ЯҢАЛЫКЛАР

Российсия Федерациясе һәм Франция арасындагы яхшы мөнәсәбәтләр региональ дәрәҗәдә хезмәттәшлекне дәвам итәргә ярдәм итә, бизнес үсешенә шартлар тудыра. Татарстан Республикасы Президенты Рөстәм Миңнеханов Франциянең Россия Федерациясендәге Гадәттән тыш һәм Вәкаләтле Илчесе Жаном де Глиниасти белән очрашуда шуның турында игълан итте. Очрашу Татарстан Республикасы Хөкүмәт Йортында узды, очрашуда Франция бизнесы вәкилләре делегациясе катнашты. Кунакларны сәләмләү сүзендә Рөстәм Миңнеханов Жан де Глиниастига Россиянең регионы буларак Татарстан Республикасына һәм үзара мөнәсәбәтләрне үстерүгә гадәттәгечә күрсәткән игътибары өчен рәхмәт белдерде. Безнең бердәм эшебез аркасында без күп проектларны гамәлгә ашыруга ирешәбез, дип әйтте Татарстан Президенты.

Бүген кич Татарстан Республикасы башкаласы Казанга Ингушетия Республикасы башлыгы Юныс-Бәк Евкуров эш визиты белән килде. «Казан» халыкара аэропортында Юныс-Бәк Евкуров җитәкчелегендәге Ингушетия Республикасы делегациясен Татарстан Республикасы Президенты Рөстәм Миңнеханов, ТР Транспорт һәм юл хуҗалыгы министры Линар Сафин һәм башка рәсми затлар каршы алды.

Татарстан Республикасында авыл хуҗалыгы җитештерүчеләренә дәүләт ярдәме чаралары хакында бүген ТР Хөкүмәт Йортындагы киңәшмәдә ТР Премьер-министры урынбасары - авыл хуҗалыгы һәм азык-төлек министры Марат Әхмәтов сөйләде.

Киңәшмәне ТР ның барлык муниципаль районнары белән видеоконференция режимында ТР Президенты вазыйфаларын башкаручы – ТР Премьер-министры Илдар Халиков уздырды.

Татарстан Республикасында 2013елның 30 мартына бирелгән мәгълүматлар буенча җир кишәрлеге алуга 20545 күп балалы гаиләдән гариза алынган. Шул исәптән март аенда 696 гариза бирелгән. Бу хакта бүген ТР Хөкүмәт Йортында узган киңәшмәдә ТР җир һәм мөлкәти мөнәсәбәтләр министры Азат Хамаев хәбәр итте. Киңәшмәне ТР ның барлык муниципаль районнары белән видеоконференцэлемтә режимында ТР Президенты вазыйфаларын башкаручы – ТР Премьер-министры Илдар Халиков уздырды.

Татарстан Республикасында күп фатирлы торак йортларны капиталь ремонтлау программасына 4,709 млрд.сумга 823 йорт кергән. Бу хакта видеоконференция режимында узган республика киңәшмәсендә ТР төзелеш, архитектура һәм торак коммуналь хуҗалыгы министры Ирек Фәйзуллин хәбәр итте.
Киңәшмә ТР Хөкүмәт Йортында узды, аны ТР Президенты вазыйфаларын башкаручы – ТР Премьер-министры Илдар Халиков алып барды.
Ирек Фәйзуллин әйтүенчә, бүгенге көнгә 473 күп фатирлы торак йортта капиталь ремонт буенча эшләр башланган инде.

Татарстанда халыкның табигый артуы - республикада дәүләт программаларының уңышлы булуын раслаучы социаль-икътисадый үсеш нәтиҗәсе ул. Бу фикерне ТР Президенты вазыйфаларын башкаручы – Татарстан Премьер-министры Илдар Халиков Россия Президентының Идел буе федераль округындагы тулы вәкаләтле вәкиле каршындагы Совет утырышында җиткерде.Утырыш Ижевскида РФ Президентының Идел буе федераль округындагы тулы вәкаләтле вәкиле Михаил Бабич рәислегендә узды.

Демографик сәясәтне гамәлгә ашыру мәсьәләләре хакында бүген Ижевскида узган Россия Президентының Идел буе округындагы вәкаләтле вәкиле каршындагы Совет утырышында фикер алыштылар. Утырышны РФ Президентының Идел буе округындагы вәкаләтле вәкиле Михаил Бабич алып барды, анда Татарстан Президенты вазыйфаларын башкаручы – ТР Премьер-министры Илдар Халиков катнашты.

Бүген ТР Дәүләт Советы Рәисе Фәрит Мөхәммәтшин Казан Кремлендә иллеләп кешегә Россия Федерациясе һәм Татарстан Республикасы дәүләт бүләкләрен тапшырды. Алар арасында машинист, үзбушаткыч һәм бульдозер йөртүчеләрдән алып табиблар, мәдәният эшлекләре, федераль хезмәтләрнең республикадагы идарәләре белгечләре, сәнәгать предприятиеләре хезмәткәрләре, төзүчеләр, халыкка хезмәт күрсәтү оешмалары, югары мәктәп вәкилләре, фән эшлеклеләре, архитекторлар, геологлар, икътисадчылар һәм юристлар бар иде.

Бүген Татарстан Республикасы Премьер-министры Илдар Халиков “Татарстан Республикасының Инвестиция-венчур фонды” Попечительләр советы утырышын уздырды.
Утырыш ТР Министрлар кабинетында булды.
ТР ИВФ Попечительләр советы әгъзалары аерым алганда, “Республика конкурсы турында кагыйдәләр “Татарстан Республикасы өчен илле иң яхшы инновацион идеяләр “ проектын карадылар. Бу мәсьәлә буенча ТР Фәннәр Академиясе президенты Әхмәт Мазһаров чыгыш ясады.

Бүген, 2013 елның 27 мартында, “Комсомольская правда” газетасында "Минтимер Шәймиев: "Әгәр хакимияткә килсәң, "рәхмәт" әйтүләрен көтмә!" исемле ТР Дәүләт Киңәшчесе катнашында әңгәмә басылды, ул республиканың ММЧда зур резонанс барлыкка китерде.