ЯҢАЛЫКЛАР
Бүген Татарстан Республикасы Министрлар Кабинетында республикада наркотикларга бәйле вәзгыятькә багышланган брифинг узды.
Бүген Татарстан Республикасы Президенты Рөстәм Миңнеханов ТР Министрлар Кабинетында ТР Куркынычсызлык советы, ТРда Террорчылыкка каршы көрәш комиссиясе, ТРда хокук тәртибен тәэмин итү буенча Координацион киңәшмә, ТР буенча Оператив штабның киңәйтелгән уртак утырышын үткәрде. Киңәшмәдә ТР Дәүләт Киңәшчесе Минтимер Шәймиев һәм ТР Дәүләт Советы Рәисе Фәрит Мөхәммәтшин катнашты.
Бүген ТР Президенты Рөстәм Миңнехановның Бөтендөнья икътисади форумының глобаль лидерлыгы программасында катнашучылар белән очрашуында Татарстанның икътисади, сәяси һәм социаль үсешенә бәйле мәсьәләләр хакында фикер алышынды. Очрашу республика Хөкүмәте йортында узды.
2010 елда массакүләм мәгълүмат чаралары һәм нәшер итү өлкәсенә республика бюджетыннан 894 миллион сум акча юнәлтелгән. 2009 ел белән чагыштырганда, финанслау күләме 7 процентка, ягъни 69 миллион сумга кимегән. Республика бюджетыннан килгән финанслар гаммәви мәгълүмат чаралары чыгымнарының гомуми күләменнән 40 процентны тәшкил итә. 2003 елда бу күрсәткеч 70 процент белән исәпләнгән иде. Бүген чыгымнарның 60 процентын мәгълүмат чарасы үз исәбенә каплый.
Бүген ТР Дәүләт Советы Рәисе Фәрит Мөхәммәтшин Төркия Республикасының Энергетика һәм табигать байлыклары министры Танер Йылдыз белән очрашты.
Бүген ТР Хөкүмәт йортында Республика ведомствоара тормыш дәрәҗәсен күтәрү һәм керемнәрне легальләштерү комиссиясенең утырышы узды. Утырышны ТР беренче вице-премьеры Равил Моратов үткәрде.
Бүген Казанга Россия Федерациясе Хөкүмәте Рәисе урынбасары Игорь Сечин килде. “Казан” Халыкара аэропортында РФ вице-премьерын Татарстан Президенты Рөстәм Миңнеханов каршы алды.