ЯҢАЛЫКЛАР

Бүген Татарстан Республикасы Президенты Рөстәм Миңнеханов  «Алабуга» махсус икътисадый зонасына эш сәфәре белән килде. 

Эш сәфәренең төп максаты – МИЗ территориясендә ике яңа завод  төзи башлауга багышланган тантанада катнашу: «АйДжиЭс Агро» (компост җитештерү һәм шампиньон гөмбәсе үстерү) һәм «Август-Алабуга» (үсемлекләрне яклауның химик чараларын әзерләү). 

Бүген Казанда Спорт сараенда Татарстан һәм Чехия хоккее ветераннарының җыелма командалары арасында халыкара иптәшләрчә матч узды.  

Республика җыелма командасы составына Татарстан Республикасы Президенты Рөстәм Миңнеханов, Казан мэры Илсур Метшин, «Ак Барс»ның легендар хоккейчылары Алексей Морозов, Алексей Чупин, Рәфыйк Якубов, Сергей Зиновьев һәм башкалар бар иде. Хуҗалар командасын оста остаз Равиль Шәвәлиев җитәкләде. Чехия хоккейчылары арасында бозга НХЛ уенчылары Марек Посмык («Тампа Бэй») һәм Милан Халупа («Детройт»), шулай ук  Олимпия уеннарының бронза призеры Бедржих Щербан та чыкты. Чехия ветераннары командасын тренер Милан Новы җитәкләде.

Бүген Татарстан Республикасы Президенты Рөстәм Миңнеханов ACM (Accounting, Controlling, Management) компаниясенең стратегия һәм үсеш директоры Томаш Навратил белән очрашты.

Казан спорт сараенда узган очрашуда шулай ук Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Премьер-министры урынбасары – Татарстан Республикасы Министрлар Кабинеты Аппараты җитәкчесе Шамиль Гаффаров, «Татнефть» ГАҖ генераль директоры урынбасары – Казан шәһәрендә департаменты директоры Дамир Мөхәммәтшин һәм башкалар катнашты. 

Татарстан Республикасы Президенты Р.Н. Миңнехановның Татарстан Республикасы Конституциясе көне уңаеннан массакүләм мәгълүмат чараларында бастыру өчен МӨРӘҖӘГАТЕ

Хөрмәтле татарстанлылар!

Сезне чын йөрәктән дәүләт бәйрәме - Татарстан Республикасы Конституциясе көне белән котлыйм!

Татарстан Югары Советы республикабызның яңа Конституциясен кабул итүгә егерме дүрт ел булды.

Әлеге документ үз эченә заманча юридик казанышларны туплап, Татарстан җәмгыятендә барган мөһим үзгәрешләрне чагылдырды.

Шуны билгеләп үтәргә кирәк, республика Конституциясенең әһәмиятле нигезләмәләре чирек гасыр дәвамында үзгәрешсез кала. Конституцион стройның тотрыклылыгы – дәүләт төзелеше өчен зур казаныш.

"Үзгәреш җиле" татар җыры фестивалендә бүген Татарстан Республикасы Президенты Рөстәм Миңнеханов булды. 

Чара М.Җәлил ис. Татар дәүләт опера һәм балет театры сәхнәсендә үтте. 

Фестивалҗ кунаклары арасында ТР Дәүләт Киңәшчесе Минтимер Шәймиев, ТР Дәүләт Советы Рәисе Фәрид Мөхәммәтшин, Казан мэры Илсур Метшин һәм башкалар бар иде. 

Бүген Татарстан Республикасы Президенты Рөстәм Миңнеханов һәм Татарстан Республикасы Дәүләт Киңәшчесе Минтимер Шәймиев Казан Кремле диварлары буенда урнашкан күренекле хәйрияче Әсгать Галимҗанов исемендәге яңа скверда булдылар. Чарада шулай ук Казан мэры Илсур Метшин, Татарстан Республикасы Президенты ярдәмчесе Ләйлә Фазлыева, Татарстан Республикасы Дәүләт Советы Рәисе урынбасары Татьяна Ларионова һәм башкалар катнашты.

Аңалатмаларны проект авторы – «План» архитектура һәм дизайн студиясе белгече Регина Сөендукова биреп барды. 

Бүген Татарстан Республикасы Президенты Рөстәм Миңнеханов Россия Федерациясе Федераль Собраниесенең Татарстан Республикасыннан Дәүләт Думасы депутатлары һәм Федерация Советы әгъзалары белән очрашты.

Очрашу Татарстан Республикасы Хөкүмәте Йортында узды, анда Рәисе Татарстан Республикасы Дәүләт Советы Рәисе Фәрит Мөхәммәтшин да катнашты.

Бүген ТР Хөкүмәте Йортныдагы республика киңәшмәсендә ТР Премьер-министры урынбасары - авыл хуҗалыгы һәм азык-төлек министры Марат Әхмәтов Татарстан Республикасында авыл хуҗалыгы тармагының агымдагы елның 9 аенда икътисадый күрсәткечләре турында хәбәр итте. 

Киңәшмәне бөтен муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмә эшендә Татарстан Республикасы Премьер-министры Илдар Халиков катнашты. 

Марат Әхмәтов хәбәр иткәнчә, барлык хуҗалыклар төрләрендә авыл хуҗалыгы продукциясенең тулаем күләме 9 ай нәтиҗәсе буенча 184,2 млрд. сум тәшкил итте, чагыштымача бәяләү буенча производство индексы 106,5 % тәшкил итте (Россиядә әлеге күрсәткеч - 103,6 %).

Татарстан Республикасында 2016 ел башыннан Дәүләт төзелеш күзәтчелеге инспекциясе һәм Хезмәт инспекциясе 1363 тикшерү үткәргән, 16 млн. 620 мең сумга 440 карар чыгарган. 

Бу мәгълүматны ТР Хөкүмәте Йортындагы республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте. 

Киңәшмәне бөтен муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. 

Киңәшмә эшендә Татарстан Республикасы Премьер-министры Илдар Халиков катнашты. 

Бүген Татарстан Республикасы Президенты Рөстәм Миңнеханов республика күләмендәге “Йортыбыз – Татарстан” этномәдәни фестиваленең йомгаклау концертында булды.

Чара "Пирамида" комплексы мәйданчыгында узды (Казан).

Халыклар берлеге көнендә гала-концертта 600 якын иҗади коллективлар вәкилләре чыгыш ясады, алар барысы да республикабызда яшәүче милләтләр вәкилләре.