ЯҢАЛЫКЛАР

“Европа – Көнбатыш Кытай” халыкара транспорт коридорын формалаштыру тизләтелергә һәм 2020 елга тәмамланырга мөмкин. Бу хакта бүген Казанда узган эшлекле киңәшмәдә Россия транспорт министры Максим Соколов хәбәр итте.

Киңәшмәдә шулай ук РФ Президентының Идел буе федераль округындагы вәкаләтле вәкиле Михаил Бабич, ТР Премьер-министры Илдар Халиков, Федераль юл агентлыгы җитәкчесе Роман Старовойт, ТР транспорт һәм юл хуҗалыгы министры Ленар Сафин катнашты, “Европа – Көнбатыш Кытай” транспорт коридорын булдыру проектын гамәлгә ашыру мәсьәләләре турында фикер алыштылар.

Татарстан Республикасы Арбитраж суды Рәисе Николай Новиковны бүген коллективка Россия Федерациясенең Югары арбитраж суды Рәисе Антон Иванов тәкъдим итте.
Николай Новиковны тәкъдим итү Татарстан Республикасы Арбитраж суды бинасында узды (Казан Кремле, 1 нче корпус). Чарада Идел буе федераль округында Россия Федерациясе Президенты вәкиле Михаил Бабич, Татарстан Республикасы Президенты Р. Н. Миңнеханов, Татарстан Республикасы буенча ЭЭМ башлыгы Артем Хохорин, Казан мэры Илсур Метшин, Татарстан Республикасы Президенты Аппараты, Татарстан Республикасы министрлыклары һәм ведомстволары вәкилләре катнашты.

Бүген Татарстан Республикасына ңшлекле визит белән Югары Арбитраж суды рәисе Антон Александр улы Иванов килде. "Казан" халыкара аэропортында аны Татарстан Республикасы Президенты Рөстәм Миңнеханов һәм башка рәсми затлар каршы алды.

Бүген Татарстан Республикасы Президенты Рөстәм Миңнеханов "Татарстан Республикасы алдындагы казанышлары өчен" ордены белән Россия Фәннәр академиясе академигы һәм Татарстан Фәннәр академиясенең мактаулы академигы Рәшит Сөнәевны бүләкләнде. Чара Казан Кремлендә ТР Президенты резиденциясенең тантаналар залында үтте. Искә төшерик, 2013 елның 1 мартында академик Рәшит Сөнәевка 70 яшь тулды, аның исеме заманча астрофизика һәм космология теориясе өлкәсендәге берничә фундаменталь эш белән бәйле.

Бүген Согуд Гәрабстанына визиты кысаларында Татарстан Республикасы Президенты Рөстәм Миңнеханов Мәккә провинциясе әмире Халид Фәйсал белән очрашты. Әңгәмә бүген Җиддәдә ачылган халыкара икътисадый форум кысаларында узды.

Бүген Татарстан Президенты Рөстәм Миңнеханов Согуд Гарәбстанына визиты барышында Җиддәдә халыкара икътисадый форум ачылу тантанасында катнашты.
Җиддәдә халыкара икътисадый форум быел 11 нче мртәбә уздырыла. Быелгы форум темасы: саны артып баручы халыкны торак һәм инфраструктура белән тәэмин итү. 

Татарстан Республикасы Ислам хезмәттәшлеге оешмасының шактый күп бүлекчәләре белән актив рәвештә хезмәттәшлек итә һәм үзара файдалы мөнәсәбәтләрнең киләчәктә дә үсүенә исәп тота. Бу хакта Татарстан Республикасы Президенты Рөстәм Миңнеханов ИХО генераль секретаре Әкмәледдин Ихсаноглу белән бүгенге очрашуда белдерде. Очрашу Татарстан делегациясенең Согуд Гарәбстанына визиты кысаларында Җиддәдә узды.

Татарстан авыл хуҗалыгы үз илләренә азык-төлек китерергә теләүче Согуд Гарәбстаны эшмәкәрләренә инвестиция ягыннан кызыклы була ала. Моның турында Татарстан Республикасы Президенты Рөстәм Миңнеханов белән очрашу барышында Ислам үсеш банкы төркеме президенты Әхмәд Мөхәммәд Али әл Мәдәни игълан итте. Әлеге чара Җиддәдә Татарстан делегациясенең Согуд Гарәбстанына визиты кысаларында узды.

Бүген Татарстан Республикасы Президенты Рөстәм Миңнеханов Согуд Гарәбстанына визит белән килде. Татарстан делегациясе әгъзалары Мәккәдә булдылар һәм кече хаҗ - умра кылдылар.

Бүген Татарстан Республикасы Премьер-министры Илдар Халиков һәм ТР Хөкүмәте әгъзаларының Татарстанның профсоюзлар активы белән гадәттәгечә ел саен була торган очрашуы узды. Әлеге чара Хезмәт сараенда (Казан,Мөштәри ур.) булды, анда ТР Профсоюзлар федерациясе рәисе Татьяна Водопьянова, шулай ук республика министрлыклары һәм ведомство җитәкчеләре катнашты.