ЯҢАЛЫКЛАР
Татарстан Республикасы Президенты Рөстәм Миңнеханов Россия делегациясе составында Кытай Халык Республикасында ике көнлек эш сәфәрендә. Ул анда 18 нче СIIF-2016 Шанхай халыкара сәнәгать ярминкәсе эше белән танышты. 2016 елда Россия Федерациясе СIIF Шанхай халыкара сәнәгать ярминкәсенең хезмәттәш иле булды.
Татарстан Республикасы Президенты Рөстәм Миңнеханов Шанхайга бер көнлек эш сәфәре барышында (2016 елның 1 ноябре) «Ляонин Ван Юй Хэ» компаниясе җитәкчелеге белән очрашты. Очрашу 18 нче Шанхай халыкара сәнәгать ярминкәсе кысаларында узды.
Бүген, 2016 елның 1 ноябрендә, Татарстан Республикасы Президенты Рөстәм Миңнеханов Россия делегациясе составында бер көнлек эш сәфәре белән Кытай Халык Республикасына (Шанхай шәһәре) килде. Делегацияне Россия Федерациясе Сәнәгать һәм сәүдә министры Денис Мантуров җитәкли.
Сәфәренең төп максаты –18 нче СIIF-2016 Шанхай халыкара сәнәгать ярминкәсендә булу. Күргәзмә стендларында Татарстан Республикасын "КАМАЗ" ГАҖ, «Казан вертолетлар заводы» ГАҖ, «Ак Барс» холдинг компаниясе» ААҖ, "Алабуга" ААҖ, "Иннополис" ААҖ һәм башка компанияләр тәкъдим итәчәк.
Бүген көннең икенче яртысында Мәскәүдә (РФ Хөкүмәте йортында) РФ Эчке эшләр министрлыгыннан юл хәрәкәте өлкәсендә административ хокук бозулар турындагы эшләрне тикшерү буенча төбәкләргә аерым вәкаләтләр тапшыру буенча киңәшмә узды.
Анда Татарстаннан ТР Премьер-министры Илдар Халиков катнашты.
Татарстан Премьер-министры Илдар Халиков бүген Кытай Халык Республикасының Казандагы Генераль консулы вазифаларын башкаручы Чэн Вэй белән очрашты.
Очрашу Татарстан Хөкүмәте йортында узды.
Илдар Халиков очрашу барышында Татарстан җитәкчелеге Кытай Халык Республикасының Казанда консуллык ачу турындагы карарын хуплый, дип белдерде.
Бүген Татарстан башкаласында “Казан-Арена” стадионы территориясендә “Җиңү ыргылышы” исемендә яңа спорт-күнекмә үзәгенең тантаналы ачылышы узды. Бу проектны оештыручы танылган Россия хоккейчысы Данис Зарипов.
Тантанада Татарстан Президенты вазифаларын башкаручы Илдар Халиков, ТР яшьләр эшләре һәм спорт министры Владимир Леонов, Яшьләр хоккей лигасы идарәче директоры Алексей Морозов катнашты.
Татарстан Республикасында шикәр чөгендере уңышын җыю төгәлләнеп килә, аның барышы турында бүген ТР Хөкүмәте йортында узган республика киңәшмәсендә ТР Премьер-министры урынбасары – авыл хуҗалыгы һәм азык-төлек министры Марат Әхмәтов хәбәр итте.
Киңәшмәне ТР Президенты вазифаларын башкаручы Илдар Халиков уздырды.
Татарстан Республикасында Дәүләт төзелеш күзәтчелеге инспекциясе һәм Дәүләт хезмәт инспекциясе тарафыннан 2016 ел башыннан хезмәтне саклау өлкәсендә 1мең 363 тикшерү уздырылган. Хезмәтне саклау нормаларын һәм кагыйдәләрен бозган өчен 16 млн 620 мең сумга 440 карар чыгарылган.
Бу мәгълүматлар бүген ТР Хөкүмәте йортында узган республика киңәшмәсендә хәбәр ителде.
Киңәшмәне республиканың барлык муниципаль районнары белән видеоконференцэлемтә режимында ТР Президенты вазифаларын башкаручы Илдар Халиков уздырды.
Татарстан Республикасы Президенты вазифаларын башкаручы Илдар Халиков бүген “Tatarstan Top Hotels Awards” (“Татарстанның иң яхшы кунакханәләре”) һәм “Tatarstan Top Restaurants Awards” (“Татарстанның иң яхшы рестораннары”) беренче һөнәри премия лауреатларын бүләкләде. Конкурска нәтиҗә ясау Казанның “Ривьера” мәйданчыгындагы “Панорама” ресторанында узды.
Татарстан Республикасы Президенты вазифаларын башкаручы Илдар Халиков автомобиль транспорты һәм юл хуҗалыгы хезмәткәрләрен һөнәри бәйрәмнәре белән котлады.