ЯҢАЛЫКЛАР

Бүген Татарстан Президенты Рөстәм Миңнеханов 3нче Республика клиник хастаханәсенең төзекләндерү эшләре бара торган акушерлык бүлеген карады. Аерым алганда, ул булачак аналарның үз туганнары белән Интернет аша аралашу мөмкинлекләре, балалар сырхауханәләре белән тиз генә элемтәгә керергә мөмкинлек бирә торган VITA системасы белән танышты, яңа туган сабыйлар ята торган реанимация һәм интенсив терапия бүлегендә булды.

Бүген ТР Президенты Рөстәм Миңнеханов Россия фәннәр академиясе вице-президенты Сергей Алдошин белән эшлекле очрашу үткәрде.

Очрашу ТР Хөкүмәт Йортында узды.

Сергей Алдошин һәм Рөстәм Миңнеханов Россия фәннәр академиясе һәм Татарстан Республикасының эре проектлары, химия һәм нефтехимия өлкәсендә хезмәттәшлек итү турында сөйләште.

Бүген ТР Президенты Рөстәм Миңнеханов Ростов-Дон шәһәрендә эш сәфәрендә. Биредә бу көннәрдә Россия-Европа Берлегенең 25нче юбилей саммиты уза. Саммитта “Модернизация өчен партнерлык” дигән инициативага старт бирелде. Россияне бу халыкара чарада РФ Президенты Дмитрий Медведев тәкъдим итә.

Бүген “Форсаж” картинг-үзәгендә Халыкара балаларны яклау көненә багышланган Татарстан Республикасы Хөкүмәте Кубогына балалар арасында картинг ярышлары старт алды. Башкалага бөтен республикадан иң яхшы узышчылар килде, ярышларда 9 яшьтән алып 16 яшькәчә 120 бала катнаша.

Быел республикада 190 меңнән артык бала һәм үсмер җәйге каникулларын ял һәм савыктыру, хезмәт лагерьларында уздырачак. Бүген, каникулларның беренче көнендә, ТР Министрлар Кабинетында узган брифингта бу мәсьәлә очрашуның төп темасы иде. Татарстанда балалар һәм үсмерләрнең ялын оештыру хакында ТР яшьләр эшләре, спорт һәм туризм министры Рафис Борһанов, мәгариф һәм фән министры урынбасары Айрат Зиннуров, хезмәт, мәшгульлек һәм социаль яклау министры уранбасары Наталья Бутаева сөйләде.

Бүген ТР Президенты Рөстәм Миңнеханов "ДеЛаваль" компаниясе (Швеция) президенты Йоаким Розенгрен белән очрашты.

Очрашуда сөт терлекчелеге өлкәсендә алга таба хезмәттәшлек итү турында сүз барды. Шулай ук, республикада "ДеЛаваль" компаниясенең яңа җитештерүен ачу мөмкинлеге турында да сөйләштеләр.

ТР Президенты Рөстәм Миңнеханов көзге культураларның торышы һәм киләчәк уңышка бәйле мәсьәләләр буенча Чаллы зонасына керүче муниципаль район башлыклары белән киңәшмә үткәрде.

Киңәшмәдә ТР вице-премьеры – авыл хуҗалыгы һәм азык-төлек министры Марат Әхмәтов, Актаныш, Минзәлә, Зәй, Тукай, Мөслим, Түбән Кама һәм башка муниципаль район хакимиятләре вәкилләре, шулай ук агрофирма, предприятие, хуҗалык җитәкчеләре катнашты.

Киңәшмә Түбән Кама районы кырларында (Каенлы авылы) узды.

Татарстан Президенты Рөстәм Миңнеханов Лениногорски районына эш сәфәре кылды.

Иске Куак торак пункты янында Татарстан Президенты ТР муниципаль берәмлек башлыклары белән очрашты. Рөстәм Миңнеханов Татарстанда җитештерелүче авыл хуҗалыгы техникасының яңа үрнәкләрен карады. Шуннан соң ТР Президенты “Татарстанның көньяк-көнчыгыш зонасында агросәнәгать комплексында тотрыклылыкны саклау буенча бурычлар турында” дигән темага киңәшмә үткәрде.

Бүген Самара өлкәсе Похвистнево районы Гали авылында I Бөтенроссия авыл Сабан туе уза. Татарстан, Чуашстан, Марий Эл, Мордовия, Удмуртия республикалары, Киров, Ульяновск, Оренбург, Төмән, Свердловск, Түбән Новгород, Чиләбе, Тамбов, Пенза һәм башка өлкәләр, Пермь крае делегацияләре, Кытай Халык Республикасыннан килгән татар диаспорасы вәкилләре бер-бер артлы изге дога белән башланган бәйрәм мәйданы тирәли әйләнде. Гали авылы Сабан туенда мактаулы кунаклардан РФ Хөкүмәте Рәисе урынбасары Александр Жуков, РФ Президентының Идел буе федераль округындагы вәкаләтле вәкиле Григорий Рапота, Татарстан Президенты Рөстәм Миңнеханов, Самара өлкәсе губернаторы Владимир Артяков чыгыш ясады, анда РФ мөселманнарының Үзәк Диния нәзарәте рәисе, мөфти Шәйхелислам Тәлгать хәзрәт Таҗетдин, Бөтендөнья татар конгрессы Башкарма комитеты рәисе Ринат Закиров та катнашты.

ТР Президенты Рөстәм Миңнеханов Татарстан Республикасы Хөкүмәте йортында Пекин спорт университеты делегациясен кабул итте, дип хәбәр итә ТР Президентының матбугат хезмәте.