ЯҢАЛЫКЛАР

Бүген Татарстан Республикасы Президенты Рөстәм Миңнеханов «Шнайдер Электрик» (Schneider Electric) компаниясенең штаб-квартирасында булды.   

Schneider Electric компаниясе – энергия һәм и автоматлаштыруга идарә итүдә дөнья эксперты, энергетика һәм инфраструктура, сәнәгать предприятиеләре, граждан һәм торак төзелеше объектлары, белешмәләрне эшкәртү үзәкләре өчен энергиянең комплекслы нәтиҗәле хәл ителешләрен эшләүче һәм җибәреп торучы алдынгы компания. 

Рөстәм Миңнеханов һәм Татарстан Республикасы делегациясе әгъзалары  «Шнайдер Электрик» күргәзмә үзәгендә булдылар. Аннары компания җитәкчелеге белән очрашу узды. 

Бүген Татарстан Республикасы Президенты Рөстәм Миңнеханов Парижга эш сәфәре кысаларында Франция Сенатында булды.

Искәртәбез, Сенат – Франция парламентының югары палатасы, закон чыгару хакимиятенең бер тармагы. Франция Конституциясе нигезендә Сенат турыдан-туры булмаган гомуми тавыш бирү юлы белән сайлана һәм Франция җирле территориаль общиналары вәкиллеген тәэмин итәргә тиеш. Бүген Сенат составында 348 сенатор.

Рөстәм Миңнеханов Франция Сенаты Рәисе Жерар Ларше белән әңгәмә корды.   

Бүген Татарстан Республикасы Президенты Рөстәм Миңнеханов ЮНЕСКО генераль директоры Ирина Бокова белән очрашты. 

Очрашу Париж шәһәрендә ЮНЕСКО офисында узды. 

Рөстәм Миңнеханов Ирина Боковага очрашу мөмкинлеге өчен рәхмәт белдерде һәм ЮНЕСКО белән Татарстан Республикасы арасында хезмттәшлек күп еллар дәвам итүе турында искәртте.

Франция Эшлекле даирәләре ассоциациясе (MEDEF) вице-президенты Ив-Тибо де Сильги белән очрашты. 
Очрашу MEDEF бинасында узды.
Очрашу барышында де Сильги әфәнде Рөстәм Миңнехановка белдергәнчә,  Франция бизнесменнары Россия компанияләре белән хезмәттәшлек итәргә, шулай ук эшлекле багланышларны ныгытырга тели.

Бүген Саксония Премьер-министры Станислав Тиллих җитәкчелегендәге делегация “Алабуга” МИЗда булды. Кунакларны Татарстан Республикасы Премьер-министры Илдар Халиков озата йөрде.

Татарстан Республикасы Президенты Рөстәм Миңнеханов Овернь-Рона-Альпы төбәге (Франция) бизнесы вәкилләрен Татарстанга чакырды. Визитны әзерләү буенча эш төркеме Татарстан Президенты Рөстәм Миңнехановның Овернь-Рона-Альплар төбәгенең Региональ совет вице-президенты Филипп Менье белән очрашуы нәтиҗәләре буенча оештырылачак. Очрашу Парижда Рөстәм Миңнехановның Франциягә эш сәфәре кысаларында узды.

Бүген Татарстан Республикасы Президенты Рөстәм Миңнеханов Парижга эш сәфәре кысаларында Франциядәге татар җәмәгатьчелеге вәкилләре белән очрашты.   

Очрашу Россия Федерациясенең Франциядәге илчелеге бинасында узды.

Чарада татар җәмәгатьчелеге, «Франция Татарстан йорты» ассоциациясе активистлары катнашты.

Рөстәм Миңнеханов очрашу мөмкинлеге, шулай ук татар халкының гореф-гадәтләренә, мәдәниятенә һәм теленә битараф булмаганнары өчен барысына да рәхмәт белдерде.  

Бүген Татарстан Республикасы Президенты Рөстәм Миңнеханов Татарстан Республикасы сәнгать осталары концертын карады. 

Чара Россия Федерациясенең Франция Илчелегендә оештырылган иде.

Концерт башланганчы Рөстәм Миңнеханов һәм Россия Федерациясенең  Франциядәге Гадәттән тыш һәм Тулы вәкаләтле Илчесе Александр Орлов «Хәзерге Татарстан» фотокүргәзмәсен һәм халык сәнгате һөнәрләре күргәзмәсен карадылар, анда милли бизәкләр төшерелгән күн эшләнмәләр, сувенир продукция, традицион милли баш киемнәре – түбәтәйләр, милли татар киемнәреннән курчаклар һәм башкалар куелган иде.

Бүген Татарстан Республикасы Президенты Рөстәм Миңнеханов эш сәфәре белән Парижга (Франция Республикасы) килде.

«Ле Бурже» аэропортында Рөстәм Миңнехановны Россия Федерациясенең Франциядәге Гадәттән тыш һәм Тулы вәкаләтле Илчесе Александр Орлов һәм башка рәсми затлар каршы алды.

Татарстан халыкка электрон дәүләт һәм муниципаль хезмәтләр күрсәтүдә Россия төбәкләре арасында беренче урында тора. Бу хакта бүген Министрлар Кабинетында узган матбугат очрашуында ТР Премьер-министры урынбасары – мәгълүматлаштыру һәм элемтә министры Роман Шәйхетдинов сөйләде.

Министр “Без портал эшеннән канәгать” дип билгеләп үтте.