ЯҢАЛЫКЛАР

Татарстан Президенты Рөстәм Миңнехановның Берләшкән Гарәп Әмирлеге Вице-президенты, Премьер-министры, Дубай әмирлеге әмире Шәиех Мөхаммәд Бин Рәшид Әл Мәктүм белән әңгәмәсе бүген Дубайда Annual Investment Meeting (AIM) III Еллык инвестиция форумы кысаларында узды. ТР Президентының халыкара мәсьәләләр буенча ярдәмчесе Радик Гыйматдинов хәбәр иткәнчә, әңгәмә барышында Рөстәм Миңнеханов һәм Шәиех Мөхаммәд Бин Рәшид Әл Мәктүм галиҗәнаплары сәүдә-икътисадый, мәдәни һәм фәнни-мәгариф хезмәтәшлек перспективалары турында сүз барды.

Бүген Дубайда (Берләшкән Гарәп Әмирлеге) Annual Investment Meeting (AIM) III Еллык инвестиция форумы кысаларында “СМАРТ Сити Казан” проектына рәсми старт бирелде. Чарада Татарстан Республикасы Президенты Р.Н.Миңнеханов, БГӘ Вице-президенты, Премьер-министры, Дубай әмирлеге әмире Шәиех Мөхаммәд Бин Рәшид Әл Мәктүм катнашты.

Татарстан Республикасы Президенты Р.Н. Миңнеханов Дубай шәһәрендә (Берләшкән Гарәп Әмирлеге) Annual Investment Meeting (AIM) III Еллык инвестиция форумы кысаларында панель дискуссиясендә катнашты. Киләчәк халыкара икътисадый ландшафт һәм аның турыдан-туры чит ил инвестицияләренә йогынтысы, чиктәш һәм алга баручы базарлардагы икътисадый перспективалар турында дискуссиядә шулай ук БГӘ икътисад министры Солтан бин Сәййед Әль Мансури, Марокко транспорт министры Габделгазиз Рәббах, Халыкара сәүдә үзәге генераль директоры (ХСҮ) Патриция Франсиз, Африка икътисадый комиссиясе башкарма секретаре Карлос Лопес, New America Foundation өлкән партнеры Параг Ханна һәм башкалар да катнашты.

Бүген Татарстан Республикасы Президенты Рөстәм Миңнехановның Берләшкән Гарәп Әмирлегенә эш визиты башланды. Визитның төп максаты – AIM (Annual Investment Meeting) III Еллык инвестиция форумы эшендә катнашу.

Экология проблемаларын хәл итү Татарстан Республикасы Хөкүмәте эшчәнлегенең өстенлекле тармакларының берсе булып тора. Бу хакта Татарстан Республикасы Президенты Рөстәм Миңнеханов Татарстан Республикасында калдыклар белән эш итү бердәм комплекслы системасын оештыру турында киңәйтелгән киңәшмәдә әйтте. Киңәшмә бөтен ТР муниципаль районнары башлыклары белән видеоконференцэлемтә  режимындаТатарстан Республикасы Хөкүмәт йортында узды.  Аны Табигатьтән файдалану өлкәсендә күзәтчелек буенча Федераль хезмәт җитәкчесе Владимир Кириллов үткәрде. Ул Рөстәм Миңнехановка Татарстан Республикасына чакыруы өчен рәхмәт белдерде. Ул бу киңәшмә Татарстанда беренчеләрдән уздырылуы турында, һәм киләчәктә куллану калдыклары белән комплекслы эш итү системасы буенча мондый киңәшмәләр Россия Федерациясендә федераль округлар буенча узачак дип искәртте.    

Табигатьтән файдалану өлкәсендә күзәтчелек буенча Федераль хезмәт җитәкчесе Владимир Кириллов белән бүген Татарстан Республикасы Президенты Рөстәм Миңнеханов очрашты. Чара ТР Хөкүмәт йортында узды. Искә төшерик, Владимир Кириллов Казанга Татарстан Республикасында калдыклар белән эш итү бердәм комплекслы системасын оештыру турында киңәйтелгән киңәшмәне уздыру өчен килде.

Бүген Татарстан Хөкүмәт йортында Татарстан Республикасы Президенты Рөстәм Миңнеханов рәислегендә “Татнефтехиминвест-холдинг” ААҖ Директорлар советының чираттагы утырышы узды. Республиканың нефть, газ, химия комплексы предприятиеләренең 2013 елның 1 кварталындагы эшчәнлегенең якынча йомгакларын холдинг генераль директоры Рафинат Яруллин игълан ителде.

Бүген ТР Президенты Рөстәм Миңнеханов “Большие танцы” шоуының Казан командасы белән очрашты. Очрашуда ТР мәдәният министры Айрат Сибагатуллин, Казан мэры Илсур Метшин, ТР яшьләр эшләре, спорт һәм туристлык министры Рафис Борһанов һәм ТР Матбугат һәм массакүләм коммуникацияләр җитәкчесе Ирек Миңнәхмәтов катнашты.

Бүген Казанда (Татарстан Республикасы) “Татнефть” ААҖ Директорлар советының чираттагы утырышы булды. 2013 елның өч ае эчендә компания бюджеты үтәлешенә йомгак ясалды, май аена бюджет расланды. Утырышны Татарстан Республикасы Президенты, “Татнефть” ААҖ Директорлар советы рәисе Р.Н.Миңнеханов алып барды.