ЯҢАЛЫКЛАР
Бүген Казанда Татарстан Республикасы Президенты Рөстәм Миңнеханов рәислегендә «Татнефтехиминвест-холдинг» ААҖ Директорлар советының чираттагы утырышы узды.
«Татнефтехиминвест-холдинг» ААҖ генераль директоры Рафинат Яруллин 2015 елда республика нефть-газ комплексы предприятиеләре эшчәнлегенә йомгак ясады. Татарстанда комплексның барлык база предприятиеләре дә 2015 елны табышлы тәмамлаганнар. Сатудан табыш үткән ел белән чагыштырганда 1,5 мәртәбә арткан.
Бу хакта бүген Татарстан Республикасы Президенты Рөстәм Миңнеханов ТР буенча ЭЭМның 2015 ел нәтиҗәләренә багышланган коллегиясендә белдерде. Чарада шулай ук ТР буенча эчке эшләр министры Артем Хохорин, ТР Президенты Аппараты җитәкчесе Әсгать Сәфәров, ТР буенча баш федераль инспектор Ренат Тимерҗанов, ТР Югары суды рәисе Илгиз Гыйләҗев, ТР Прокуроры Илдус Нәфыйков, Татарстан Республикасы Премьер-министрының беренче урынбасары Алексей Песошин һәм башкалар катнашты.
Бүген Татарстан Республикасы Президенты Рөстәм Миңнеханов Татарстан Республикасы Махсус дәүләт стипендиясе стипендиатлары, федераль, округ яшьләр форумнарында катнашучылар, балалар һәм яшьләр оешмалары активы белән очрашты.
Очрашу Татарстан Республикасы Лаеш муниципаль районында «Волга» яшьләр үзәгендә узды.
Бүген Татарстан Республикасы Президенты Рөстәм Миңнеханов Лаеш районында «Волга» яшьләр үзәге территориясендә урнашкан, уен залы һәм йөзү бассейны булган «Волга» универсаль спорт комплексында булды.
Бүген Казан Кремлендә FINA президенты Хулио Маглионега һәм Халыкара йөзү федерациясе башкарма директоры Корнелий Маркулескука хөрмәт күрсәттеләр. Тантаналы чарада Татарстан Республикасы Президенты Рөстәм Миңнеханов катнашты.
Татарстан Республикасында 2016 елгы чәчү кампаниясендә 11 мең трактор, 6 меңнән артык чәчкеч, 600 дән артык чәчү комплекслары һәм башка авыл хуҗалыгы техникасы файдаланышта була.
Бу хакта ТР Хөкүмәте Йортындагы республика киңәшмәсендә ТР Премьер-министры урынбасары - авыл хуҗалыгы һәм азык-төлек министры Марат Әхмәтов хәбәр итте.
Киңәшмәне видеоконференция режимында республиканың бөтен муниципаль районнары белән Татарстан Республикасы Президенты Рөстәм Миңнеханов уздырды.
Киңәшмәдә шулай ук ТР Премьер-министры Илдар Халиков катнашты.
Татарстан Республикасында 2016 ел программаларын гамәлгә ашыру кысаларында объектлар төзелеше башланды. Бу шул исәптән күп фатирлы йортларны, арендага бирелүче торак, участок вәкаләтле полиция хезмәткәрләренә торак, күп балалы гаиләләргә торак һәм башка категоридәге халыкка тораклар төзелеше.
Бу хакта бүген Татарстан Республикасы Хөкүмәте Йортында узган республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте.
Киңәшмәне видеоконференция режимында республиканың бөтен муниципаль районнары белән Татарстан Республикасы Президенты Рөстәм Миңнеханов уздырды.
Киңәшмәдә шулай ук ТР Премьер-министры Илдар Халиков катнашты.
2015 нче ел нәтиҗәләре буенча, Татарстанда алкоголь һәм составында спирт булган продукциянең легаль әйләнеше өлкәсендәге эшчәнлектә соңгы 5 елда берникадәр яхшырак динамика күзәтелә. Бүген Татарстан Премьер-министры Илдар Халиков Этил спирты, алкоголь продукция җитештерү, әйләнеше һәм сыйфаты һәм кулланучылар хокукларын яклау өстеннән дәүләт күзәтчелеген тәэмин итү буенча ТР дәүләт инспекциясенең киңәйтелгән коллегия утырышында шулай дип билгеләп узды.
ТР Премьер-министры Илдар Халиков бүген Алкоголь базарын көйләү буенча федераль хезмәт җитәкчесе урынбасары Вячеслав Диденко белән очрашты.
Әңгәмә барышында ике яктан да катнашучылар алкоголь базарындагы гомуми хәл, шулай ук ялган продукция таралуга каршы көрәш алымнары хакында фикер алыштылар.
Бүген Татарстан Республикасы Президенты Рөстәм Миңнеханов Давостагы Бөтендөнья икътисадый форум - 2016 кысаларында берничә чарада катнашты.
Искәртик,Давостагы Бөтендөнья икътисадый форум 20-23 гыйнвар көннәрендә үтә, төп тема - "4 нче сәнәгать революциясен үзләштерү". Моннан тыш, региональ иминлек, климат үзгәрүе, эре күпләп сату товарлары буенча вәзгыять һәм башка мәсьәләләр турында сүз бара.
Аерым алганда, бүген "Евразия һәм хәзерге заман ефәк юлы" сессиясе (Congress Centre, Aspen 2) үткәрелде. Анда катнашучылар Яңа ефәк юлы проектының гамәлгә ашырылу барышы, Евразиянең региональ үсеше перспективалары турында сөләштеләр.