ЯҢАЛЫКЛАР
Бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин социаль-мәдәни өлкә объектларына, гидротехник корылмаларга һәм күп фатирлы йортларга капиталь ремонт барышы турында хәбәр итте.
Киңәшмәне Татарстан Республикасы Рәисе Рөстәм Миңнеханов барлык муниципаль районнар белән видеоконференцэлемтә режимында уздырды. Киңәшмәдә шулай ук ТР Премьер-министры Алексей Песошин, ТР Дәүләт Советы Рәисе Фәрит Мөхәммәтшин катнашты.
Бүген Россия Хөкүмәте Рәисе урынбасары Дмитрий Чернышенко БРИКС илләренең спорт уеннарын әзерләү һәм үткәрү буенча Оештыру комитеты утырышын уздырды. Уеннар 12-23 июньдә Казанда узачак. Киңәшмәдә Россия Президенты киңәшчесе Игорь Левитин, Россия Спорт министры урынбасары Алексей Морозов, Татарстан Премьер-министры Алексей Песошин, Татарстан Республикасы Премьер-министры урынбасары – Татарстан Республикасы Министрлар Кабинеты Аппараты җитәкчесе Шамил Гаффаров һәм Россия Хөкүмәте Рәисенең штаттан тыш киңәшчесе Олег Матыцин катнашты.
Казанда, Бәшир Рәмиев исемендәге ИТ-парк мәйданчыгында блокчейн технологияләре һәм криптоиндустрия өлкәсендә Kazan Cryptoforum 2024 тармак форумы старт алды. Аның максаты - криптоиндустрия үсешен законнар белән көйләү һәм тармакта катнашучыларның эшчәнлеге ягыннан синхронлаштыру. Форумда Россиянең эре майнинг компанияләре, блокчейн-проектлар эшләүче компанияләр вәкилләре, криптоинфлюенсерлар һәм фикер лидерлары җыелды.
Татарстан Премьер-министры Алексей Песошин «Татэнерго» АҖ Директорлар советының чираттагы утырышын уздырды. Чара ТР Хөкүмәте Йортында узды. Утырышта Компаниянең агымдагы елның беренче кварталындагы финанс-хуҗалык эшчәнлегенә йомгак ясалды.
Җәйге балаларны савыктыру кампаниясе Татарстанда 172 мең баланы үз эченә алачак. Бу хакта Татарстан Республикасы Хөкүмәте Йортында узган брифингта Татарстан Республикасы Премьер-министры урынбасары Ләйлә Фазлыева хәбәр итте.
Татарстанда халыкның 21 проценты, ә бу 852 мең кеше, 17 яшькә кадәрге балалар. Шул ук вакытта 160 меңнән артык бала күп балалы гаиләләрдә тәрбияләнә, мондый гаиләләр Татарстанда 50 меңнән артык. ТР Премьер-министры урынбасары Ләйлә Фазлыева Балаларны яклау көненә багышланган брифингны шундый сүзләр белән башлады.
Татарстан Республикасында 2023/2024 елгы җылы бирү чорына әзерлек паспортларын билгеләнгән срокта барлык 45 муниципаль берәмлек алган. Бу күрсәткеч буенча 2023/2024 сезонына әзерлек чоры соңгы 10 елда иң уңышлысы булды. Бу хакта бүген ТР Министрлар Кабинеты утырышында ТР төзелеш, архитектура һәм торак-коммуналь хуҗалык министры Марат Айзатуллин хәбәр итте.
Утырыш 2023/2024 елларның җылы бирү чорында ягулык-энергетика комплексы һәм торак-коммуналь хуҗалык оешмаларының эш йомгакларына һәм 2024/2025 елларның җылы бирү чорына әзерлек бурычларына багышланды.
Утырышны Татарстан Премьер-министры Алексей Песошин алып барды. Чарада Татарстан республикасы Рәисе рөстәм Миңнеханов, Татарстан Республикасы Дәүләт Советы Рәисе урынбасары Юрий Камалтынов катнашты.
Бүген Казанда 2023/2024 елгы җылы бирү чоры йомгакларына багышланган Татарстан Республикасы Министрлар Кабинеты утырышы уза.
Утырышны Татарстан Премьер-министры Алексей Песошин алып бара. Чарада Татарстан Республикасы Рәисе Рөстәм Миңнеханов, ТР Дәүләт Советы Рәисе урынбасары Юрий Камалтынов катнашты.
Бүген Иннополис лицеен тәмамлаучылар өчен тантаналы линейка узды, анда бөтен Россиядән сәләтле укучылар белем ала. Чарада Татарстан Республикасы Премьер-министры урынбасары Роман Шәйхетдинов катнашты.
Татарстан Республикасы Премьер-министры урынбасары Ләйлә Фазлыева Мөхәммәдьяр исемендәге Халыкара төрки әдәби фестивалендә катнашучылар белән очрашты. Очрашу ТР Хөкүмәте Йортында узды.