ЯҢАЛЫКЛАР


25
декабрь, 2013 ел
чәршәмбе

Бүген Татарстан Президенты Рөстәм Миңнеханов РФ Президентының Татарстан Республикасындагы кабул итү бүлмәсендә (Казан, Кремль ур, 12) гражданнарны кабул итте. Чара   гариза бирүчеләр яши торган районнар белән видеоконференцэлемтә режимында узды. Гомумән, бүген гражданнарның бөтен мөрәҗәгатьләре мәктәпкәчә мәгариф уреждениеләре турында булды. 

Бүген Татарстан Республикасы Президенты Рөстәм Миңнеханов, Татарстан Республикасы Муниципаль берәмлекләре советының VIII съездында чыгыш ясап, Татарстан алдында торган күп кенә бурычларны хәл итүдә җирле үзидарәнең зур ролен билгеләп үтте. Съезд эшендә шулай ук Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, республика Премьер-министры Илдар Халиков, Россия Федерациясе Дәүләт Думасы депутатлары һәм Федерация Советы әгъзалары, республиканың 956 барлык муниципаль берәмлекләреннән делегатлар катнашты.


24
декабрь, 2013 ел
сишәмбе

Бүген Татарстан Республикасында "Ел җитәкчесе" республика иҗтимагый конкурсына нәтиҗәләр ясалды. Тантаналы чара "Корстон" КСККнда үткәрелде, анда Татарстан Республикасы Президенты Рөстәм Миңнеханов катнашты. Әлеге конкурс ТР Президентының 2002 елның 26 февралендәге №УП-121 Указы нигезендә уздырыла башлаган. ТР Премьер-министры Илдар Халиков рәислегендәге комиссия конкурска җитәкчелек итә. 


Бүген Татарстан Хөкүмәте йортында ТР Премьер-министры Илдар Халиков 2012-2013 елларда Муса Җәлил исемендәге республика премиясенә лаек булучыларны тәбрикләде. ТР Министрлар Кабинетының Муса Җәлил исемендәге республика премиясен бирү турында карары агымдагы елның июль аенда чыкты. Анда Муса Җәлил исемендәге республика премиясен бирү буенча комитет карары нигезендә, 2012-2013 елларда узган бәйге нәтиҗәләре буенча премиянең кайсы затларга бирелүе хакында хәбәр ителде.
Быел республикада табигатьне саклау буенча законның үтәлешен күз алдында тоткан 6800 тикшерү уздырылган. Чара кысаларында 2600 оешма һәм предприятие тикшерелгән. Тикшерүләр барышында 6 меңгә якын закон бозу очрагы ачыкланган. Әлеге очраклар буенча, 26 млн. күләмендә штраф салынган, судка 130 шикаять җибәрелгән. Бүген ТР Министрлар кабинетында узган брифинг вакытында ТР Экология һәм табигать ресурслары министры Артем Сидоров шундый мәгълүматлар китерде.

Бүген Казанда "КАИ-Лазер"сәнәгать лазер технологияләренең региональ инжиниринг үзәге ачылды. Тантанада Татарстан Республикасы Президенты Рөстәм Миңнеханов катнашты.

Татарстан Республикасы Президенты, “Татнефть” ААҖ Директорлар советы рәисе Рөстәм Миңнеханов компания Директорлар советының чираттагы утырышын уздырды.

Утырыш Татарстан Республикасы Хөкүмәте Йортында узды (Казан, Ирек мәйданы,1).

Директорлар советы 2013 елның 11 ае эчендә “Татнефть” ААҖ бюджетын үтәү йомгакларын карады һәм 2014 елның гыйнварына һәм 1 кварталына бюджет раслады.


23
декабрь, 2013 ел
дүшәмбе
Бүген Казанда Татарстанның 2013 елдагы төзелеш өлкәсе эшләренә йомгак ясалды. ТР Төзелеш, архитектура һәм торак коммуналь хуҗалыгы(ТКХ) министрлыгы киңәшмәсендә ТР Премьер-министры Илдар Халиков катнашты.

РФ Дәүләт Советы һәм РФ Президенты каршындагы РФ социаль-икътисадый үсешнең максатчан күрсәткечләренең казанышларын мониторинглау комиссиясенең уртак утырышын бүген Россия Президенты Владимир Путин уздырды. Утырыш Кремльдә узды (Мәскәү).


Бүген Татарстан Республикасы Президенты Рөстәм Миңнеханов кайбер федераль ведомстволарның аеруча зур эшләр башкарган хезмәткәрләренә 2013 елгы җәйге универсиаданы оештыруга һәм уздыруга зур өлеш керткәннәре өчен Татарстан Республикасы дәүләт бүләкләрен тапшырды.

Казан шәһәрендәге 2013 елгы XXVII Бөтендөнья җәйге универсиадасын уздыру йомгаклары буенча бүләкләр тапшыру тантанасы Мәскәү шәһрендә, Татарстан Республикасының Россия Федерациясендәге Тулы вәкаләтле вәкиллеге бинасында узды.

Татарстан Республикасы дәүләт бүләкләре – “Фидакарь хезмәт өчен” медальләре һәм Татарстан Республикасы Президенты Рәхмәт хатлары 13 кешегә тапшырылды.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International