ЯҢАЛЫКЛАР
Бүген Татарстан Президенты Рөстәм Миңнеханов Буа муниципаль районына эш сәфәрендә «Авангард» агрофирмасы объектларында булды. Бу районда иң эре һәм Татарстанда да иң зур авыл хуҗалыгы берләшмәләренең берсе, ул Татарстан Республикасының Буа районына караган өч хуҗалык базасында һәм Чувашия Цивильск районының өч хуҗалыгында оештырылган. 2011 елдан башлап агрофирма “Ак Барс” холдинг компаниясе составына керә.
Бүген Татарстан Республикасы Президенты Рөстәм Миңнеханов Татарстан мунициципаль районнарында мәктәпкәчә мәгариф учреждениеләре эшен тикшерү йомгаклары буенча республика Хисап палатасы тарафыннан ачылган хокук бозуларга бәйле рәвештә кайбер йөкләмәләр бирде.
Искәртәбез, тикшерү нәтиҗәләре 10 февраль көнне Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты утырышында игълан ителгән иде. 2012 елдан алып 2014 елның икенче яртеллыгына кадәр чорда берничә балалар бакчасында тикшерү уздырылган.
Бүген Татарстан Республикасының Кайбыч муниципаль районы үзәгендә – Олы Кайбыч авылында “Салават күпере” бассейнлы спорт-сәламәтләндерү комплексы ачылды. Ачылыш тантанасында Татарстан Президенты Рөстәм Миңнеханов, республика министрлыклары һәм ведомстволары җитәкчеләре катнашты.
Бүген Мәскәүгә эш сәфәре кысаларында Татарстан Республикасы Президенты Рөстәм Миңнеханов конкуренция һәм кече һәм урта эшкуарлыкны үстерү мәсьәләләре буенча Хөкүмәт комиссиясе утырышында катнашты. Утырышны Россия Федерациясе Хөкүмәте Рәисенең беренче урынбасары Игорь Шувалов уздырды.
РФ ГХМ, Татарстан предприятиеләре белән бергә, Россия МЧС башлыгы Владимир Пучков Татарстан Республикасы Президенты Рөстәм Миңнеханов белән очрашу йомгаклары буенча ведомствоның төзелә торган пилотсыз авиация үзәкләре өчен пилотсыз очкычлар җитештерергә планлаштыра, дип хәбәр итте бүген «Интерфакс» агентлыгына.
Владимир Пучков белдергәнчә, хәзерге вакытта РФ ГХМ Россия регионнарында пилотсыз авиация үзәкләре төзи, Казанда шуларның берсе ачылачак.
Бүген Мәскәүгә эшлекле сәфәре кысаларында Татарстан Республикасы Президенты Рөстәм Миңнеханов Төркия Республикасының эшлекле даирәләре вәкилләре белән очрашу үткәрде. Чарада Төркия Республикасының Россия Федерациясендәге Гадәттән тыш һәм Тулы вәкаләтле Илчесе Өмет Ярдым катнашты.
Малайзия Татарстанның традицион тышкы сәүдә партнерына әверелә. Бүген бу хакта Татарстан Республикасы Президенты Рөстәм Миңнеханов MATRADE дәүләт корпорациясе, Малайзия Үзәк Банкының IBFIM ислам финансларын үстерү бүлекчәсе һәм Unirazak университеты вәкилләре составындагы Малайзия делегациясе белән очрашуда хәбәр итте.
Очрашу Татарстан Республикасы Хөкүмәте Йортында узды.
Искәртәбез, Малайзия вәкилләренең Россиягә һәм шул исәптән Татарстанга визитларының төп максаты – ислам банк тәрәзәләрен ачу һәм ислам банк продуктларын эшләтеп җибәрү өчен хокукый һәм икътисадый мохитны өйрәнү, ислам банкингын һәм финансларын үстерү планын әзерләү.
Бөтен республика буенча сыйфатлы белем бирүне тәэмин итү – Татарстанда якындагы киләчәккә гомуми урта белемнең төп бурычы. Бүен бу хакта Татарстан Республикасы Президенты Рөстәм Миңнеханов «Татарстан Республикасында гомуми белем системасын камилләштерү турында» Татарстанның Иминлек советы утырышында хәбәр итте. Утырышта шулай ук Татарстан Республикасы Дәүләт Киңәшчесе Минтимер Шәймиев, ТР Дәүләт Советы Рәисе Фәрит Мөхәммәтшин, республика Иминлек советының даими әгъзалары, республика министрлыклары һәм ведомстволары җитәкчеләре, муниципаль берәмлекләр башлыклары, югары уку йортлары ректорлары, муниципаль берәмлекләрнең мәгариф бүлекләре башлыклары катнашты.