ЯҢАЛЫКЛАР


28
декабрь, 2011 ел
чәршәмбе
Бүген Татарстан Президенты Рөстәм Миңнеханов Казанда кулланыла торган кар чистарту техникасы һәм урамнарны җыештыру технологиясе күргәзмәсендә булды. Республика башлыгы белән бергә яңа машиналар, реагентлар һәм башка экспонатларны “КАМАЗ” ААҖ генераль директоры Сергей Когогин, Казан мэры Илсур Метшин да карады.
Бүген “Корстон”да “Ел җитәкчесе” республика бәйгесенең быелгы лауреатларын хөрмәтләделәр. Тантана ТР Президенты Рөстәм Миңнеханов, ТР Дәүләт Киңәшчесе Минтимер Шәймиев, Дәүләт Советы рәисе Фәрит Мөхәммәтшин, Премьер-министр Илдар Халиков катнашында узды.
16 нчы ноябрь көнне Татарстан Президенты Рөстәм Миңнеханов катнашында ТР муниципаль берәмлекләренең VI корылтае узган иде. Бүген Татарстан Министрлар Кабинеты утырышының көн үзәгенә, корылтай нәтиҗәләре буенча башкарма хакимият һәм җирле үзидарә органнарының уртак чаралары планы турындагы мәсьәлә чыгарылды. Утырышны ТР Премьер-министры Илдар Халиков алып барды.
Бүген Әлмәттә Татарстан Президенты Рөстәм Миңнеханов рәислегендә “Татнефть” ААҖ Директорлар советының чираттагы утырышы узды.

27
декабрь, 2011 ел
сишәмбе
Татарстан Республикасы Премьер-министры Илдар Халиков республика эшкуарларын якынлашып килүче 2012 ел белән котлады. Кече һәм урта эшкуарлык вәкилләре белән очрашу ТР Сәүдә-сәнәгать палатасында узды.
ТР Дәүләт Киңәшчесе Минтимер Шәймиев 2012 елның 1-9 июль көннәрендә Казанда узачак “Яшьләр һәм мирас” Халыкара яшьләр форумын Татарстанның мәдәни тормышындагы бик мөһим вакыйга дип атады.
ТР Президенты Рөстәм Миңнеханов рәислегендәге Татарстанның антинаркотик комиссиясенең, РФ наркотиклар әйләнешен контрольда тоту буенча федераль хезмәтенең ТР буенча идарәсе быелгы эшчәнлекләре,тулаем, Россия Федерациясе дәрәҗәсендә дә уңай тәҗрибә буларак бәяләнә.
Бүген Татарстан Республикасы Президенты Рөстәм Миңнеханов, РФ Хисап палатасы рәисе Сергей Степашин һәм РФ икътисади үсеш министры урынбасары Олег Савельев Алабуга” махсус икътисади зонасында булды.
Киләчәктә Күчемсез милеккә һәм алар белән бәйле операцияләргә хокукларның бердәм дәүләт реестрыннан гражданнарга һәм юридик затларга мәгълүмат Дәүләт теркәве, кадастр һәм картография буенча федераль хезмәтнең ТР идарәсе хезмәткәрләре катнашыннан башка гына, он-лайн режимында бирелә башлаячак. Бу хакта бүген ТР Хөкүмәте йортында узган брифингта Росреестрның ТР идарәсе җитәкчесе урынбасары Альберт Хәйретдинов белдерде.

26
декабрь, 2011 ел
дүшәмбе
Бүген ТР Президенты Рөстәм Миңнеханов РФ Дәүләт Советы утырышында катнашты. Әлеге утырышта РФ Президенты Дмитрий Медведев Россия алда торган децентрализациянең төп алымнарын һәм проблемаларын билгеләде.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International