ЯҢАЛЫКЛАР

Татарстан Республикасының гаилә фермаларын һәм шәхси хыҗалыкларны үстерү, кече һәм урта эшкуарлыкка ярдәм итү, хакимият органнары өчен кадрлар әзерләү һәм аларны яңа һөнәргә өйрәтү өлкәсендәге тәҗрибәсе, шулай ук башка проектларны гамәлгә ашыру тәҗрибәсе белән Дагыстан Республикасы белгечләре уртаклашырга әзер. Бу хакта бүген Дагыстан Республикасы Президенты вазыйфаларын вакытлыча башкаручы Рамазан Абдулатипов Татарстан Республикасы Президенты Рөстәм Миңнеханов белән очрашуында белдерде. Очрашу Казан Кремлендә Татарстан Президенты резиденциясенең сөйләшүләр алып бару залында узды.  
 Дагыстан Республикасы делегациясе Дагыстан Республикасы Президенты вазыйфаларын вакытлыча башкаручы Рамазан Абдулатипов җитәкчелегендәбүген кыска визит белән Казан шәһәренә килде. Кунаклар югары технологияләр паркында – ИТ-паркта (Казан, Петербург ур.), анда алар өчен мәгълүмат технологияләре өлкәсендәге проектлар тәкъдир ителде. 

Бүген Казан IT-паркында Windows 8 нең кабат презентациясе узды. Бу юлы инде аның татар теленә тәрҗемә ителгән интерфейсы тәкъдим ителде. Презентациядә ТР Президенты Рөстәм Миңнеханов, ТР Дәүләт Советы рәисе Фәрит Мөхәммәтшин, Дагыстан башлыгы вазифаларын башкаручы Рамазан Абдулатыйпов, Microsoft ның Көнчыгыш һәм Үзәк Европадагы президенты Дон Грент, Microsoft ның Россиядәге президенты Николай Прянишников, ТР Премьер-министры урынбасары-мәгълүматлаштыру һәм элемтә министры Роман Шәйхетдинов һ.б. дәрәҗәле кунаклар катнашты.

Гомумйорт ихтыяҗлары буенча һәрбер йортка аудит уздырырга кирәк, дип саный Президент. Бүген Казан ратушасында уздырыла торган Казан каласы икенче чакырылыш Думасының XXI сессиясендә ТР Президенты Рөстәм Миңнеханов сүз алды.

Бүген Казан ратушасында ТР Президенты Рөстәм Миңнеханов катнашындагы Казан каласы икенче чакырылыш Думасының XXI сессиясендә мэр Илсур Метшин шәһәр хакимиятенең узган елдагы эшчәнлегенә хисап тотты.

«Майкрософт» (Microsoft) компаниясе җитәкчеләре белән Татарстан Республикасы Хөкүмәт Йортында Татарстан Республикасы Президенты Рөстәм Миңнеханов очрашты.
Чарада киләчәктә дә компания белән багланышлар алып бару һәм «Майкрософт» программалы продуктларын куллану мәсьәләләре турында сүз барды. Рөстәм Миңнеханов бүген Татарстан «Майкрософт» компаниясе белән системалы рәвештә эш итүе турында әйтеп китте.

Россия Федерациясе Эчке эшләр министры Владимир Колокольцев эш визиты белән Казанга килде.
Ведомство башлыгы Универсиады-2013нең кайбер спорт объектларында булды: Теннис академиясендә, Универсиада авылында, «Ак Барс» көрәш сараенда, «Казан-Арена» стадионында, Су спорт төрләре сараенда, «Татнефть-Арена» боз спорт сараенда. Россия Эчке эшләр министры Татарстан Республикасы Президенты Рөстәм Миңнеханов белән бергә йөрде.

Бүген Чаллы шәһәре мэриясендә муниципаль берәмлек Советының 2012 нче елда социаль-икътисади үсеш нәтиҗәләре һәм 2013 нче елга бурычлар буенча 24 нче утырышы үтте. Анда ТР Премьер-министры Илдар Халиков катнашты. Утырышны шәһәр мэры Васыйл Шәйхразиев уздырды.

2012 нче елда шәһәр башкарма комитеты эшчәнлеге нәтиҗәләре турында хисап белән башкарма комитет җитәкчесе Фәрхәд Латыйпов чыгыш ясады. Ул 2012 нче елда шәһәр буенча планлаштырылган макроикътисади күрсәткечләргә ирешелде, дип хәбәр итте.

Төркия Республикасы Татарстан территориясендә предприятиеләр саны буенча беренче урында. Бүген бу хакта Татарстан Республикасы Президенты Рөстәм Миңнеханов Төркия тышкы икътисадый багланышлар буенча Эшлекле советының (DEIK) DEIK җитәкчесе, “Anadolu Group” холдингы директорлар Советы рәисе Тунҗай Үзилхан җитәкчелегендәге делегациясе белән очрашуда хәбәр итте.

Бүген Россия Федерациясе Дәүләт Думасы стеналарында (Мәскәү) 2013 елгы XXVII Бөтендөнья җәйге Универсиадасына багышланган күргәзмә узды. Экспозиция ачылу тантанасында РФ Федераль Җыелышы Дәүләт Думасы Рәисенең беренче урынбасары Александр Жуков, Татарстан Республикасы Президенты Рөстәм Миңнеханов һәм башка рәсми затлар катнашты.

Быел 4 миллион тонна ашлык җыярга кирәк. Татарстанның эчке ихтыяҗы шундый. Бүген ТР Министрлар Кабинетында узган матбугат конференциясендә ТР Премьер-министры урынбасары - ТР авыл хуҗалыгы һәм азык-төлек министры Марат Әхмәтов 2013 елда язгы кыр эшләре кампаниясен үткәрү турында сөйләде.