ЯҢАЛЫКЛАР
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов, Рус теле көненә багышланган тантаналар кысаларында, бөек рус шагыйре Александр Пушкин һәйкәленә чәчәкләр салды. Бәйрәм БМО тарафыннан 2010 нчы елда гамәлгә куелып, А. Пушкинның туган көнендә билгеләп үтелә.
Татарстан Республикасы Президенты вазыйфаларын вакытлыча башкаручы Рөстәм Миңнеханов барлык мунициципаль районнар белән видеоконференцэлемтә режимында республика киңәшмәсе уздырды. Чара Татарстан Республикасы Хөкүмәте Йортында узды. Анда шулай ук Татарстан Республикасы Премьер-министры Илдар Халиков та катнашты.
Төп нотык белән Татарстан Республикасы төзелеш, архитектура һәм ТКХ министры Ирек Фәйзуллин чыгыш ясады. Ул билгеләп үткәнчә, Татарстан Республикасы дәүләт төзелеш күзәтчелеге инспекциясе һәм Татарстан Республикасы дәүләт хезмәт инспекциясе тарафыннан 2015 ел башыннан алып 470 тикшерү уздырылган. Хезмәтне саклау кагыйдәләрен һәм нормаларын бозган өчен барлыгы 10 млн. 39 мең сумлык 311 карар чыгарылган.
Бәйрәм концерты Kazan-Arena стадионы алдындагы мәйданчыкта бара. Программада "Чиж и Ко", "БИ-2", "Серьга", "Чайф" төркемнәре чыгышы бар.
Татарстан Республикасы азык-төлек продуктларын төп җитештерүчеләр товарларын бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Россия Федерациясе Хөкүмәте Рәисе Дмитрий Медведевка I бөтенроссия азык-төлек иминлеге форумында тәкъдир итте.
Искәртәбез, форум 2015 елның 4-5 июнендә «ВертолЭкспо» конгресс-күргәзмә мәйданчыгында уза (Ростов-на-Дону, М.Нагибин ур., 30).
Дмитрий Медведев бүген I бөтенроссия азык-төлек иминлеге форумы кысаларында «Яңа икътисадый шартларда Россиянең азык-төлек иминлеге» пленар утырышында чыгыш ясады.
Бүген утырыш башланыр алдыннан Дмитрий Медведев рәсми затлар озатуында регионнар экспозицияләре белән танышты. Аерым алганда, ул Татарстан Республикасы стендын да карады, аның мәйданы 200 кв. метр диярлек.
Россия үзен-үзе азык-төлек белән тәэмин итә ала. Бүген бу хакта Россия Федерациясе Хөкүмәте Рәисе Дмитрий Медведев I бөтенроссия азык-төлек иминлеге форумы кысаларында «Яңа икътисадый шартларда Россиянең азык-төлек иминлеге» пленар утырышында хәбәр итте.
Дмитрий Медведев шулай ук билгеләп үткәнчә, бүген ипортны алмаштыру курсы нәтиҗәләре тулаем эшли.
Форумда катнашучылар арасында – Россия Федерациясе Хөкүмәте Рәисе урынбасары Аркадий Дворкович, Россия Федерациясе Президентының Көньяк федераль округындагы тулы вәкаләтле вәкиле Владимир Устинов, Россия Авыл хуҗалыгы министры Александр Ткачёв, регионнар башлыклары, аграр предприятиеләр һәм хуҗалыклар, тармак берлекләре һәм ассоциацияләре җитәкчеләре, фәнни бергәлек һәм профиль массакүләм мәгълүмат чаралары вәкилләре.
Татарстан Республикасыннан форумда Татарстан Республикасы Президенты вазыйфаларын вакытлыча башкаручы Рөстәм Миңнеханов катнашты.
Искәртәбез, форум 2015 елның 4-5 июнендә «ВертолЭкспо» конгресс-күргәзмә мәйданчыгында уза (Ростов-на-Дону, М.Нагибин ур., 30).
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Мәскәүдә Фикрәт Табиев белән хушлашу чарасында катнашты.
Фикрәт Табиев совет гаскәрләренең чикләнгән континенты Әфганстанда булган елларда бу илдә СССР илчесе булып эшләгән. Моңарчы ул КПСС обкомының беренче секретаре вазыйфасында 19 ел буена Татарстанга җитәкчелек иткән.
Тантанада чыгыш ясап, Илдар Халиков, ТР Экология һәм табигый байлыклар министрлыгы коллективын Татарстан Президенты вазыйфаларын вакытлыча башкаручы Рөстәм Миңнеханов исеменнән котлады һәм соңгы елларда ведомство тарафыннан берничә проект уңышлы гамәлгә ашырылды, дип өстәде. Ул Кабан күле һәм Казансу елгасын чистартуны уникаль проект, дип атады.
Бүген көннең икенче яртысында Татарстан Республикасы Президенты вазыйфаларын вакытлыча башкаручы Рөстәм Миңнеханов "Ямал - Идел буе" маршрутыннан нефть химиясе углеводород чималын илтү буенча магистраль продукция үткәргечен төзү мәсьәләсенә багышланган киңәшмәдә катнашты. Киңәшмә Мәскәүдә РФ Президентының Идел буе Федераль округындагы Вәкаләтле вәкиле Михаил Бабич җитәкчелегендә үтте.
Соңгы җиде елда Татарстан Республикасы авыл хуҗалыгы тармагына шәхси инвестицияләр 140 млрд. сумнан артык булды. Бу хакта Татарстан Республикасы Президенты вазыйфаларын вакытлыча башкаручы Рөстәм Миңнеханов бүген «Инвестицияләүгә өстенлекле мөмкинлекләр буларак, Россия азык-төлек иминлегенә янаган төп куркынычлар» сессиясендә белдерде. Сессия Ростов-на-Донуда I Бөтенроссия азык-төлек иминлеге форумы кысаларында узды. Панель сессиясендә Санкт-Петербург аграр университеты ректоры Виктор Ефимов, Илкүләм кукуруз һәм көнбагыш җитештерүчеләр ассоциациясе президенты Игорь Лобач, «Просто молоко» ИК генераль директоры Марат Моратов, «Черный хлеб» компаниясе генераль директоры Павел Абрамов катнаштылар.