ЯҢАЛЫКЛАР
Узган 2015 нче елда Җәзаларны үтәтү федераль хезмәтенең ТР буенча идарәсе тоткыннарның качып китүләренә һәм массакүләм тәртипсезлекләргә юл куймаган, шуның белән эшендәге төп бурычны үтәгән. Россия Федерациясенең барлык идарәләре дә 12 ел дәвамында моңа ирешеп килү белән мактана алмый. Иң мөһиме – 2016 нчы елда да бу күренешләргә юл куймау. Бу хакта бүген Татарстан Премьер-министры Илдар Халиков ведомствоның йомгаклау коллегиясе утырышында белдерде.
Татарстан Республикасы Премьер-министры Илдар Халиков бүген Ветеринар һәм фитосанитар күзәтчелек буенча федераль хезмәт җитәкчесе Сергей Данкверт белән очрашты.
Очрашу Татарстан Республикасы Хөкүмәте йортында узды, анда ТР Премьер-министры урынбасары - ТР авыл хуҗалыгы һәм азык-төлек министры Марат Әхмәтов, ТР буенча Баш федераль инспектор Ренат Тимерҗанов, Ветеринар һәм фитосанитар күзәтчелек буенча федераль хезмәтнең ТР буенча идарәсе җитәкчесе Нурислам Хәбипов катнашты.
Бүген Бөтендөнья икътисадый форумы 2016 чаралары кысаларында Давоста Татарстан Республикасы Президенты Рөстәм Миңнеханов «Дөнья тирәли ягулыксыз һәм куркусыз» (Congress Centre, Congress Hall) сессиясендә катнашты.
Искәртәбез, Рөстәм Миңнеханов Давоска (Швейцария) эш сәфәре кыла (19- 2016 елның 22 гыйнвары).
2015 ел нәтиҗәләре буенча Татарстан Юстиция министрлыгы эшчәнлек нәтиҗәләрен бәяләү индикаторы һәм еллык күрсәткечләргә ирешкән. Бу хакта бүген ТР Премьер-министры Илдар Халиков Юстиция министрлыгы коллегиясендә хәбәр итте.
Бүген ТР Премьер-министры Илдар Халиков V Азия уеннарына әзерлек буенча башкарма комитет рәисе Даянч Гулгельдиев җитәкчелегендәге Төркмәнстан делегациясе белән очрашты. Очрашу ТР Хөкүмәте йортында узды.
Татарстан Республикасы Президенты Рөстәм Миңнеханов Давоста (Швейцария) эш сәфәрендә. Визитының төп максаты - Бөтендөнья икътисадый форумы чараларында катнашу.
Искәртик, Бөтендөнья икътисадый форумы 2016 елда Швейцариядә 20-23 гыйнвар көннәрендә үтә. Форумның төп темасы - "4 нче сәнәгать революциясен үзләштерү". Форумда шулай ук региональ иминлек, климат үзгәрешләре, глобаль икътисадый үсешнең "яңа нормаль халәте", эре күпләп сату товарлары буенча вәзгыять һәм башка мәсьәләләр турында сүз барачак.
Татарстанда мәктәп укучылары һәм студентлар арасында тест уздыру юлы белән наркотик кулланучыларны иртәрәк ачыклау буенча эш системалаштырылган булырга тиеш, дип саный ТР Премьер-министры Илдар Халиков. Бу хакта ул бүген Наркотиклар әйләнешен контрольдә тоту буенча федераль хезмәтнең ТР буенча идарәсенең коллегия утырышында белдерде.
Бүген бу хакта Татарстан Республикасы Президенты Рөстәм Миңнеханов Татарстан Республикасы Прокуратурасының 2015 елдагы эшчәнлеге йомгакларына һәм агымдагы 2016 елда законлылыкны һәм хокук тәртибен ныгыту бурычларына багышланган коллегиясе утырышында хәбәр итте.
Коллегия эшендә Татарстан Прокуроры Илдус Нәфыйков, РФ Генераль прокуроры урынбасары Сергей Зайцев, Татарстан Республикасы буенча эчке эшләр министры Артем Хохорин, республика министрлыклары һәм ведомстволары һәм хокук саклау органнары, республика Прокуратурасы аппаратының структур бүлекчәләре вәкилләре катнашты.
2017-2018 елларда Татарстанда Соколка торак пункты тирәсендә Чулман аша яңа күпер төзү проекты тормышка ашырыла башлый. Бу хакта ТР Хөкүмәте йортында «ИнноКам» инновацион-производсто үзәге булдыруга багышланган брифингта ТР транспорт һәм юл хуҗалыгы министры Ленар Сафин белдерде.
ТР Президенты Рөстәм Миңнеханов катнашында Гайдар форумында «ИнноКам» инновацион-производсто үзәге булдыру стратегиясе турында фикер алыштылар, дип искәртте ТР Президенты ярдәмчесе Альберт Нәфигыйн. Моннан тыш, Мәскәүдә “Россия төбәкләрендә инновацион бизнес” рейтингы тәкъдим ителде.
Бүген Татарстан Республикасы Президенты Рөстәм Миңнеханов RISE Capital AB инвестицион төркеменең идарәче директоры Дмитрий Чикишев белән очрашты. Чара Татарстан Республикасы Хөкүмәте Йортында узды.
Инвестицион төркем җитәкчелеге транспорт инфраструктурасы объектларын булдыру проектларын гамәлгә ашыру өлешендә Татарстан Республикасы белән хезмәттәшлек итәргә теләвен белдерде.