ЯҢАЛЫКЛАР

Казанда 2015 елгы Спортның су төрләре буенча дөнья чемпионатында катнашучыларны йөртү өчен 136 маршрут билгеләнгән. Бу хакта бүген Казанда 2015 елгы Спортның су төрләре буенча дөнья чемпионаты вакытында транспорт белән тәэмин итү мәсьәләләренә багышланган брифингта “Спорт проектлары башкарма дирекциясе” коммерцияле булмаган автоном оешма генераль директоры урынбасары Азат Галиәхмәтов хәбәр итте. Брифинг ТР Хөкүмәте йортында республиканың барлык муниципаль районнары белән видеоконференцэлемтә режимында узды.

Бүген ТР Министрлар Кабинетында Татарстан Хөкүмәтенең юлларда хәрәкәт иминлеген тәэмин итү буенча комиссиясе утырышы уздырылды. Аны ТР Премьер-министры урынбасары – Министрлар Кабинеты Аппараты җитәкчесе Шамил Гафаров алып барды.

Утырышта, аерым алганда, Татарстанда агымдагы елның беренче яртыеллыгы нәтиҗәләре буенча транспорт һәлакәтләре торышы, аларны киметү буенча чаралар күрү, Казанда уздырылачак спортның су төрләре буенча Дөнья чемпионаты вакытында спортчыларны һәм клиентлар төркемнәрен йөртү өчен урам-юл челтәре әзерлеге һ.б. турында сүз барды.

Татарстан Республикасы Дәүләт Киңәшчесе Минтимер Шәймиев бүген Казан Кремлендә “Татар-информ” мәгълүмат агентлыгына 25 ел тулу уңаеннан аның генераль директоры Леонид Толчинский белән очрашты.

2015 елның беренче ярты еллыгында Татарстан Республикасы терлекчелегендә уңай динамика күзәтелә. Бу хакта бүген ТР Хөкүмәте йортында узган республика киңәшмәсендә ТР Премьер-министры урынбасары - ТР авыл хуҗалыгы һәм азык-төлек министры Марат Әхмәтов хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Премьер-министры Илдар Халиков уздырды.

Татарстан Республикасында күп фатирлы торак йортларга капремонт 42 муниципаль берәмлекнең барлык 999 объектында башланган. Ремонт эшләре 319 күп фатирлы йортта төгәлләнгән.
2015 елның 9 июленә торак фонд мониторингы мәгълүматлары буенча ремонт эшләре 3 млрд. 930 млн. 314 мең сумга башкарылган, бу 83,43% тәшкил итә.
Бу хакта бүген ТР Хөкүмәте йортында узган киңәшмәдә ТР төзелеш, архитектура һәм ТКХ министры Ирек Фәйзуллин хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Премьер-министры Илдар Халиков уздырды.

Бүген Татарстан Республикасы Хөкүмәте йортында ТР Премьер-министры Илдар Халиков рәислегендә “Татспиртпром” ААҖ Директорлар советының чираттагы утырышы узды.

Көн үзәгенә куелган төп мәсьәләләр - 2015 елның 3 кварталында “Татспиртпром” ААҖ финанс-хуҗалык эшчәнлегенең план күрсәткечләрен, шулай ук 2015 елга компаниянең ачыкланган бюджетын раслау, эшләп чыгарыла торган продукциянең ассортиментын яңарту буенча эш турында, “Казан” шәраб заводы”филиалының эшчәнлеген үстерү стратегиясе турында.

Татарстан Республикасы Премьер-министры Илдар Халиков бүген Казанда узачак 2015 елгы Спортның су төрләре буенча дөнья чемпионатында катнашучылар өчен туклану пунктларының әзерлеген тикшерде. Аны ТР Премьер-министр урынбасары- ТР Министрлар Кабинеты аппараты җитәкчесе Шамил Гафаров, ТР яшьләр эшләре һәм спорт министры Владимир Леонов, “Спорт проектлары башкарма дирекциясе” коммерцияле булмаган автоном оешма генераль директоры Азат Кадыров озата йөрде.