ЯҢАЛЫКЛАР
Бүген Владивостокта Татарстан Республикасы белән Приморский крае арасында хезмәттәшлек итү турында килешү төзелде. Документны Татарстан Президенты Рөстәм Миңнеханов белән Приморский крае губернаторы Сергей Дарькин имзалады. Искәртеп үтәбез, Татарстан башлыгы бүген Владивостокка эш сәфәре белән килде. Край администрациясе бинасында Рөстәм Миңнеханов Приморский крае губернаторы белән очрашу үткәрде, аннары Хезмәттәшлек турындагы килешүне имзалау тантанасы булды.
Бүген ТР Президенты Рөстәм Миңнеханов Бөтендөнья Ислам лигасының Коръәнне өйрәнү оешмасы генераль секретаре Абдулла Ибн Али-Басфар һәм Ислам фәннәренә ярдәм буенча Кувәйт оешмасы идарә советы рәисе шәйх Хамад Әхмәд Әс-Синан белән очрашты.
Татарстанда быелгы төп капиталь ремонт программасына кертелгән 999 күпфатирлы йортның барысында да эшләр тәмамланган. Финансларны экономияләү нәтиҗәсендә, быелгы программага өстәлгән 25 йортның 14 ендә шулай ук төзекләндерү эшләре тәмамланган һәм актлары Дәүләт торак инспекциясе тарафыннан кабул ителгән.
Бүген Мәскәүдә ярты миллионнан артык татар яши, һәм алар икътисадның төрле өлкәләрендә уңышлы гына эшләп килә. Ул хакта бүген Мәскәү мэры Сергей Собянин Мәскәүдә Татарстан Республикасы көннәрен ачу тантанасында белдерде.
Чара Мәскәүнең Халыкара музыка йортында узды. Чарада ТР Президенты Рөстәм Миңнеханов, Татарстан һәм Мәскәү хөкүмәте вәкилләре, Татарстанның зур предприятиеләре менеджменты, Бөек Ватан сугышы ветераннары, тыл хезмәткәрләре, Мәскәүнең иҗади интеллигенция вәкилләре катнашты.
Бүген Мәскәүдә Ломоносов ис. МДУ белән Казан (Идел буе) федераль университеты арасында хезмәттәшлек турында Килешү имзаланды.
Документка МДУ ректоры Виктор Садовничий һәм КФУ ректоры Илшат Гафуров кул куйды.
Бүген Татарстан Республикасы Рөстәм Миңнеханов Президенты Мәскәү һәм Мәскәү өлкәсе мәктәпләрендә татар телен укытучылар белән очрашты. Очрашу Мәскәү шәһәренең этномәдәни татар компонентлы гомум белем бирүче 1186 нчы мәктәптә узды.
Татарстан Президенты Рөстәм Миңнеханов бүген Мәскәүнең Бөтенроссия күргәзмәләр үзәгендә булды. Биредә Мәскәүдә Татарстан Республикасы көннәре кысаларында ТР агросәнәгать комплексы предприятиеләре тауарлары күргәзмәсе уза.
Бүген Татарстан Президенты Рөстәм Миңнеханов Мәскәүдәге Габдулла Тукай һәйкәленә чәчәкләр салды.
Бүген ТР башлыгы Россия башкаласына эшлекле сәфәр кыла. Ул Мәскәүдә Татарстан Республикасы көннәрен ачу тантанасында катнашачак.
Бүген Татарстан Президенты Мәскәүгә эшлекле сәфәр кыла.
Россия башкаласында Татарстан Республикасы көннәре ачыла. Татарлар белән очрашулар, Татарстан белән Мәскәү арасында сәүдә-икътисадый һәм фәнни-техник хезмәттәшлек буенча "түгәрәк өстәл", башка чаралар планлаштырылган.
Бүген ТР Министрлар Кабинеты Президиумының 2009-2011 елларда ТР Коррупциягә каршы стратегиясен гамәлгә куюга багышланган утырыш узды, анда программага якынча нәтиҗәләр ясадылар.