ЯҢАЛЫКЛАР

Бүген Торонто шәһәрендә Татарстан Республикасы Президенты Рөстәм Миңнеханов Канадада яшәүче татар җәмәгатьчелеге вәкилләре белән очрашты. Очрашу Татарстан делегациясенең Канадага эш сәфәре кысаларында үтте. Канадада татар милли оешмасы дөньяда иң тиз үсеп баручылар арасында. Күптән түгел биредә йөздән артык кеше булса, бүгенге көнгә 700 дән артык кеше оешмада катнаша. Татар милли оешмасы лидерлары фикеренчә, биредә үткәрелә торган Сабантуйларда төрки халыклардан 2-3 мең кеше катнаша. 

Бүген Татарстан Республикасы Президенты Рөстәм Миңнеханов Монреальга эш сәфәре кысаларында Квебек провинциясенең икътисад, фән инновацияләр һәм мәгълүмат технологияләре министры Доминик Англад ханым белән очрашты.   

Очрашу Bombardier заводы территориясендә узды, анда шулай ук Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Президентының халыкара мәсьәләләр буенча киңәшчесе Радик Гыйматдинов, Россия Федерациясенең Канададагы Гадәттән тыш һәм Тулы вәкаләтле Илчесе Александр Дарчиев һәм башкалар катнашты. 

Бүген Татарстан Республикасы Президенты Рөстәм Миңнеханов  Монреальда Bombardier авиатөзелеш заводында булды. Искәртәбез, 25-27 сентябрь көннәрендә Татарстан Республикасы Президенты җитәкчелегендәге Татарстан делегациясе Канадага эш сәфәре кыла. 

Бүген Монреальга (Канада) эш сәфәре кысаларында Татарстан Республикасы Президенты Рөстәм Миңнеханов Pratt&Whitney авиация заводы эшчәнлеге белән танышты. Эш сәфәрендә Рөстәм Миңнехановны Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Президентының халыкара мәсьәләләр буенча киңәшчесе Радик Гыйматдинов, Россия Федерациясенең Канададагы Гадәттән тыш һәм Тулы вәкаләтле Илчесе Александр Дарчиев, Татарстанның авиация предприятиеләре вәкилләре һәм башкалар озата йөри.   

Бүген Казанда ИТ-парк мәйданчыгында “Көнчыгыш Европа һәм Үзәк Азия илләрендә миграция. Заманча карашлар, тәҗрибәләр, инновацияләр” дип аталган халыкара фәнни-гамәли конференция ачылды.

Конференциянең төп максаты –күченеп килүчеләрнең чит илләр, Россия һәм республика дәүләт һәм коммерцияле булмаган оешмалары арасында социаль җайлашуы һәм интеграцияләнүе, миграция  өлкәсендә мәгълүмат һәм тәҗрибә алмашу.

Бүген Татарстан Республикасы Премьер-министры вазифасын башкаручы Алексей Песошин “Тойота” гомуми җитештерү системасы турында семинарда катнашты. Аны “Тойота инжиниринг корпорейшн” компаниясе вице-президенты Кейсуке Одзава үткәрде.

Бу чара Казан дәүләт энергетика университеты базасында узды.  

Бүген Татарстан Республикасы Президенты Рөстәм Миңнеханов Монреальга (Канада) эш сәфәре белән килде.   

Иртәгә, 26 сентябрьдә, ТР Президенты илнең алдынгы авиатөзелеш предприятиеләренә барачак, шул исәптән – Pratt&Whitney һәм  Bombardier заводларында. Аннары Рөстәм Миңнеханов Квебек провинциясенең икътисад, фән инновацияләр һәм мәгълүмат технологияләре министры Доминик Англад ханым һәм Канада авиация индустриясе вәкилләре белән очрашырга ниятли. 

Бүген Татарстан Республикасы Президенты Рөстәм Миңнеханов Сахалинга эш сәфәре кысаларында Сахалин өлкәсенең татар иҗтимагый оешмалары җитәкчелеге һәм активистлары белән очрашты. 

Очрашуда Сахалин өлкәсе губернаторы Олег Кожемяко, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Бөтендөнья татар конгрессы Башкарма комитеты рәисе Ринат Закиров һәм башкалар катнашты.

Бүген Көняк Сахалинск шәһәрендә Татартан Республикасы һәм Сахалин өлкәсе арасында 2016-2018 елларга сзәүдә-икътисалый, фәнни-техник, cоциаль һәм мәдәни хезмәттәшлек турында килешү имзаланды. 

Докуметка имзаларын Татарстан Республикасы Президенты Рөстәм Миңнеханов һәм Сахалин өлкәсе губернаторы Олег Кожемяко куйдылар. 

Бүген Татарстан Республикасы Президенты  Рөстәм Миңнеханов Сахалинга эш сәфәре кысаларында Сахалин өлкәсе губернаторы Олег Кожемяко белән очрашты. 

Татарстан Президенты Сахалин өлкәсе губернаторына Татарстан Республикасы делегациясен Сахалинга чакыруы өчен рәхмәт белдерде. 

"Татарстан белән мөнәсәбәтләрне үсерү мәсьәләсенә игътибар итүегез өчен без рәхмәтле. - диде Рөстәм Миңнеханов. - Регионнар дәрәҗәсендә багланышлар өчен рәхмәтле". 

Әңгәмә барышында Рөстәм Миңнеханов Сахалин өлкәсенең күп милләтле халкы арасында татар булуын искәртте.