ЯҢАЛЫКЛАР
Бүген Корея Халык-Демократик Республикасына эш сәфәре кысаларында Татарстан Республикасы Президенты Рөстәм Миңнеханов ике эре предприятиедә булды, болар – керамик материаллар һәм техник майлар җитештерү заводлары. Татарстан Республикасы Президентын Россия Федарациясенең КХДРдагы Гадәттән тыш һәм Тулы вәкаләтле илчесе Александр Тимонин озата йөрде.
Бүген Татарстан делегациясенең Пхеньянга эш сәфәре кысаларында Татарстан Республикасы Президенты Рөстәм Миңнеханов Татарстан белән Корея Халык-Демократик Республикасы арасында хезмәттәшлек перспективалары буенча фикер алышу өчен КХДР тышкы сәүдә министры Ли Рён Нам белән очрашты.
Бүген Татарстан Республикасы Президенты Рөстәм Миңнеханов эш сәфәре белән Корея Халык-Демократик Республикасына килде. Пхеньян аэропортында аны Россиянең КХДРдагы Гадәттән тыш һәм Тулы вәкаләтле илчесе Александр Тимонин каршы алды. Татарстан делегациясе составына шулай ук Татарстан Республикасы сәнәгать һәм сәүдә министры урынбасары Руслан Кәбиров, Татарстан Республикасы авыл хуҗалыгы һәм азык-төлек министры урынбасары Николай Титов, Татарстан Республикасы Сәүдә-сәнәгать палатасы башлыгы Шамиль Агиев, «Татнефтехиминвест-холдинг» ААҖ генераль директоры Рафинат Яруллин, «ТАИФ» ААҖ Директорлар советы рәисе Рөстәм Сультиев, Казан (Идел буе) федераль университеты проректоры Марат Сафиуллин кергән.
Бүген Татарстан Президенты Рөстәм Миңнеханов Японниядә яшәүче ватандашлар белән очрашты. Очрашу 1938 елда татарлар нигез салган Токио мәчетендә узды.
Бүген Татарстан Республикасы Президенты Рөстәм Миңнеханов белән Япония Премьер-министрының махсус киңәшчесе, Япония Министрлар Кабинеты Канцеляриясе каршындагы Россия – Япония хезмәттәшлеген җайга салу мәсьәләләре буенча хосусый-дәүләт җаваплы секретаре Эйити Хасэгава әфәнде арасында эшче очрашу уздырылды.
Татарстан Республикасы Президенты Р.Н. Миңнеханов җитәкчелегендәге Татарстан Республикасы делегациясе Япония шәһәр территорияләрен реконструкцияләү һәм үстерү тәҗрибәсе белән танышты.
Бүген Токио шәһәрендә Татарстан Президентының «Митсубиси Хэви Индастриз» һәм «Соджиц» компанияләренең җитәкчелеге белән очрашуы узды.
«Panasonic» компаниясен һәм Татарстан Республикасын күптәнге продуктив багланышлар бәйли. Моны бүген «Panasonic» корпорациясе идарәче директоры Йошику Мията һәм Татарстан Республикасы Президенты Рөстәм Миңнеханов компаниянең күргәзмә үзәгендә булганда расладылар.
Бүген Татарстан Президенты Рөстәм Миңнеханов «Мицуи» компаниясе белән эшлекле аш уздырды. «Мицуи» компаниясе җитәкчелеген сәламләп, Рөстәм Миңнеханов компания белән Татарстанны бәйләүче күпьеллык уңышлы хезмәттәшлек өчен рәхмәт белдерде.