Татарстан Республикасы Хөкүмәте

ЯҢАЛЫКЛАР

сентябрь, 2013 ел

сишәмбе

Илдар Халиков Беларусь Республикасының Россиядәге Илчелегенең Казандагы бүлеге җитәкчесе Руслан Дрозд белән очрашты

Бүген Татарстан Республикасы Премьер-министры Илдар Халиков Беларусь Республикасының Россиядәге Илчелегенең Казандагы бүлеге җитәкчесе Руслан Дрозд белән очрашты.
Очрашу ТР Хөкүмәте Йортында узды, анда Татарстан Республикасы ягыннан ТР сәнәгать һәм сәүдә министрының беренче урынбасары Руслан Кәбиров, тышкы икътисади эшчәнлек буенча ТР Премьер-министры ярдәмчесе Нәзил Насыйбуллин һ.б. катнашты.

Таможня мәгълүмати-техник хезмәтенең Бөтенроссия семинар-киңәшмәсе Казанда уза

Бүген Казанда РФ төбәкләре таможня идарәләре, Россиянең таможня федераль хезмәтенә турыдан-туры буйсынган мәгълүмати-техник хезмәтләре башлыклары семинар-киңәшмәгә җыелды. Анда Татарстан Республикасы Премьер-министры Илдар Халиков, Россия таможня федераль хезмәтенең мәгълүмати технологияләр баш идарәсе җитәкчесе Алексей Шашаев, Идел буе таможня идарәсе башлыгы Сергей Рыбкин һәм Татарстан таможня башлыгы Альберт Мавликов катнашты.

Татарстан нефть, газ, химия форумында катнашучыларның дүрттән өче анда кабат катнашырга тели

5-7 нче сентябрьдә Казанда үткән Татарстан нефть, газ, химия форумы РФ нефть, газ тармагының иң зур вакыйгаларының берсе булды. Бу хакта бүген ТР Хөкүмәте Йортындагы брифингта “Казан ярминкәсе” ААҖ генераль директоры Лев Семенов хәбәр итте.

Аның сүзләренчә, форум кысаларында үткән “Нефть, газ. Нефтехимия” күргәзмәсе Россиядә алдынгылар рәтендә. Ел саен анда катнашучылар саны 10-12 процентка арта, ә быел анда 250дән артык компания тәкъдим ителгән.

“Татнефть” 70 еллыгын социаль объектлар төзелеше белән билгеләп үтте

Татарстан нефтенең 70 еллыгы уңаеннан, комплекслы программа кысаларында “Татнефть” ААҖ эшчәнлек алып барган төбәкләрдә 1,2 млрд.сумнан артык акча социаль объектлар төзелешенә, капиталь ремонтына һәм аларны реконструкцияләүгә юнәлдерелгән. Мондый мәгълүмат бүген ТР Хөкүмәте Йортындагы брифингта яңгырады, анда компания генераль директорының кадрлар һәм компаниянең социаль үсеше буенча урынбасары Рөстәм Мөхәммәдиев һәм генераль директорның капиталь төзелеш буенча урынбасары Николай Глазков катнашты.

Рөстәм Миңнеханов Comtrans'13 автосалонында булды

Бүген Татарстан Президенты Рөстәм Миңнеханов Мәскәүдә Comtrans халыкара автосалонында булды. "Крокус Экспо" күргәзмә үзәгендә ул салон экспозициясен карады һәм тантаналы ачылуда катнашты.

сентябрь, 2013 ел

дүшәмбе

Татарстанда лазер технологияләренең инжиниринг үзәге булачак

"КАИ-Лазер" инжиниринг үзәген булдыру проектын гамәлгә ашыру буенча бүген "Алабуга" МИЗда "Юл картасы"на IPG Photonics компаниясе делегациясе визиты кысаларында имза салынды. Документка Татарстан Республикасы Президенты Рөстәм Миңнеханов һәм IPG Photonics президенты Валентин Гапонцев имза салды.

"Алабуга" МИЗда ит эшкәртү калдыкларын эшкәртү буенча завод эшләтеп җибәрелде

Россиядә беренче булып ит эшкәртү калдыкларын эшкәртү буенча Saria Германия концерны заводы бүген "Алабуга" МИЗда эшләтеп җибәрелде. Әлеге заводны эшләтеп җибәрү тантанасында Татарстан Республикасы Президенты Р.Н. Миңнеханов катнашты.

Рөстәм Миңнеханов: Бүген керем базасын арттырырга, яңа җитештерүләр һәм яңа эш урыннары булдырырга кирәк

Татарстан Республикасында сәнәгать җитештерүе темпларының реаль рәвештә акрынаю күзәтелә, 2013 елны без 1,5 процентка үсеш белән тәмамлыйбыз. Бүген Татарстан Республикасы Президенты Р.Н. Миңнеханов Татарстан Республикасы Министрлар Кабинеты утырышында шул хакта хәбәр итте.
Утырышта өч мәсьәлә каралды -2014 елга һәм 2015 - 2016 еллар план чорына Татарстан Республикасының социаль-икътисадый үсешен фаразлауның төп параметрлары; 2014 елга, 2015 һәм 2016 еллар план чорына Татарстан Республикасы берләштерелгән бюджеты фаразы; 2014 елга, 2015 һәм 2016 еллар план чорына Татарстан Республикасы Территориаль мәҗбүри медицина иминияте фонды бюджеты проекты.
Утырышта катнашучыларга мөрәҗәгать итеп, Татарстан Президенты гамәлдәге икътисадый вәзгыятьне объектив бәяләргә өндәде.

2014 нче елга, федераль акчаларны исәпкә алмыйча, Татарстан Республикасының консолидацияләнгән бюджетының керемнәре 158,4 млрд.сум күләмендә фаразланыла

2014 нче елга, федераль акчаларны исәпкә алмыйча, ТР консолидацияләнгән бюджетының керемнәре 158,4 млрд.сум күләмендә фаразланыла, 2015 нче елга - 166,6 млрд. сум, 2016 нче елга – 175,1 млрд. сум. 2014 нче елга республика бюджеты керемнәре күләме - 127,3 млрд. сум дип фаразлана. Бу хакта бүген ТР Хөкүмәт Йортында үткән ТР Министрлар Кабинеты утырышында Татарстан Республикасы финанслар министры Радик Гайзатуллин хәбәр итте. Утырышта өч мәсьәлә каралды - Татарстан Республикасының 2014 елга һәм 2015-2016 еллар планлы чорына социаль-икътисади үсешенең төп фаразлау параметрлары, 2015 – 2016 нчы еллар планлы чорына ТР консолидацияләнгән бюджетының фаразлары, ТР Территориаль мәҗбүри медицина иминияте фондының 2014 елга һәм 2015-2016 еллар планлы чорына бюджетының проекты.

Мидхәт Шаһиәхмәтов: 2013 елда Татарстан Республикасында тулай төбәк продукты(ВРП) күләме үсеш темплары 2,3% тан артмаганда 1,520 трлн.сум тәшкил итәчәк

2013 елда Татарстан Республикасында тулай төбәк продукты(ВРП) күләме үсеш темплары 2,3% тан артмаганда 1,520 трлн. сум тәшкил итәчәк, дип көтелә.
Бу хакта бүген Татарстан Республикасының икътисад министры Мидхәт Шәһиәхмәтов ТР Министрлар Кабинетының 2014 нче елга һәм 2015 – 2016 нчы елларның планлы чорына Татарстан Республикасының социаль-икътисади үсешен фаразлауның төп параметрлары мәсьәләләре буенча булган утырышында хәбәр итте.
Утырышны ТР Премьер-министры Илдар Халиков алып барды. Утырыш эшендә Татарстан Республикасы Президенты Рөстәм Миңнеханов катнашты.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ