Татарстан Республикасы Хөкүмәте

ЯҢАЛЫКЛАР

август, 2014 ел

сишәмбе

Татарстанга ЮНЕСКО генераль директоры Ирина Бокова эш визиты белән килде

Татарстан Республикасына эш визиты белән ЮНЕСКО генераль директоры Ирина Бокова килде. “Казан” халыкара аэропортында аны Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, ТР мәдәният министры Айрат Сибагатуллин каршы алдылар. Искәртик, Казанга килүнең төп максаты – Болгар комлексын ЮНЕСКО Бөтендөнья мирас исемлегенә кертүгә багышланган чараларда катнашу.

Татарстан газ өчен түләү җыемы буенча РФ төбәкләре арасында алдынгылар рәтендә

Газ өчен түләү җыемы буенча Татарстан Россия Федерациясе төбәкләре арасында алдынгылар рәтендә һәм “Газпром межрегионгаз” ҖЧҖ ширкәте белән исәп-хисаплар буенча, тотрыклы төстә, беренче урынны алып тора. Бу хакта бүген ТР Министрлар Кабинетында узган брифингта ТР төзелеш, архитектура һәм торак-коммуналь хуҗалык министры Ирек Фәйзуллин белдерде. Брифинг ТР Хөкүмәте йортында, республиканың барлык муниципаль районнары белән видеоконференцэлемтә режимында узды.

Татарстан ягу сезонына 80 процентка әзер

Агымдагы елның 15 августына булган мәгълүматлардан күренгәнчә, Татарстанның муниципаль районнарында 16 мең 446 күп фатирлы торак йортның 11 мең 883е буенча, ягъни якынча 80 процентында 2014/2015 елгы ягу сезонына әзерлек паспорты рәсмиләштерелгән.
Барлыгы республикада 7 мең 382 социаль-мәдәният объектлары санала. Шуларның 2381 сәламәтлек саклау учреждениесенең 2047сендә, 1961 мәдәният объектының 1786сында, 3590 мәгариф оешмасының 3231ендә, 143 социаль яклау учреждениесенең 111ендә көзге-кышкы чорга әзерлек тәмамланган.
Бу хакта бүген ТР Министрлар Кабинетында видеоконференция режимында узган брифингта ТР төзелеш, архитектура һәм торак-коммуналь хуҗалык министры Ирек Фәйзуллин хәбәр итте.

Илдар Халиков “Рубин” һәм “Локомотив” арасындагы футбол матчын уздыру нәтиҗәләре һәм “Казан Арена” стадионында булачак матчларга әзерләнү буенча киңәшмә уздырды

Татарстан Республикасы Премьер-министры Илдар Халиков бүген “Рубин” һәм “Локомотив” арасындагы футбол матчын уздыру нәтиҗәләре һәм “Казан Арена” стадионында булачак матчларга әзерләнү буенча киңәшмә уздырды.
Бу чара Татарстан Республикасы Хөкүмәте йортында узды.

август, 2014 ел

дүшәмбе

Илдар Халиков: “Кайбыч районы – күп күрсәткечләр буенча алдынгыларның берсе”

Татарстанның Кайбыч районы республикада күп күрсәткечләр буенча алдынгыларның берсе санала. Бу хакта бүген ТР Премьер-министры Илдар Халиков райондагы эшлекле очрашуы барышында хәбәр итте.

Илдар Халиков:”Буа кебек районнар булганда, Татарстан Россия авыл хуҗалыгы лидерлары рәтендә кала”

Бүген ТР Премьер-министры Илдар Халиков Буа районына эш сәфәре кысаларында район активы белән очрашты. Район Мәдәният йортында узган очрашуда ТР Дәүләт Советының Закон һәм хокук тәртибе комитеты рәисе Шакир Яһүдин, ТР Министрлар Кабинеты Аппаратының Хокук идарәсе җитәкчесе Рәшит Гафиятуллин һ.б. катнашты.

Татарстанның Буа районында капиталь ремонт һәм реконструкциядән соң мәктәп һәм балалар бакчасы ачылды

Бүген Татарстанның Буа районында капиталь ремонт һәм реконструкциядән соң мәктәп һәм балалар бакчасы ачылды. Ачылыш тантанасында ТР Премьер-министры Илдар Халиков һәм район башлыгы Азат Айзетуллов катнашты.

Көнкүреш коррупциясенә каршы көрәштә Татарстан Президенты “Халык контроле” системасын һәм социаль челтәрләрне активрак кулланырга өндәде

Татарстан Республикасында соңгы ике ел ярымда 200 дән артык көнкүреш коррупциясе очрагы кисәтелде. Шулар арасында сәламәтлек саклау, мәгариф, социаль өлкәдәге күренешләр – фиктив медицина белешмәләре, законсыз социаль түләүләр алуны оештыру (эшсезлек буенча субсидияләр), армиядә хезмәт итүдән законсыз азат ителү, вузларга укырга керү вакытындагы күренешләр һәм мәктәпкәчә учреждениеләрдә иганәчләр ярдәме яисә ирекле ярдәм итү сылтавы белән акча таләп итү. Болар һәм тагын башка күп кенә көнкүреш коррупциясе факторлары турында бүген Татарстан Республикасы Президенты каршындагы Коррупциягә каршы совет утырышында сөйләштеләр. Чара Казан Кремлендә бөтен муниципаль районнар белән видеоконференцэлемтә режимында узды. Утырышны Татарстан Республикасы Президенты Рөстәм Миңнеханов уздырыды. Чарада шулай ук ТР Дәүләт Киңәшчесе Минтимер Шәймиев, ТР Премьер-министры Илдар Халиков, ТР Дәүләт Советы Рәисе Фәрид Мөхәммәтшин катнаштылар.

август, 2014 ел

якшәмбе

«Казан-Арена» стадионында беренче матч узды

«Казан-Арена» стадионында дөнья чемпионаты буенча беренче матч узды. Бүген Казанда яңа стадионда «Рубин» Россия футбол Премьер-лигасы чемпионатының дүртенче туры матчында Мәскәү «Локомотив»ын кабул итте. Матчка мөхтәрәм кунаклар Татарстан Республикасы Президенты Рөстәм Миңнеханов һәм Россия Федерациясе спорт министры Виталий Мутко, Татарстан Республикасы Премьер-министры Илдар Халиков, Россия футбол берлеге башлыгы Николай Толстых, Казан мэры Илсур Метшин килгәннәр иде.

август, 2014 ел

шимбә

Әсгать Сәфәров “Чечен Республикасы алдындагы казанышлары өчен” медале белән бүләкләнде

“Чечен Республикасы алдындагы казанышлары өчен” медале бүген Татарстан Республикасы Президенты Аппараты җитәкчесе Әсгать Сәфәровка тапшырылды. Бүләкләү тантанасы Казан Кремлендә узды.

Бүләкне Чечен Республикасы башлыгы Рамзан Кадыров кушуы буенча Чечен Республикасы буенча эчке эшләр министры Руслан Алханов тапшырды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ