ЯҢАЛЫКЛАР

Соңгы атнада Татарстан Республикасында эшсезләр саны якынча 4 меңгә арткан. Бүген яшәү дәрәҗәсен күтәрү һәм керемнәрне легальләштерү буенча республика ведомствоара комиссиясенең чираттагы утырышында шундый мәгълүматлар китерелде. Утырышны Татарстан Республикасы Премьер-министрының беренче урынбасары – комиссия рәисе Равил Моратов үткәрде.

2008 елда Россия Федераль салым хезмәтенең Татарстан Республикасындагы идарәсе алдына салымнар җыю буенча куелган планнар үтәлгән. Бүген Татарстан Республикасы Финанслар министрлыгы, Татарстан Республикасы Федераль салым хезмәте идарәсе һәм Татарстан Республикасы Федераль казначылык идарәсенең уртак йомгаклау коллегиясендә бу турыда Татарстан Республикасы Федераль салым хезмәте идарәсе җитәкчесе вазыйфаларын башкаручы Марат Сафиуллин әйтте.
Коллегия эшендә Татарстан Премьер-министры Рөстәм Миңнеханов, Федераль казначылык җитәкчесе Роман Артюхин һәм башкалар катнашты.

Дүртенче квартал нәтиҗәләренә караганда, 2008 ел, гомумән алганда, Татарстан Республикасы икътисады өчен позитив булган. Бүген Татарстан Республикасы Финанслар министрлыгы, Татарстан Республикасы Федераль салым хезмәте идарәсе һәм Татарстан Республикасы Федераль казначылык идарәсенең уртак коллегиясендә бу турыда Татарстан Премьер-министры Рөстәм Миңнеханов әйтте.
Коллегия эшендә шулай ук Федераль казначылык җитәкчесе Роман Артюхин катнашты.

2008 ел нәтиҗәләре буенча Татарстан Республикасының консолидацияләнгән бюджетына 139,2 млрд. сум кергән, шул исәптән салым керемнәре һәм салымнан тыш керемнәр – 114,9 млрд. сум, федераль акча – 24,3 млрд. сум.
Бүген Татарстан Республикасы Финанслар министрлыгы, Татарстан Республикасы Федераль салым хезмәте идарәсе, Татарстан Республикасы Федераль казначылык идарәсенең уртак йомгаклау коллегиясендә бу турыда Татарстанның фмнанслар министры Радик Гайзатуллин хәбәр итте.
Коллегия “Ак Барс” яшьләр мәдәни үзәгендә узды, чарада Татарстан Премьер-министры Рөстәм Миңнеханов, Федераль казначылык җитәкчесе Роман Артюхин һ.б. катнашты.

Сыйфатсыз мотор ягулыгын һәм майларын куллану атмосферага зарарлы матдәләр чыгарылуга бәйле хәлне катлауландыра.
Бүген Татарстан Республикасы Министрлар Кабинетында узган брифингта бу турыда Казан табигатьне саклау районара прокуратурасы башлыгы Олег Дәминов әйтте.
Брифинг Татарстан Республикасында сатыла торган нефть продуктларының сыйфатына багышланган иде.

Бүген Татарстан Республикасы Министрлар Кабинетында уза торган брифингта катнашучылар журналистларга Татарстан Республикасы территориясендә сатыла торган нефть продуктларының сыйфаты турында сөйләделәр.
Татарстан Республикасында ягулык-энергетика ресурсларының рациональ файдаланылуын һәм сыйфатын тәэмин итү идарәсе башлыгы Роберт Гыйлаҗиев республика территориясендә 809 АЗС һәм 110 нефть базасы эшләвен әйтте, шул исәптән 153 АЗС һәм 26 нефть базасы – “Татнефть” ААҖ неке, 144 АЗС һәм 23 нефть базасы – “Татнефтепродукт” ААҖ неке, 156 АЗС - ведомство оешмасыныкы, 356 АЗС (ягъни республикадагы АЗС ларның 44 % ы) - шәхси эшмәкәрләрнеке.

Ике елдан Татарстан Республикасындагы “Идея” технопаркына кертелгән инвестицияләрнең якынча 50 % хосусый булачак. Бүген Татарстан Республикасы Министрлар Кабинетында үткәрелгән брифингта бу турыда “Идея” инновацион-җитештерү технопаркының генераль директоры Сергей Юшко әйтте.
Ул шулай ук бүгенге көндә хосусый инвестицияләр технопаркка кертелгән бөтен акчаның 30 % ын алып торуын искәртте.
Брифинг “Идея” технопаркы төзелүнең бишьеллыгына (2004 елның 5 нче феврале) багышланган иде.

2 нче февральдә Казан шәһәрендә Татарстан Республикасы Премьер-министры Р.Н.Миңнеханов җитәкчелегендә “Татнефть” ААҖ Директорлар советының беренче утырышы булды.

Бүген Татарстан Республикасы Министрлар Кабинеты каршындагы Икътисади советның чираттагы утырышында транспорт хезмәте күрсәтү өлкәсендәге мәсьәләләр каралды. Утырышны Татарстан Республикасы Хөкүмәте башлыгы Рөстәм Миңнеханов үткәрде.
Утырышны ачып, Татарстан Республикасы Премьер-министры дөньякүләм икътисади кризис вакытында, иң беренче чиратта, республиканың транспорт комплексын эш белән тәэмин итәргә, булган потенциалны, кадрлар составын, шулай ук йөк ташу һәм пассажирлар йөртү күләмен саклап калырга кирәклеген әйтеп үтте.

2009 елда “Алабуга” махсус икътисади зонасының 1 гектар мәйданы резидент компанияләр эшчәнлеге өчен кирәк булган бөтен коммуникация һәм инженер инфраструктурасы белән тәэмин ителәчәк.
Бүген Татарстан Республикасы Министрлар Кабинетында Татарстан Республикасы Премьер-министры Рөстәм Миңнеханов белән үткәрелгән киңәшмә беткәч, журналистларга бу турыда “Махсус икътисади зоналар” ААҖ генераль директоры Сергей Левкин әйтте.