Татарстан Республикасы Хөкүмәте

ЯҢАЛЫКЛАР

март, 2012 ел

җомга

Рөстәм Миңнеханов һәм Михал Рутковски Татарстанның Бөтендөнья банкы белән алга таба хезмәттәшлек итү мөмкинлекләре турында фикер алышты

Бүген Татарстан Республикасы Президенты Рөстәм Миңнеханов белән Бөтендөнья банкының Россия буенча директоры, Бөтендөнья банкының Мәскәүдәге даими вәкиле Михал Рутковски белән очрашуында киләчәктә Татарстан һәм Бөтендөнья банкының хезмәттәшлек итүе буенча фикер алыштылар. ТР Хөкүмәт йортында узган очрашуда Татарстан ягыннан ТР мәгариф һәм фән министры Альберт Гыйльметдинов, ТР икътисад министры Мидхәт Шаһиәхмәтов, ТР Инвестиция үсеше агентлыгы җитәкчесе Линар Якупов, ТР Президенты ярдәмчесе Анатолий Краснов һ.б. катнашты.

1 апрельгә Татарстанда ярты миллионнан артык квадрат метр тапшырылачак

Муниципаль берәмлекләр җитәкчеләре ветераннар өчен төзелүче торакларны файдалануга тапшыруны гына түгел, аларга гражданнарны урнаштыру һәм йортны тиешенчә эксплуатацияләүне дә контрольгә алырга тиеш. Бүген ТР Хөкүмәт йортында Президент Рөстәм Миңнеханов рәислегендә торак төзелеше мәсьәләләренә багышлап уздырылган республика киңәшмәсендә шундый бурыч куелды.

Рөстәм Миңнеханов: "Күп балалы гаиләләргә җир кишәрекләрен инфраструктурасы әзер булган урыннардан бирү мәслихәт"

Татарстанда хисапка алынган 22 300 күпбалалы гаиләнең 52 проценты бүген закон нигезендә түләүсез җир кишәрлекләре алу буенча гариза биргән. Әлеге тема бүген Хөкүмәт йортында ТР Президенты Рөстәм Миңнеханов рәислегендә узган республика киңәшмәсендә күтәрелде.

март, 2012 ел

пәнҗешәмбе

Рөстәм Миңнехановның Һиндстанга сәфәр нәтиҗәләре буенча нефть эшкәртү белгечләреннән эшлекле төркем төзеләчәк

Якын көннәрдә «Reliance Industries» компаниясе (Һиндстан) белгечләре һәм Татарстан Республикасының кайбер нефть эшкәртү тармагы предприятиеләре вәкилләреннән торган эшче төркем оештырылачак. Бүген Татарстан Республикасы Президенты Рөстәм Миңнехановның Джамангар шәһәренә (Һиндстан, Гуджарат штаты) эш сәфәре барышында шундый килешү төзелде. Бу хакта ТР Президентының матбугат хезмәте хәбәр итә.

Татарстан Президенты Һиндстанга эшлекле сәфәр кыла

Бүген Татарстан Президенты Рөстәм Миңнеханов Һиндстанның Джамнагар шәһәренә (Гуджарат штаты) сәфәр кыла. Визитның төп максаты – илдәге иң заманча предприятиеләрнең берсе булган «Reliance Industries» компаниясенең нефть эшкәртү заводы белән танышу.

март, 2012 ел

чәршәмбе

Россия Тикшерү комитеты рәисе Татарстан буенча тикшерү органнары хезмәткәрләре буенча берничә җитди карар кабул итте

Кайбер җинаять эшләрен һәм хәзерге вакытта Казанда эшләүче Россия Тикшерү комитетының үзәк аппараты комиссиясе хисабын тыңлау нәтиҗәләре буенча, Россия Тикшерү комитеты рәисе Александр Бастрыкин ТР буенча тикшерү идарәсе тикшерү органнарының берничә хезмәткәренә карата җитди чаралар күрде.

Минтимер Шәймиев "Саклаучы" сынын Болгарда урнашуы буенча киңәшмә үткәрде

Болгарда “Саклаучы” сынын урнаштыру урыны үзгәртеләчәк. Бүген ТР Дәүләт Киңәшчесе Минтимер Шәймиев гаммәви мәгълүмат чаралары вәкилләренә әнә шулай дип белдерде.

Татарстан Президенты "Мекран" компаниясе презентациясе белән танышты

Бүген Татарстан Президенты Рөстәм Миңнехановка “Мекран” мебель компаниясе продукциясе күргәзмәсен тәкъдим иттеләр. Экспозиция белән шулай ук ТР төзелеш, архитектура һәм торак-коммуналь хуҗалык министры Ирек Фәйзуллин, республика сәнәгать һәм сәүдә министры Равил Зарипов, Казан мэры Илсур Метшин, Татарстан Инвестицион үсеш агентлыгы җитәкчесе Линар Якупов танышты.

март, 2012 ел

сишәмбе

ТР Президенты һәм Виктор Басаргин Татарстанның федераль программаларда катнашуы буенча фикер алышты

Бүген Татарстан Республикасы Президенты Рөстәм Миңнеханов Мәскәүгә эш сәфәре кысаларында Россия Федерациясе Төбәк үсеше министры Виктор Басаргин белән очрашты.

Татарстанда "Язгы ташу" оператив республика планына үзгәрешләр кертелде

ТР Гражданнар оборонасы һәм гадәттән тыш хәлләр министрлыгы язгы ташу чорына әзерлек эшләрен узган еллар тәҗрибәсен һәм быелгы гидрометеорологик шартларны истә тотып алып бара. Бу эштә иң заманча технологияләр җәлеп ителә. Алар ярдәмендә, мәсәлән, һәр торак пункт, урам, йорт, анда яшәүче өчен бу чорның ничек узачагын фаразларга ярдәм итүче җентекле карта эшләнә. Шушы һәм язгы ташу белән бәйле гаять җаваплы чорга әзерлек хакында бүген ТР Хөкүмәт йортында узган брифингта журналистларга ТР гражданнар оборонасы һәм гадәттән тыш хәлләр министры урынбасары Николай Суржко сөйләде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ