ЯҢАЛЫКЛАР
Бүген Чаллыда “КАМАЗ” һәм “ZF-Кама” немец концерны уртак предприятиесенең яңа җитештерү корпусы ачылды. Ачу тантанасында Татарстан Республикасы Президенты Рөстәм Миңнеханов, «Ростех» дәүләт корпорациясе генераль директоры Сергей Чемезов, ZF Friedrichshafen AG концерны башлыгы, доктор Штефан Зоммер, «КАМАЗ» генераль директоры Сергей Когогин, Чаллы шәһәре мэры Васил Шәйхразиев катнашты.
Бүген ТР Транспорт һәм юл хуҗалыгы министрлыгында үткән түгәрәк өстәлдә Татарстан Республикасы территориясендә асфальт-бетон катышмасына полимер-битум ябыштыручы өстәлмәләр җитештерү перспективалары турында фикер алыштылар. Түгәрәк өстәл утырышын Татарстан республикасы Президенты Рөстәм Миңнеханов җитәкләде. Шулай ук утырышта ТР транспорт һәм юл хуҗалыгы министры Ленар Сафин, "Татнефть" ААҖ генераль директоры Наил Маганов, "Түбән Кама нефть химиясе" ААҖ Директорлар советы рәисе Владимир Бусыгин, "Татнефтехиминвест-холдинг" ААҖ генераль директоры Рафинат Яруллин һәм башка нефть химиясе һәм юл төзелеше өлкәсендәге белгечләр катнашты. и другие специалисты в области нефтехимии и дорожного строительства.
Бүген ТР Хөкүмәт Йортында 2013нче ел нәтиҗәләре буенча Татарстан прокуратурасы коллегиясенең утырышы булды. Аның эшендә Татарстан Президенты Рөстәм Миңнеханов, ТР Дәүләт Советы Рәисе Фәрид Мөхәммәтшин һәм РФ генераль прокуроры киңәшчесе Александр Гаврилов катнаштылар.
Татарстан Республикасы буенча ЭЭМнең бөтен куәте башка хокук саклау органнары һәм структуралары, дәүләт хакимияте органнары белән берләшкән команда буларак эшли белү сәләтеннән гыйбарәт. Бүген Татарстан Республикасы Президенты Р.Н. Миңнеханов Татарстан Республикасы буенча Эчке эшләр министрлыгының йомгаклау коллегиясендә шундый фикер әйтте. Коллегия эшендә шулай ук Россия Федерациясе эчке эшләр министры урынбасары – Россия ЭЭМның Тикшерү департаменты башлыгы Юрий Алексеев, Татарстан Республикасы Дәүләт Советы Рәисе Фәрит Мөхәммәтшин һәм башкалар катнашты.
Татарстан Республикасы Президенты Рөстәм Миңнеханов «КАМАЗ-мастер» командасын, шулай ук «КАМАЗ» ААҖ җитәкчелеген «Дакар-2014» раллидагы җиңүе белән котлады.
Бүген Татарстан Республикасы Президенты исеменнән «КАМАЗ» ААҖ генераль директоры Сергей Когогин, «КАМАЗ-мастер» командасы җитәкчесе Владимир Чагин һәм команда әгъзалары адресына Хөкүмәт телеграммасы җибәрелде.
Исегезгә төшерәбез, «КАМАЗ-мастер» командасы 2014 елның 18 гыйнварында «Дакар» раллиында уникенче мәртәбә җиңү яулады.
Бүген ТР Министрлар Кабинеты каршындагы Баш архив идарәсе коллегиясенең киңәйтелгән утырышында идарә җитәкчесе Данил Ибраһимов әнә шулай дип белдерде. Чарада ТР Премьер-министры Илдар Халиков та катнашты.
Бүген Татарстан Республикасы Урман хуҗалыгы министрлыгының йомгак коллегиясе утырышында Татарстан Республикасы Президенты Рөстәм Миңнеханов Татарстанда әзерләнә торган агач материалы күләмнәрен арттырыга ярдәм итәрлек агач эшкәртү производстволары булдыруга аерым игътибар бирергә кушты. Коллегия эшендә шулай ук Идел буе федераль округы буенча Урман хуҗалыгы департаменты җитәкчесе Александр Орнатский, Татарстан Республикасы Хөкүмәте әгъзалары, Татарстанның урманчылык тармагы хезмәткәрләре катнашты.
Россиянең икътисадый яктан алдынгы регионнары буларак, Татарстанның алга таба үсешендә проблемалары турында бүген Гайдар форумы кысаларында “Татарстан: киләчәкне төзеп” панель дискуссиясендә катнашучылар фикер алыштылар. Әңгәмәдә Татарстан Президенты Рөстәм Миңнеханов, республиканың эре предприятиеләре җитәкчеләре, шулай ук Россия һәм чит ил экспертлары – Россиядә Халыкара валюта фонды вәкиллеге башлыгы Бикас Джоши, Ernst&Young идарә партнеры Александр Ивлев, Гарвард университеты профессоры Тимоти Колтон, AbbVie EEME&A Operations вице-президенты Альберто Кольци, Леонтьев үзәге директоры урынбасары Борис Жихаревич, "Тройка-Диалог" инвестицион компаниясенең элеккеге башлыгы Рубен Варданян катнаштылар. РФ Президенты каршындагы Россия халык хуҗалыгы һәм дәүләт хезмәте академиясенең ректоры Владимир Мау әңгәмәнең модераторы булды.