ЯҢАЛЫКЛАР


24
декабрь, 2013 ел
сишәмбе
Бүген Татарстан Хөкүмәте йортында ТР Премьер-министры Илдар Халиков 2012-2013 елларда Муса Җәлил исемендәге республика премиясенә лаек булучыларны тәбрикләде. ТР Министрлар Кабинетының Муса Җәлил исемендәге республика премиясен бирү турында карары агымдагы елның июль аенда чыкты. Анда Муса Җәлил исемендәге республика премиясен бирү буенча комитет карары нигезендә, 2012-2013 елларда узган бәйге нәтиҗәләре буенча премиянең кайсы затларга бирелүе хакында хәбәр ителде.
Быел республикада табигатьне саклау буенча законның үтәлешен күз алдында тоткан 6800 тикшерү уздырылган. Чара кысаларында 2600 оешма һәм предприятие тикшерелгән. Тикшерүләр барышында 6 меңгә якын закон бозу очрагы ачыкланган. Әлеге очраклар буенча, 26 млн. күләмендә штраф салынган, судка 130 шикаять җибәрелгән. Бүген ТР Министрлар кабинетында узган брифинг вакытында ТР Экология һәм табигать ресурслары министры Артем Сидоров шундый мәгълүматлар китерде.

Бүген Казанда "КАИ-Лазер"сәнәгать лазер технологияләренең региональ инжиниринг үзәге ачылды. Тантанада Татарстан Республикасы Президенты Рөстәм Миңнеханов катнашты.

Татарстан Республикасы Президенты, “Татнефть” ААҖ Директорлар советы рәисе Рөстәм Миңнеханов компания Директорлар советының чираттагы утырышын уздырды.

Утырыш Татарстан Республикасы Хөкүмәте Йортында узды (Казан, Ирек мәйданы,1).

Директорлар советы 2013 елның 11 ае эчендә “Татнефть” ААҖ бюджетын үтәү йомгакларын карады һәм 2014 елның гыйнварына һәм 1 кварталына бюджет раслады.


23
декабрь, 2013 ел
дүшәмбе
Бүген Казанда Татарстанның 2013 елдагы төзелеш өлкәсе эшләренә йомгак ясалды. ТР Төзелеш, архитектура һәм торак коммуналь хуҗалыгы(ТКХ) министрлыгы киңәшмәсендә ТР Премьер-министры Илдар Халиков катнашты.

РФ Дәүләт Советы һәм РФ Президенты каршындагы РФ социаль-икътисадый үсешнең максатчан күрсәткечләренең казанышларын мониторинглау комиссиясенең уртак утырышын бүген Россия Президенты Владимир Путин уздырды. Утырыш Кремльдә узды (Мәскәү).


Бүген Татарстан Республикасы Президенты Рөстәм Миңнеханов кайбер федераль ведомстволарның аеруча зур эшләр башкарган хезмәткәрләренә 2013 елгы җәйге универсиаданы оештыруга һәм уздыруга зур өлеш керткәннәре өчен Татарстан Республикасы дәүләт бүләкләрен тапшырды.

Казан шәһәрендәге 2013 елгы XXVII Бөтендөнья җәйге универсиадасын уздыру йомгаклары буенча бүләкләр тапшыру тантанасы Мәскәү шәһрендә, Татарстан Республикасының Россия Федерациясендәге Тулы вәкаләтле вәкиллеге бинасында узды.

Татарстан Республикасы дәүләт бүләкләре – “Фидакарь хезмәт өчен” медальләре һәм Татарстан Республикасы Президенты Рәхмәт хатлары 13 кешегә тапшырылды.

Бүген Татарстан Республикасы Президенты Рөстәм Миңнеханов Казахстан Республикасының РФдәге Гадәттән тыш һәм Тулы вәкаләтле илчесе Галым Оразбәков белән очрашты. Очрашу Мәскәүдә Татарстан Республикасының РФдәге Тулы вәкаләтле вәкиллеге бинасында узды.


21
декабрь, 2013 ел
шимбә

Бүген Лаеш районы Усад авылында “ICL-КПО ВС” ААҖ инженер үзәген ачу тантанасы булды. Анда Татарстан Президенты Рөстәм Миңнеханов катнашты. ICL-КПО ВС – мәглүмат технологияләре өлкәсендә комплекслы карарлар һәм консалтинг, проектлау, мәгълүмат системалары кертү һәм гарантияле һәм сервис хезмәте тәкъдим итүче әйдәп баручы Россия компаниясе.

Бүген Татарстан Республикасы Президенты Рөстәм Миңнеханов Лаешта светодиодлы яктырткычлар җитештерүче “Ферекс” заводын ачты. Лаеш районы территориясендә бу компаниянең икенче предприятиесе ачылу күңелле вакыйга. Алар үзләрен ышанычлы тәэмин итүчеләр буларак күрсәтте. Без Универсиада вакытында сезнең продукциянең яктысын тойдык. Сезнең перспективаларыгыз яхшы, продуктыгыз конкурентлыкка сәләтле”, - диде Татарстан Президенты производствоны эшләтеп җибәрү тантанасында.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International