ЯҢАЛЫКЛАР

Бүген бишенче чакырылыш Татарстан Республикасы Дәүләт Советының егерме бишенче юбилей утырышы ачылды.

Сессия эшендә Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Хөкүмәте әгъзалары һәм чакырылган затлар катнаша.  

Утырышны Татарстан Республикасы Дәүләт Советы Рәисе Фәрит Мөхәммәтшин алып бара.  

Татарстан Республикасы Президенты Рөстәм Миңнеханов Париж мэры Анн Идальго белән очрашты. Чара Казан Кремле Губернатор Сараеның сөйләшүләр залында узды. 

Искәртик, Анн Идальго Казанга ике көнлек визиты белән килде (2017 елның 15-16 февраль көннәре).

Рөстәм Миңнеханов Анн Идальгога тыгыз графигында вакыт табып, Казанга килгәне һәм, гомумән, республика карата кызыксынуы өчен рәхмәт белдерде. Без Россия-Франция мөнәсәбәтләре кысаларында төбәкара хезмәттәшлек яклы, диде Рөстәм Миңнеханов.  

Казанга Америка хоккейчылары килү Россия белән АКШ якынаюга китерергә мөмкин. Бу хакта бүген Татарстан Республикасы Президенты Рөстәм Миңнеханов Татарстан җыелма командасы ветераннары белән «Филадельфия Флайерз» НХЛ командасы ветераннарының Казандагы Спорт сараенда узган хоккей матчы алдыннан сәламләү сүзендә хәбәр итте. 

Бүген Татарстан Республикасы Президенты Рөстәм Миңнеханов «Hollbeach Solutions» компаниясе (Канада) президенты Грэм Лайон белән очрашты.    

Очрашуда катнашучылар авыр нефтьләр чыгару һәм эшкәртү өлкәсендә хезмәттәшлекнең перспектив юнәлешләре турында фикер алыштылар, уртак проектларны гамәлгә ашыру мөмкинлекләрен карадылар.  

Бүген Татарстан Республикасы Президенты Рөстәм Миңнеханов ТР Фәннәр академиясенең Ш.Мәрҗәни исемендәге Тарих институты директоры Рафаэль Хәкимовка Татарстан Республикасы академик фәнен үстерүгә, Татарстан халкының тарихи һәм мәдәни мирасын өйрәнүгә керткән өлеше өчен Татарстан Республикасы Президенты Рәхмәтен тапшырды.

Бүген Татарстан Республикасы Президенты Рөстәм Миңнеханов Гомумроссия халык фронты активы белән очрашты. Очрашуда катнашучылар дәүләт сәясәтенең өстенлекле юнәлешләре һәм гражданнарны борчый торган мәсьәләләр турында сөйләштеләр. Әңгәмәнең төп темалары Интернет челтәрендә балалар медиакуркынычсызлыгы һәм җәяүлеләр күперләрендәге эшләми торган лифтлар булды. 

Язгы кыр эшләренә әзерлек кысаларында Татарстан Республикасы авыл хуҗалыгы предприятиеләрен язгы чәчү эшләрен уздыру өчен банклар, кредит оешмалары тарафыннан акчалар белән тәэмин итү эшен активлаштырырга кирәк. 

Бүген бу хакта Татарстан Республикасы Президенты Рөстәм Миңнеханов Татарстан Республикасы Авыл хуҗалыгы һәм азык-төлек министрлыгының йомгаклау коллегиясендә хәбәр итте.  

Коллегия утырышы «Казан ярминкәсе» күргәзмә үзәгендә узды, төп нотык белән Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов чыгыш ясады. Коллгеия эшендә шулай ук Татарстан Республикасы Муниципаль берәмлекләр советы рәисе Минсәгыйт Шакиров, Татарстан Республикасы буенча Баш федераль инспектор Ренат Тимерҗанов һәм башкалар катнашты.

Татарстан Республикасында 2016 елда авыл хуҗалыгы җыелма продукциясе күләме барлык  категория хуҗалыкларда 238,6 млрд. сум тәшкил иткән, чагыштырма бәяләүдә үсеш – 105%.  Бүген бу хакта Авыл хуҗалыгы һәм азык-төлек министрлыгының йомгаклау коллегиясендә Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов хәбәр итте.  

Коллегия утырышы 2016 елда агросәнәгать комплексы эше йомгакларына һәм 2017 елга бурычларга багышланды һәм «Казан ярминкәсе» күргәзмә үзәгендә узды.

Чарада Татарстан Республикасы Президенты Рөстәм Миңнеханов катнашты. 

Чара башланганчы, Рөстәм Миңнеханов, Марат Әхмәтов һәм башка рәсми затлар бу көннәрдә узучы Идел буе агросәнәгать форумы кысаларында оештырылган күргәзмәләр экспозициясе белән таныштылар.   

Бүген Татарстан Республикасы Президенты Рөстәм Миңнеханов агросәнәгать комплексы эшенә багышланган ике тематик күргәзмә экспозицияләре белән танышты. 

Идел буе агросәнәгать форумы кысаларында "Казан ярминкәсе" КҮ территориясендә «Агрокомплекс: Интерагро. Анимед. Идел буе фермеры» 20 нче халыкара махсуслаштырылган күргәзмә һәм «Волгапродэкспо» 17 нче махсуслаштырылган күргәзмә тәкъдим ителде. Әлеге форум - Татарстан Республикасы һәм Идел буе өчен аеруча әһәмиятле чараларның берсе. 

Павильоннар алдында заманча авыл хуҗалыгы техникасы - тракторлар, комбайн, туфрак эшкәртү һәм чәчү техникасы, ашлыккиптергечләр, терлекчелек фермалары өчен техника һәм башкалар тәкъдим ителгән иде. 

Бүген Татарстан Республикасы Президенты Рөстәм Миңнеханов Россия Федерациясе илкүләм гвардия гаскәрләренең Идел буе округы командующие Александр Порядин белән очрашты.  

Очрашуда катнашучылар халыкның иминлеген тәэмин итү һәм законлылыкны һәм хокук тәртибен ныгыту өлешендә хезмәттәшлекне үстерүнең киләчәк адымнары турында фикер алыштылар.    

Искәртәбез, генерал-лейтенант Александр Порядинны Россия Федерациясе илкүләм гвардия гаскәрләренең Идел буе округы командующие итеп билгеләү турында үткән елның октябрендә мәгълүм булды.