ЯҢАЛЫКЛАР
Бүген Татарстан Республикасы Президенты Рөстәм Миңнехановның Циндаода партия комитетының беренче секретаре – Шаньдун провинциясендә партия комитеты әгъзасы Ли Цюнь белән очрашуында Татарстан һәм Кытай төбәге Шаньдун арасында уңышлы хезмәттәшлек перспективалары турында сүз барды. Очрашуда шулай ук халыкара мәсьәләләр буенча ТР Президенты ярдәмчесе Радик Гыйматдинов, республиканың Инвестицион үсеш агентлыгы җитәкчесе Линар Якупов, “Ак Барс Банк” ААҖ идарәсе рәисенең беренче урынбасары Зөфәр Гәрәев, “Алабуга” МИЗ генераль директоры Тимур Шаһивәлиев катнаштылар.
Чарада “WorldSkills International” хәрәкәте президенты Саймон Бартли, ТР Премьер-министры Илдар Халиков, РФнән “WorldSkills International” техник делегаты Павел Черных катнашты.
Д. Мостафин сүзләренчә, быел БДИ биремнәрендә һәм уздыру системасында сизелерлек үзгәреш көтелми, әмма контроль нык булачак.
Бүген Кытай халык республикасына визиты барышында Татарстан Республикасы Президенты Рөстәм Миңнеханов Шанхайдагы Чжанцзян югары технологияләр зонасында булды.
Бүген Татарстан Республикасы Президенты Рөстәм Миңнеханов Кытай халык республикасына визиты кысаларында Шанхайда Россия делегациясе составында Россияһәм Кытай башлыклары – РФ Президенты Владимир Путин һәм КХР Рәисе Си Цзиньпин – сөйләшүләрендә катнашты.
Бүген Татарстан Республикасы Президенты Рөстәм Миңнеханов Шанхай шәһәрендә Кытайның Хунань провинциясе Халык Хөкүмәте губернаторы Ду Цзяхао белән очрашты. Очрашуда шулай ук Татарстан Республикасы Президентының тышкы икътисадый эшчәнлек буенча ярдәмчесе Радик Гыйматдинов, «Ак Барс Банк» ААҖ идарәсе рәисе урынбасары Зөфәр Гәрәев, «Алабуга» МИЗ генераль директоры Тимур Шаһивәлиев, Хунань провинциясе Халык хөкүмәте генераль секретаре Дай Даоцинь катнашты.
Татарстан Республикасы Президенты Рөстәм Миңнеханов Россия Федерациясе Президенты Владимир Путин җитәкчелегендәге Россия рәсми делегациясе составында Кытай Халык Республикасына эш визиты белән килде.
Бүген Татарстан Республикасы Президенты Рөстәм Миңнеханов “Динамо-Казан” хатын-кызлар волейбол командасын 2014 елгы Клублар арасында дөнья чемпионатында һәм Россия чемпионатында җиңүләре белән котлады. Бүген Казан Кремлендә “Динамо-Казан” волейболчылары җиңүе уңаеннан тантаналы кабул итү чарасы узды. Искәртеп узабыз, кичә, 16 май көнне, “Динамо-Казан” хатын-кызлар волейбол командасы яулаган трофейлары белән Казанга кайтты.
Татарстан Республикасында чәчү кампаниясе 90 процентка төгәлләнгән. Бу хакта бүген ТР Хөкүмәт Йортында узган республикакүләм киңәшмәдә ТР Премьер-министры урынбасары – авыл хуҗалыгы һәм азык-төлек министры Марат Әхмәтов белдерде. Киңәшмәне муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов үткәрде. Киңәшмәдә ТР Премьер-министры Илдар Халиков та катнашты.
Татарстан Республикасында 40 муниципаль берәмлектә 793 күп фатирлы торак йортның 756 сында капиталь ремонт эшләре башланган. Соңгы ике атнада 69 йорт ремонтланган. Бу хакта бүген ТР Хөкүмәт Йортында узган республикакүләм киңәшмәдә ТР төзелеш, архитектура һәм торак-коммуналь хуҗалык министрының беренче урынбасары Фәрит Хәнифов белдерде. Киңәшмәне муниципаль районнар белән видеоконференцэлемтә режимында Татарстан Президенты Рөстәм Миңнеханов үткәрде. Киңәшмәдә ТР Премьер-министры Илдар Халиков та катнашты.