ЯҢАЛЫКЛАР
Алманиянең Wermuth Asset Management компаниясе Татарстанга энергия, ресурсларны һәм әйләнә-тирә мохитне саклау өлкәсендә технологияләрне үстерүгә инвестицияләр җәлеп итәргә ниятли. Шул максатлар өчен махсус инвестиция фонды төзү перспективалары бүген ТР Президенты Рөстәм Миңнехановның әлеге компания җитәкчелеге белән очрашуында каралды. ТР Хөкүмәте йортында узган очрашуда шулай ук икътисад министры Мидхәт Шаһиәхмәтов, финанс министры Радик Гайзатуллин, “Ак Барс” банкы Директорлар советы рәисе Роберт Мусин, “Связьинвестнефтехим” ААҖ генераль директоры Валерий Сорокин катнашты.
Очрашу Казан Кремлендә ТР Президенты резиденциясендә узды.
Бүген Татарстан Президенты Рөстәм Миңнеханов Түбән Камада “ТАНЕКО” нефть эшкәртү комплексы төзелеше буенча республика штабы утырышын үткәрде.
Татарстанда кризиска каршы юнәлтелгән программаны гамәлгә ашыруга 810 млн. сум акча бүлеп бирелгән. Шуның федераль бюджеттан 40 процент траншы республика кулына кергән һәм аның 178,8 млн. сумы инде сарыф ителгән, Татарстан бюджетыннан әлеге максатка 27,7 млн. сум тотылган. Алга таба ТР Хезмәт, мәшгульлек һәм социаль яклау министрлыгы калган 60 процент акчаны сорап алу буенча эш алып бара.