ЯҢАЛЫКЛАР
Бүген Рөстәм Миңнеханов эш визиты белән Әгерҗе шәһәрендә булды.
Татарстан Juniper Networks компаниясенә Россиянең мәгълүмат технологияләре базарына чыгарга ярдәм итүче төбәк була ала. Бүген ТР Президенты Рөстәм Миңнеханов Juniper Networks компаниясенә нигез салучы, Директорлар советы рәисе урынбасары Прадип Синду белән очрашуда шулай дип белдерде. Очрашу ТР Хөкүмәте йортында узды.
Бүген Чаллыда тантаналы шартларда бөек татар шагыйре Габдулла Тукайга һәйкәл ачылды. Һәйкәл ачылу Автәшәһәрдә шагыйрьнең тууына 125 ел тулуга багышланган чаралар кысаларында төп вакыйга булды.
“Россия Бөтендөнья сәүдә оешмасына керү алдында тора. Шул шартларда, безнең предприятиеләр җитди реформалар процессыннан башка гына көндәшлеккә сәләтле була алмаячак. “Сакчыл җитештерү” технологияләре шул юлны узарга ярдәмгә килә”. Бүген “Корстон”да VΙ халыкара Лин-форумның пленар утырышын ТР Президенты Рөстәм Миңнеханов шул сүзләр белән ачып җибәрде. Республика башлыгы ассызыклаганча, базарда җитди көндәш булырга теләгән предприятиеләр IT-технологияләрне куллану буенча системалы эш алып барырга тиеш.
“Казан” халыкара аэропортын модернизацияләү проекты буенча, Казан үзәгеннән халыкара аэропортка кадәр тиз йөрешле электричкаларда (алар үзебенең илдә җитештерелә) 20 минутта барып җитеп булачак. Шушы ара 26 км исәпләнә, быел май аенда тимер юл салу эшләре башланган һәм бүгенгә 17 км кадәре салынган инде. Пассажир һәм йөк ташый торган интермодаль юл “РЖД” ААҖ проекты булып тора, ул 12,89 млрд. сумга төшкән, хәзергә 3,2 млн. сумы тотылган. Объектны киләсе елның 12 декабренда – 12.12.12 датасына туры китереп тапшыру ниятләнә.
Бүген Татарстан Республикасы Хөкүмәте йортында Казан (Татарстан Республикасы) һәм Тлемсен шәһәрләре (Алжир Халык Демократик Республикасы) арасында партнерлыкны үстерү турындагы килешү имзаланды. Документка Казан мэры Илсур Метшин һәм Тлемсен мэры Абденби Сенуси-Берекси кул куйды.
2011 ел ахырына кадәр Казан үзәгендә объектлар төзүчеләргә эшләрен башларга рөхсәт итү яки итмәү документлары бирелергә тиеш. Бу хакта бүген Татарастан Республикасы Президенты Рөстәм Миңнеханов Казанның тарихи үзәгендә төзелеш проектларын гамәлгә кую турындагы карарларны әзерләү буенча узган киңәшмәдә белдерде.
20-21 ноябрьдә ТР Дәүләт киңәшчесе җитәкчелегендәге Татарстан Республикасы делегациясе Италиядә эш сәфәрендә. Эш сәфәре кысаларында Минтимер Шәймиев Италия Президентының мәдәни мирас буенча киңәшчесе Луис Годарт, Италия Тышкы эшләр министрлыгының үсеш департаменты генераль директоры Маурицио Мелани, Салерно провинциясе Президенты Эдмондо Чириелли, ИККРОМ (ICCROM) мәдәни мирасны өйрәнү, төзекләндерү һәм саклау буенча Халыкара тикшеренү үзәге генераль директоры Мөнир Бушенаки белән очрашты.
Россия Федерациясендә беренче тапкыр медицина тармагында дәүләт-шәхси партнерлык җимеше – “Сәламәтлек саклау өлкәсендә концессия” проекты гамәлгә ашырылды. Бүген аның белән танышу өчен Татарстан Республикасы Президенты Рөстәм Миңнеханов Казанда Гаилә планлаштыру һәм репродукция үзәгенә килде. Реконструкцияләнгән үзәк белән танышу чарасында шулай ук Казан шәһәре мэры Илсур Метшин, ТР Сәламәтлек саклау министры Айрат Фәррахов, “АВА-Петер” ҖЧҖ генераль директоры Глеб Михайлик катнашты.
“Мондый очрашуларны ешрак итәргә – эшмәкәрләр белән тагын да киңрәк составта елга бер тапкыр очрашырга, борчыган проблемалар хакында фикерләшергә кирәк, дип исәплим. Сөйләшү формасын да үзгәртергә тиешбез”. Бүген ТР Эшмәкәрләренең ΙΙΙ корылтаенда катнашкан ТР Президенты Рөстәм Миңнеханов чыгышын әнә шул сүзләрдән башлады. Президент ассызыклаганча, республикада кече һәм урта бизнес вәкилләреннән торган 50 берләшмә исәпләнә Алар актив эш алып барырга, корылтайга үз күзаллауларын әзерләргә тиеш, дип саный республика башлыгы.