ЯҢАЛЫКЛАР

Бүген Казанга РФ икътисад үсеше министры урынбасары – дәүләт милке белән идарә итү Федераль агентлык җитәкчесе Ольга Дергунова килде. Аны халыкара аэропортта ТР Президенты Рөстәм Миңнеханов каршы алды.

Бүген ТР Президенты Рөстәм Миңнеханов Россия Премьер-министры Дмитрий Медведев рәислегендәге киңәшмәдә катнашты. Киңәшмә Сколково инновацион үзәгендә үтте.

Бүген ТР Премьер-министры Илдар Халиков РФ Федераль Җыенының Дәүләт Думасы депутаты, РФ Дәүләт Думасының Хезмәт һәм социаль сәясәт комитеты вәкиле, Бөтенроссия инвалидлар җәмгыяте рәисе Александр Ломакин-Румянцев белән очрашты.

Татарстан муниципаль берәмлекләрендә җылыту сезонына әзерлек барышы һәм электр энергиясе белән газга бурычлар мәсьәләләре буенча бүген ТР Министрлар Кабинетында республика күләмендә видеоконференция режимында сөйләшү булды. Шул хакта журналистларга ТР төзелеш, архитектура һәм ТКХ министры урынбасары Равил Кәримов аңлатма бирде. Очрашуда, шулай ук, ТР тарифлар буенча дәүләт комитеты рәисе Марат Зарипов та катнашты.

Бүген Мәкәүдә ТР ның РФ дәге Тулы вәкаләтле вәкиллегендә Татарстан Республикасы Президенты Рөстәм Миңнеханов Татарстан Республикасы дәүләт бүләкләре тапшырды. “Бүген Татарстаннан читтә дә республика үсешенә, димәк, гомумән ил үсешенә зур өлеш керткән кешеләргә бүләкләр тапшырабыз. Киләчәктә дә бергәләп Россия халкы өчен хезмәт куярбыз дип ышанам”, - диде Рөстәм Миңнеханов бүләкләү тантанасы алдыннан.

Бүген Мәскәүдә чит ил һәм Россия компанияләре-инвесторлар өчен сәнәгать-җитештерү тибындагы “Алабуга” махсус икътисади зонасын тәкъдир итү булды. Чарада “Махсус икътисади зоналар” ААҖ генераль директоры Олег Костин, ТР Президенты Рөстәм Миңнеханов, “Алабуга” ААҖ генераль директоры Тимур Шаһивәлиев һ.б. катнашты.

Бүген Татарстан Республикасы Президенты Рөстәм Миңнеханов “Мегафон” ААҖ генераль директоры Иван Таврин белән очрашты. ТР Хөкүмәт йортында узган очрашуда ТР Премьер-министры урынбасары – мәгълүматлаштыру һәм элемтә министры Роман Шәйхетдинов, 2013 елда Казанда XXVII Бөтендөнья җәйге универсиада Башкарма дирекциясе” коммерцияле булмаган автоном оешма генераль директоры Владимир Леонов һ.б. катнашты.

Урман хезмәткәрләре көнендә ТР Президенты Рөстәм Миңнеханов участок урман хуҗалыкларына һәм Лубянский урман хуҗалыгы көллиятенә урманнарны янгыннан саклауны оештыру һәм урман фонды территориясендә дәүләт урман контроле үткәрү өчен 31 “УАЗ” автомобиле ачкычы тапшырды.

Татарстан Президенты Рөстәм Миңнеханов якын арада 2013 ел капиталь ремонт программасын кабул итәргә чакырды. “Киләсе ел программасын раслау өчен бернинди проблема юк. Иң мөһиме күләме быелгыдан аз булырга тиеш түгел. Төп программаны кабул итү зарур. Өстәмә акча булса, аны киңәйтәчәкбез, - дип билгеләп үтте Татарстан башлыгы торак төзелеше мәсьәләләре буенча узган традицион республика киңәшмәсендә. - Бу мәктәпләрне, ФАПн капиталь ремонтлау, “Чиста су”, ике контурлы котеллар кую программаларына да кагыла”.

ТР Президенты видеоконференцияләрнең берсендә ФАПлар төзелеше программасы һәм башка проблемалы мәсьләләрне хәл итү артта калуны тәнкыйтьләгәннән соң җитешсезлекләр бетерелде. Бу хакта бүген ТР төзелеш, архитектура һәм торак-коммуналь хуҗалык министры Ирек Фәйзуллин ТР Министрлар Кабинетында торак төзелеше мәсьәләләре буенча узган традицион республика киңәшмәсендә белдерде.