ЯҢАЛЫКЛАР

2008 елдан, ягъни күпкатлы торак йортларны капиталь ремонтлау буенча программаны гамәлгә ашыра башлаганнан бирле, Татарстанда бу эшләрне башкаруга 24,6 млрд. сумлык финанслар тотылган. Гомуми мәйданы 27,2 млн кв. метр булган 6,6 мең күпкатлы йорт капиталь төзекләндерелгән. Ягъни әлеге программаны 4 ел дәвамында гамәлгә ашыру гына да бездәге күпкатлы йортларның 42 процентында яшәү шартларын яхшыртырга ярдәм иткән. Әлеге мәгълүматлар бүген ТР Хөкүмәте йортында Татарстанда “Торак-коммуналь хуҗалыкны реформалаштыруга ярдәм фонды турында”гы законның үтәлешенә багышланган киңәшмәдә яңгырады. ТР Президенты Рөстәм Миңнеханов рәислегендә узган киңәшмәдә “Торак-коммуналь хуҗалыкны реформалаштыруга ярдәм фонды” дәүләт корпорациясенең генераль директоры Константин Цицин катнашты.

Бүген Лаеш районының Усад бистәсендә яңа производство – “Нәфис-Биопродукт” җәмгыятенең майонезлар, кетчуп һәм соуслар җитештерү, төргәкләү комбинаты ачылды. Әлеге яңа производство “Нәфис” компанияләр төркеменә керүче предприятиеләр җитештерә торган майонез, кетчупларның ил базарындагы өлешен арттырыга да ярдәм итәчәк, ди җитәкчелек. Яңа производствоны ачу тантанасы ТР Президенты Рөстәм Миңнеханов, РФ Дәүләт Думасы депутаты,“Нәфис” компанияләр төркеме хуҗаларының берсе Ирек Богуславский, идарә рәисе урынбасары Андрей Донских җитәкләгән Россия “Саклык банкы” делегациясе, “Внешэкономбанк” делегациясе , Казан мэры Илсур Метшин, республика министрлык-ведомстволар җитәкчеләре һ.б. катнашында узды.

Россия Саклык банкының кече бизнес белән эшләү концепциясе, бизнесның бу төре һәм яңа гына эш башлаган эшкуарлар өчен аның яңа һәм модификацияләнгән продуктлары, финанс институтлар белән эшкуарларның иҗтимагый оешмалары арасындагы хезмәттәшлек юнәлешләре, кече бизнес үсешенә этәргеч буларак дәүләт ярдәме, эшкуарлыкка милки ярдәм формасы һәм инновацион икътисад формалашуның әһәмиятле өлеше буларак технопарклар системасы үсеше.

Бүген Татарстан Президенты Рөстәм Миңнеханов «Unvia Trading Limited» компаниясе президенты Ури Альперович белән очрашты. ТР Хөкүмәте йортында узган очрашуда шулай ук Татарстан Премьер-министры урынбасары – авыл хуҗалыгы һәм азык-төлек министры Марат Әхмәтов, Тышкы элемтәләр департаменты директоры – ТР Президенты ярдәмчесе Искәндәр Мөфлиханов, республика Инвестицион үсеш агентлыгы җитәкчесе Линар Якупов, "Татнефтехиминвестхолдинг" ААҖ генераль директоры Рафинат Яруллин катнашты.

Бүген Казанда “2014 ел Саклык банкы клиентлар күзлегеннән” темасына ачылган Россия Саклык банкының (Сбербанк России) Бөтенроссия конференциясендә бизнес вәкилләре белән очрашуга ТР Президенты Рөстәм Миңнеханов та килде.

Татарстан белән Украина арасында икътисади хезмәттәшлек мәсьәләләре бүген Казан Кремлендә ТР Президенты Рөстәм Миңнехановның Украинаның РФ дәге Гадәттән тыш һәм Тулы вәкаләтле илчесе Владимир Ельченко белән очрашуында каралды.

Торак-коммуналь хуҗалык өлкәсендә икътисади җинаятьләр белән көрәш мәсьәләләре бүген РФ Президенты Дмитрий Медведев рәислегендә узган видеокиңәшмәдә күтәрелде. Аның эшендә ТР Президенты Рөстәм Миңнеханов та катнашты.

Бүген ТР Президенты Рөстәм Миңнеханов Россия мәгариф академиясе президенты Николай Никандров белән очрашты. ТР Хөкүмәте йортында узган очрашуда ТР мәгариф һәм фән министры урынбасары Андрей Поминов, ТР Президентының Эчке сәясәт мәсьәләләре буенча идарә җитәкчесе Александр Терентьев, КФУ проректоры Рияз Минзарипов катнашты.

Татарстан белән “РОСНАНО” җәмгыятенә алга таба хезмәттәшлекне үстерү һәм уртак проектларны гамәлгә ашыру өчен, кайбер мәсьәләләрне хәл итәргә кирәк. Бүген ТР Президенты Рөстәм Миңнехановның ТР Хөкүмәте йортында “РОСНАНО” ААҖ идарә рәисе урынбасары Андрей Малышев белән очрашуында шулай дип белдерелде.

Бүген Татарстан Президенты эш сәфәре белән Зәй районында булды.