ЯҢАЛЫКЛАР

Бөтендөнья авиация һәм космонавтика көне бүген, 12нче апрельдә билгеләп үтелә. 1961 нче елның 12 нче апрелендә Советлар Союзы гражданины өлкән лейтенант Юрий Гагарин “Восток” космик кораблендә дөньяда беренче тапкыр Җир орбитасы буйлап әйләнде, галәмгә очулар чорын ачты.

Моңа бәйле рәвештә, Татарстан Республикасы Премьер-министры Илдар Халиков Татарстанлыларны котлады.

"Казан 2013 Башкарма дирекциясе" АНО белән “Panasonic Россия”, “Данон-Юнимилк” КТ, “Эколаб” ЯАҖ компанияләре арасында партнерлык шартнамәләренә имза салу тантанасы бүген Татарстан Республикасы Министрлар Кабинетында узды. Әлеге тантанада Татарстан Республикасы Президенты Р.Н. Миңнеханов, Казан мэры Илсур Метшин, "Казан 2013 Башкарма дирекциясе" АНО генераль директоры Владимир Леонов, “Panasonic Россия” генераль директоры Судзуки Сигэо, управляющий директор представительства “Данон-Юнимилк” компанияләр төркеме “Данон-Юнимилк-Волга” Россиядәге вәкиллегенең идарәче директоры Кустэ Стефан Станислас, “Эколаб” ЯАҖ вице-президенты һәм генераль директоры Вацлав Харант.

Бүген ТР Президенты Рөстәм Миңнеханов Алабугада Ford Sollers заводында Ford Explorer производствосын эшләтеп җибәрде. Шулай ук тантаналы чарада “Соллерс” компаниясе генераль директоры Вадим Швецов, CEO Ford Sollers президенты Тед Каннис, Ford Sollers беренче вице-президенты һәм башкарма директоры Адиль Ширинов, РФ сәнәгать һәм сәүдә министры урынбасары Алексей Рахманов һ.б. кунаклар катнашты.

Бүген Татарстан Президенты Рөстәм Миңнеханов Чаллыга эш визиты белән барды. Ул социаль һәм икътисадый өлкәдәге берничә объектны карады.  

Мәскәүдә, Россия Федерациясендә Татарстан Республикасының Вәкаләтле вәкиллегендә Татарстан Республикасы Президенты Р.Н.Миңнеханов “Текинт” компанияләре төркеме җитәкчесе Джанфеличе Рокка белән очрашты. Яклар хезмәттәшлекнең перспектив юнәлешләре буенча фикер алышты.

Бүген Татарстан Республикасы Президенты Рөстәм Миңнеханов Конкуренция һәм кече һәм урта эшкуарлыкны үстерү мәсьәләләре буенча РФ Хөкүмәт комиссиясе утырышында катнашты (Мәскәү).

Бүген Татарстан Президенты Рөстәм Миңнехановның Германия компаниясе Archimedes Exhibitions җитәкчелеге белән очрашуда Казанда политехник музей оештыру перспективалары турында сүз барды. Очрашуда шулай ук ТР Мәгариф һәм фән министры Энгель Фәттахов, ТР Мәдәният министры Айрат Сибагатуллин, ТР Мәгълүматлаштыру һәм элемтә министрының беренче урынбасары Юрий Багров катнаштылар.

“ICL КПО ВС” компаниясе сәнәгать электроникасы чыгару буенча яңа завод бүген Татарстан Лаеш районы Усады авылында үз эшен башлады. Җитештерүне кузгатып җибәрү тантанасында Татарстан Республикасы Президенты Р.Н. Миңнеханов катнашты.

Бүген Татарстан Республикасы Президенты Р.Н.Миңнеханов Комлы Кавал авылында "Дружба" яңа спорт-ял итү комплексын ачты. Шулай ук ул район предприятеләрендә һәм табиб амбулаториясендә булды.

Бүген Татарстан Республикасы Президенты Рөстәм Миңнеханов эш визиты белән Лаеш районына килде. Визит кысаларында ул берничә объектны карыячак, спорткомплекс һәм завод ачылу тантаналарында катнашачак.