ЯҢАЛЫКЛАР
Бүген Татарстан Республикасы Президенты Рөстәм Миңнеханов Яңа Зеландиянең Россиядәге Гадәттән тыш һәм Тулы вәкаләтле илчесе Иэн Александр Хилл белән очрашты.
Бүген Татарстан Президенты Чистайда эш сәфәрендә булды. Биредә ул тузган торакта яшәүче чистайлылар өчен төзелгән йортны, шәһәр мунчасын ачуда катнашты, төзекләндерелә торган паркта булды.
Бүген ТР Президенты Рөстәм Миңнеханов Чистайда тузган торакта яшәүчеләр өчен төзелгән 59 фатирлы торак йорт ачкычларын тапшыру тантанасында катнашты.
Бүген Казанда “Нанотехнологияләр. Казан-2011” дигән ΙΙΙ махсуслаштырылган күргәзмә һәм “Сәнәгатьтә нанотехнологияләр” дигән ΧΙΙ халыкара фәнни-гамәли конференция эшли башлады. Чараларны ТР Президенты, Хөкүмәте һәм “РОСНАНО” ААҖ булышлыгында ТР Сәнәгать һәм сәүдә, Икътисад министрлыклары, ТР Фәннәр академиясе оештырган. “Казан ярминкәсе”ндә күргәзмәне ачу тантанасы ТР Президенты Рөстәм Миңнеханов, “РОСНАНО” ААҖ Идарә рәисе урынбасары, Инфраструктура һәм мәгариф программалары фонды директоры Андрей Свинаренко, РФ Президентының Идел буе федераль округындагы вәкаләтле вәкиле урынбасары Алексей Кубрин, Россия Нанотехнологияләр җәмгыяте Президенты Виктор Быков катнашты.
“Барысы да гаиләдән, балалар бакчасыннан башлана”. – Бүген Казанда хосусый балалар бакчасының, төгәлрәге, автоном эшли торган “Егоза” психологик-педагогик үзәгенең 4 нче объекты булган балалар бакчасын ачкан Татарстан Президенты Рөстәм Миңнеханов балалар тәрбияләү-формалашу мәсьәләсендә шундый фикер белдерде.
Парижда уздырылган күргәзмәдә ЮНЕСКО исемлегенә кертергә Россиянең биш тарихи корылмасы тәкъдим ителде. Алар арасыннан борынгы Болгар шәһәре һәм Зөя утрау шәһәрчеге чит ил вәкилләрендә аеруча зур кызыксыну уятты.
Бүген “Казан” милли-мәдәният үзәгендә “Татарстан Республикасының иң яхшы товарлары” бәйгесе һәм “Россиянең иң яхшы 100 товары” Бөтенроссия программасы җиңүчеләрен бүләкләү тантанасы узды. Лауреатлар һәм дипломантларны котларга ТР Премьер-министры Илдар Халиков килгән иде.
Бүген ТР Президенты Рөстәм Миңнеханов «BMW Group Россия» президенты Петер Кроншнабель белән очрашты. Очрашуда Татарстан һәм «BMW» компаниясенең 2013 елгы Бөтендөнья җәйге универсиадасын үткәрүгә әзерлек өлкәсендәге хезмәттәшлек перспективалары хакында фикер алышынды. Очрашуда шулай ук ТР транспорт һәм юл хуҗалыгы министры урынбасары Азат Галиәхмәтов, 2013 елгы Универсиада Дирекциясе җитәкчесе Владимир Леонов, ТР Президентының Тышкы элемтәләр департаменты директоры – ТР Президенты ярдәмчесе Искәндәр Мөфлиханов катнашты.
“Алабуга” махсус икътисади зонасында «Rockwool» компаниясенең җылылык изоляциясе материаллары заводын төзү төгәлләнеп килә. Бүген Татарстан Президенты Рөстәм Миңнеханов һәм «Rockwool Russia Group» компаниясе генераль директоры Ник Винс ТР Хөкүмәте йортында узган очрашуда производствоны эшләтеп җибәрүгә әзерлек мәсьәләләре хакында фикер алышты.
Бүген Татарстан Республикасы Президенты Рөстәм Миңнеханов, “IT-парк” югары технологияләр технопаркында, Республика яшьләр форумы-2011 проектларының финал күргәзмәсе белән танышып чыккач, форум финалистларын һәм җиңүчеләрне тәбрикләү тантанасында катнашты.