасары- азык-төлек һәм авыл хуҗалыгы министры Марат Әхмәтов, ТР Президентының халыкара мәсьәләләр буенча ярдәмчесе Радик Гыйматдинов, ТР сәламәтлек саклау министры Гадел Вафин һәм башкалар катнашты.
Лениногорск районында Татарстанның нефть тармагының киләчәк үсеше өчен ышанычлы база булдырылган. Бүген бу хакта Татарстан Республикасы Президенты Рөстәм Миңнеханов Лениногорск шәһәре төзелүгә 60 ел тулуга һәм "Лениногорскнефть" НГЧИ барлыкка килүгә 70 ел тулуга әзерлек һәм аларны уздыру чараларына багышланган утырышта хәбәр итте. Искәртәбез, Татарстан Президенты бүген Лениногорск муниципаль районында эш сәфәрендә.
Бүген Татарстан Республикасы Президенты Рөстәм Миңнеханов «1941-1945 еллар Бөек Ватан сугышында Җиңүнең 70 еллыгы» юбилей медален Лениногорск ветераны Габделхак Латыйповка тапшырды.
Рөстәм Миңнеханов Лениногорскта ветеранның фатирында булды.
Габделхак Латыйповны Бөек Ватан сугышында Җиңүнең 70 еллыгы белән котлап, Рөстәм Миңнеханов аңа нык сәламәтлек һәм озын гомер теләде.